" လူနာစောင့်တွေကလည်းဆင်တက်နင်းလို့မှနိုးပါ့မလား "
ဒေါ်ခိုင်သူဇာဝင်းကခင်ပွန်းဖြစ်သူနားကပ်ကာလေသံတိုးတိုးလေးဖြင့်ရယ်ရင်းဆိုသည်။ ကျောင်းပိတ်ရက်မို့သူတို့သာဆေးရုံစောင့်ပါမည်ဟုဆိုသည်ကြောင့်
သူ( မ ) တို့နှစ်ယောက်လည်းစိတ်ချလက်ချပင်နေခဲ့သည်။ မနက်မိုးလင်းကလေးတွေအခြေနေသိချင်သည်မို့စားစရာချိုင့်လေးများဆွဲကာလာတော့ သုံးယောက်သားကအလွန်ပင်ပန်းထားကြသည့်ပုံပင်။ ဆေးရုံကုတင်၏အောက်ဘက်ဖျာလေးပေါ်တွင်နှစ်နှစ်ခြိုက်ခြိုက်အိပ်ပျော်နေကြတာများနည်းနည်းလေးတောင်မလှုပ်။ သုံးယောက်သားကကော်ကပ်ထားသည့်နှယ်ပူးပူးကပ်ကပ်တစ်ယောက်ပေါ်တစ်ယောက်ခြေထောက်ခွလျက်သားအိပ်နေကြသည်။
" နှိုးလိုက်တော့ "
" ဘာလို့နှိုးမှာလဲရှင်ကလည်း "
" အိပ်နေတဲ့ပုံတွေကိုလည်းကြည့်ဦး၊ကားကားယားယားပိုးလိုးပက်လက်မျက်လုံးထဲအဝင်ဆိုးလိုက်တာမိန်းမရာ၊ သားဂျူကတောင်တော်သေးတယ်၊မင်းသားနှစ်ကောင်ကိုကြည့်ဦး၊သရေတွေပါကျနေပြီ "
သူတို့စကားပြောနေရင်းခဏအကြာမှာပင်ဟန်သုတကသရေများသုတ်ကာထထိုင်သည်။ သူတို့နှစ်ယောက်ကိုမြင်သည်နှင့်လာပြေးဖက်တော့ဦးသူရိန်နိုင်ကရှောင်သည်။
" နံစော်နေရောဖေ့သားရာ၊မင်းရုပ်ကိုကြည့်ဦး၊
ဂြိုဟ်သားနဲ့ခပ်ဆင်ဆင်ပဲ "
" ဟုတ်ပဗျာ၊ဖေဖေနဲ့ချွတ်စွပ်ပဲ "
" နောက်တစ်ခါဆေးရုံမစောင့်ခိုင်းတော့ဘူးသိသလား၊လူနာအရေးပေါ်ထဖြစ်ရင်တောင်သိလိုက်ပါ့မလား ဟင်"
ဒေါ်ခိုင်သူဇာဝင်းကသားဖြစ်သူ၏ပုံစံမကျဟိုထောင်ဒီထောင်ဖြစ်နေသည့်ဆံပင်လေးများအားသပ်ပေးကာရယ်ရင်းဆိုတော့ဟန်သုတကမဲ့ရွဲ့ကာ.....
" သားတို့လည်းမစောင့်တော့ပါဘူး၊သားတို့မနေ့ညကဘာဖြစ်သလဲမေမေတို့မှမသိတာ "
" ဘာဖြစ်ကြလို့တုန်း "
" ညကသရဲခြောက်ခံလိုက်ရတယ် "
အနောက်မှနိုးလာသည့်ဈာန်သုတကထထိုင်ရင်းပြန်ဖြေသည်။ဟန်ဂျူဂျူကိုကတော့အိပ်ရေးမဝသည့်ပုံစံလေးဖြင့်စူပုပ်ပုပ်လေးဖြစ်နေဆဲ.....။
YOU ARE READING
Sunshine Of My Life [ Ongoing ]
Romanceအဖြူနဲ့အမည်း......။ လူသားနဲ့ဝိညာဥ်......။ ဆန့်ကျင်ဘက်သူတို့နှစ်ယောက်ကြားကချစ်ခြင်းမေတ္တာ........။ အျဖဴနဲ႕အမည္း......။ လူသားနဲ႕ဝိညာဥ္......။ ဆန့္က်င္ဘက္သူတို႔ႏွစ္ေယာက္ၾကားကခ်စ္ျခင္းေမတၱာ........။ Boy x Boy
![Sunshine Of My Life [ Ongoing ]](https://img.wattpad.com/cover/374341581-64-k670496.jpg)