" ဟက်ချိုး! "
" ဟက်ချိုး! တစ်ရှူးပေးပါဦး ဦးအံ့ "
ဟန်ဂျူဂျူကို မနေ့ကနေပူထဲတွင်သွားလာတာများသွား၍ထင်။ သည်နေ့ကျအိပ်ရာထဲမှပင်မထနိုင်ပဲခေါင်းများအုံခဲနေကာဖျားသွားလေပြီ။လည်ချောင်းများနာကာအသံပင်ပျောက်လုနီးပါး။
" အသေးလေး ထဦး၊ စွပ်ပြုတ်လာထသောက်၊ ပြီးရင်ဆေးသောက်ရမယ် "
" နိုး နိုး "
ဆေးသာအထိုးခံလိုက်မည်။ဆေးသောက်ရမည်ကို
အလွန်ကြောက်သောဟန်ဂျူဂျူကိုကအကြောက်အကန်ငြင်းသည်။ သူအောက်မဆင်းနိုင်တာကြောင့်ကြီးကြီးငုဝါကစွပ်ပြုတ်ပူပူနွေးနွေးချက်ပေးကာ
ဆေးများဝယ်ပြီးထားသွားပေးသည်။သို့သော်သူထိတောင်မထိဖြစ်။
" ကလေးလည်းမဟုတ်ဘူး၊ လာပါ ဆေးသောက်မှဖြစ်မယ် "
" ဒါဆိုဦးအံ့မှာကလေးရှိနေပြီလား "
" ဘယ်လို "
နှာစီးနေတာကြောင့်နှာသံပေါက်နေသည့်အသံတိုးတိုးလေးဖြင့်ပြောလာတော့အံ့မှိုင်းညီကရုတ်တရက်
နားမလည်ပဲကြောင်သွားသည်။
" ကျွန်တော်မဟုတ်တဲ့တခြားကလေးရှိနေပြီလားလို့!
ကလေးကကျွန်တော်တစ်ယောက်တည်းမဟုတ်ဘူးလားလို့! "
" ကလေးကအသေးလေးအပြင်ဘယ်သူရှိရမှာလဲ "
" ကျွန်တော်မရှိချိန်ပျောက်ပျောက်သွားပြီးတခြားကလေးတွေဆီရောက်နေတာမလား "
" မဟုတ်ရပါဘူးကွာ "
" လိမ်တယ် "
" မလိမ်ရပါဘူး ၊ အခုတော့စွပ်ပြုတ်လေးသောက်ပြီးဆေးအရင်သောက်မှဖြစ်မယ်၊ အဖျားအရမ်းကြီးနေပြီ "
" နိုး "
ဟုပြောကာအံ့မှိုင်းညီကိုကျောခိုင်းလို့တစ်ဖက်သို့လှည့်သွားသောကလေးပေါက်ကိုကြည့်ရင်းပြုံးမိသည်။
နေမကောင်းလျှင်အခြားအချိန်တွေထက်ပိုရစ်တတ်ပြီးစိတ်အလိုမကျတတ်သည်မှာငယ်စဥ်ကတည်းကအတိုင်းမပြောင်းလဲပေ။ ရာသီဥတုပူပူလောင်လောင်ကြီးထဲတွင်ချမ်းသည်ဆိုကာဂွမ်းစောင်ထူထူကြီးဖြင့်အိပ်နေသောသူကအဖျားအလွန်ကြီးနေလေပြီ။
YOU ARE READING
Sunshine Of My Life [ Ongoing ]
Romanceအဖြူနဲ့အမည်း......။ လူသားနဲ့ဝိညာဥ်......။ ဆန့်ကျင်ဘက်သူတို့နှစ်ယောက်ကြားကချစ်ခြင်းမေတ္တာ........။ အျဖဴနဲ႕အမည္း......။ လူသားနဲ႕ဝိညာဥ္......။ ဆန့္က်င္ဘက္သူတို႔ႏွစ္ေယာက္ၾကားကခ်စ္ျခင္းေမတၱာ........။ Boy x Boy
![Sunshine Of My Life [ Ongoing ]](https://img.wattpad.com/cover/374341581-64-k670496.jpg)