" မာန်ဝင့်ထည်၊ သားဒီနေ့သူငယ်ချင်းရဲ့ခဲဖျက်ကိုသူငယ်ချင်းမသိပဲယူပြီးဖွက်ထားတယ်လို့ဆရာ့ကိုလာတိုင်တယ်၊အဲ့ဒါမှန်သလား "
" ...... "
" ဆရာ မရိုက်ဘူး၊ဆူလည်းမဆူမှာမို့အမှန်တိုင်းဖြေရမယ်နော်၊တကယ်ယူထားတာလား အကယ်လို့ယူထားတယ်ဆိုရင်ဘာကြောင့်လဲဆိုတာပြောပြရမယ်၊ဆရာနားထောင်ချင်တယ် "
" သားမှာမရှိလို့ "
" အင်း ၊ သားမှာမရှိရင်ခွင့်တောင်းပြီးငှားလို့ရတယ်၊ ဒီလိုတော့မယူထားသင့်ဘူး၊ဆရာပြောတာမှန်သလား "
" ခဏခဏငှားနေရတာသားရှက်တယ်၊သားလည်းသားအပိုင်တစ်ခုလိုချင်တယ်လေ "
အရှေ့မှတပည့်ပေါက်လေးကိုကြည့်ရင်းဟန်ဂျူဂျူကို နားလည်စွာခေါင်းငြိမ့်ပြလိုက်ပြီးစိတ်အေးအေးထားလိုက်၍အလွန်နူးညံ့ပျော့ပျောင်းလှသည့်လေသံလေးဖြင့်......
" သားမှာမရှိတာဆရာသိတယ်၊ သားအပိုင်တစ်ခုရှိထားချင်တာလည်းဆရာသိတယ်၊ဒါပေမယ့်အခုဟာလေးကတော့ဘယ်သူ့ဟာလဲ "
" ယမင်းသူဇာဟာပါ "
" အင်း၊ သားအပိုင်ရှိထားချင်သလိုမျိုးဒီဟာလေးကလည်းသူ့အပိုင်လေ၊ သူ့မှာမရှိတော့ရင်သူဝမ်းနည်းလိမ့်မှာပေါ့၊ ပြီးတော့ဘုရားမကြိုက်တဲ့အချက်ငါးချက်ဆရာခဏခဏပြောလေ့ရှိတယ်၊ အဲ့ဒါလေးဆရာ့ကိုပြန်ရွတ်ပြပါဦး "
ဟန်ဂျူဂျူကို လက်ငါးချောင်းထောင်ပြကာပထမလက်မနေရာလေးကိုကွေးပြရင်းမေးလိုက်တော့......
" သူတစ်ပါးအသက်မသတ်ရဘူး "
" အင်း၊ဒီလက်ညှိုးနေရာလေးကရော "
" လိမ်မပြောရဘူး ၊ အရက်မသောက်၊ဖဲမရိုက်၊ချဲမထိုးရဘူး ၊ သူများကောင်မလေးကိုအာဘွားမပေးရဘူး "
ကလေးဖြစ်သည်ကြောင့်အစဥ်တကျမမှတ်မိပါသော်ငြားမှတ်ထားသလိုလေးပြန်ပြောပြလာသည်ကိုကြည့်ရင်းသူသဘောကျနေမိတော့သည် ။
" အင်း၊ နောက်ဆုံးတစ်ခုပဲကျန်တော့တယ် "
" သူများပစ္စည်းတွေကိုသူများမသိပဲမယူရပါဘူး "
YOU ARE READING
Sunshine Of My Life [ Ongoing ]
Romanceအဖြူနဲ့အမည်း......။ လူသားနဲ့ဝိညာဥ်......။ ဆန့်ကျင်ဘက်သူတို့နှစ်ယောက်ကြားကချစ်ခြင်းမေတ္တာ........။ အျဖဴနဲ႕အမည္း......။ လူသားနဲ႕ဝိညာဥ္......။ ဆန့္က်င္ဘက္သူတို႔ႏွစ္ေယာက္ၾကားကခ်စ္ျခင္းေမတၱာ........။ Boy x Boy
![Sunshine Of My Life [ Ongoing ]](https://img.wattpad.com/cover/374341581-64-k670496.jpg)