اللهم صل وسلم وبارك على سيدنا محمد
عواصف القدر
الجزء الاول من البارت السادس عشر
بقلم / شيماء عبد الحكم عثمان
*********************
صدمه كبيره وخيبه أمل مريره أصابت "رباب"عندما عادت خالية الوفاض من غرفة "فيروز" بعد الأمر الذي تلقوه من" سلطان "
بتفتيش جميع غرف المنزل حيث صعدت "نجاة" ومعها كلا من "رباب" و"هانم " للبحث عن ضالتهم فى جميع غرف المنزل بدءا من غرفة "يوسف " الى غرفة " فيروز" التى كانت تبكى بألم لم تستطيع تجاوزه اما "رباب" فا إدعائها أصبح كاذب مما أصابها بالأحباط .وخيبة الأمل لفشل مخططها ..ألتزم الجميع الصمت فى حين تابع "فارس" و"سلطان" البحث مره اخرى فى غرفة المكتب حيثُ كانت تلك المره عملية البحث تتم بأستفاضه .. وأيضا "هانم" التى تابعت البحث بالغرف التى توجد بالدور الأول
والذي يقطنون به أنتهت "هانم" من البحث بغرف الضيوف وخرجت لبهو الفيلا حيث تجلس "نجاة" و"رباب" وتحدثت بحزن ظاهر فى عيونها على ما أصاب "فيروز" والتى تكن لها كل الأحترام والحب حيث قالت
-- انا دورت فى كل مكان زي ما أمرتى ياست نجاة ومفيش حاجه ..تأمرينى بحاجه تانيه
تحدثت "نجاة" بحزن تجلى فى نبرتها حين قالت
-- لاء ياهانم روحي أنتِ شوفي وراكى إيه واعمليلى فنجان قهوة عشان دماغي هاتنفجر من كُتر الصداع
اومأت لها بأحترام وانصرفت إلى المطبخ ،، خرج "سلطان"وخلفه"فارس" وجلسا بأهمال على مقاعدهم حيث تحدث " فارس "
بحيره واندهاش
-- انا هاتجنن ! يعنى إيه الفلوس ملهاش أثر انا بنفسي حاططهم فى الظرف بليل ومجهز كل حاجه .
واضاف بحزن
-- مش صعبان عليا غير الناس اللى بتخدمنا بقالهم سنين وعمرنا ما أشتكينا منهم فاجأه كده ندخل ونفتش فى أوضهم
نظرت له رباب بغضب وأردفت
-- انا كمان هاتجنن يعنى إيه الفلوس تختفي فى كام ساعه بس وأزاي ملهاش أثر فى البيت كله .
نظر "سلطان" بأتجاه " رباب" وتحدث بمنتهى الصرامه والتحذير
-- الموضوع اتقفل خلاص مش عايز حد يفتحه تانى وخصوصا قدام فيروز ،، انا لولا مش عايز سيرتنا تبقا لبانه فى بُق الناس
كنت بلغت خالد وهو يجي يشوف شغله وساعتها كلنا هانعرف مين الصادق ومين الكداب ..
ردت "نجاة" بعقلانيه .
-- عندك حق ياحج .فيروز لسه بتعيط لحد دلوقتى وصعبان عليها نفسها لمجرد صدفة وجودها الصبح فى المكتب ،واللى جاي عليها
تقول يارتنى مكنت نزلت ولا دخلت المكتب ،، فيروز بقالها ٣ سنين عايشه معانا هنا مافيش مره حصلت ،، ولا حتى قبل كده حصلت واتسرق حاجه من البيت .
-- قصدك إيه ياخالتى فيروز بقالها ٣ سنين ومفيش حاجه اختفت يبقا قصدك انا بقا اللى مديت إيدى وسرقت
هكذا تحدثت "رباب" بأنفعال لترد عليها "نجاة" بغضب وصوتٍ حاد
