السلام عليكم ورحمه الله وبركاته
متابعينى الكرام وقراء عواصف القدر يارب تكونوا كلكم بألف خير . وحشتوني قوى . ووحشنى إبطالي معاكم . يوسف .وفارس وفيروز . وحتى غتاته رباب .
اولا أنا بعتذر عن تأخير الجزء التانى اللى للأسف هيطول ده لعدة أسباب انى كتبت تلتين الجزء التانى بالفعل بس فى الورق . وحصلت لى ظروف خلتنى اسافر بسرعه تقريبا بعد الحلقه الأخيره بثلاث ولا اربع ايام سافرت على طول . عشان كده مش هقدر انشر حلقات الجزء التانى حاليا . لان عشان استعيد الأحداث لازم اقرء اللى كتبته .
حاليا كده بكتب نوفيلا اسمها حق مشروع اتنشر منها حلقتين . وكل حلقه هخلصها هنشرها فورا لأن ديه بكتبها ع الفون . وهنشر هنا بس ع الواتباد . مش هقدر انشر على صفحتى على الفيس . وده السبب التانى .وفاة ابن اختى الله يرحمه اللى اتوفي بعد سفري بحوالى اربع او خمس ايام بالظبط
وديه كانت صدمه كبيره قوى . ربنا يارب يرحمه ويجعل مرضه فى ميزان حسناته ويصبر قلب اختى يارب .
عارفه أن ممكن حد ينتقدنى ويقول طب هتكتبى ليه . وانتى فالظروف ديه . الكتابه هي المتنفس الوحيد اللى بتخلينى افصل من كل حاجه حواليا .
النوفيلا ديه مش هتطول ان شاء الله يعنى حلقاتها هاتبقي قليله قوى .
وان شاء الله فى كام فكرة اسكيريبت فى دماغي هحاول برضو اكتبهم .
اخيرا بقا ياريت تدخلوا تقرءوا . #حق مشروع وتقولوا رائيكم . وياريت لو عجبتكم اعملوا فوت وكومنتات على الجمل اللى عجبتكم
شكرا ليكم مقدما
