شوفتي !! البيه كان مستعجل على ميعاد الخيل ومصمم يكون قبل أسبوع وبقاله يومين مختفي ومش بيرد على تليفونه ! " قالتها ليلى بعصبية وهي تجلس على مكتبها بينما كانت نهال تتابعها باندهاش"
نهال : معقولة ؟! طب ما تكلمي خالك يشوف كده مع باباه!
ليلى بحنق : مش مكلمة حد !!! هو أنا هتحايل عليه عشان نشتغل كمان ! من أول ما شوفته وأنا قولت إنه إنسان مش professional ولا عنده qualities تخليه رجل أعمال !.
نهال بلوم : حرام عليكي يا بنتي ... يمكن يكون تعبان أو حصله حاجة !
ليلى : يحصل له إيه مهو كان زي القرد من كام يوم وبيجري من الاجتماع عادي !!
نهال : ليلى !... بقولك أيه ما تهدي كده ! مالك ؟ طريقتك مش عجباني ... عمتاً مش مهم أنا هكلم uncle حامد اسأله مدام حضرتك مش عايزة !!
أخذت نهال هاتفها وفعلاً اتصلت بحامد تسأله عن يوسف وبعد دقائق من الانتظار أجابها ...
حامد : أهلاً يا نهال ازيك ؟
نهال : الحمدلله يا uncle حضرتك أخبارك أيه؟
حامد : كويس ؛ مش بشوفك يعني عندنا أيه مشغولة في أيه ؟
نهال : شوية مشاكل عائلية كالعادة يعني يا عمو ما حضرتك عارف ..
حامد : لا لا ربنا يهدى النفوس والدنيا تظبط ان شاء الله .. المهم عاملين أيه أنتِ ولولا ؟
نهال : كويسين .. بس متعطلين بسبب يوسف بقاله مدة مش ظاهر ! متعرفش عنه حاجة يا عمي ؟!
حامد : اه يوسف .... بُصي الخبر ده عرفته من والده بس هو مش عايزه ينتشر ...
نهال بقلق : خير ؟
حامد : للأسف يوسف مخطوف !...
ضحكت نهال بسخرية وقالت : يا عمو والله بجد مش بهرج ... مش عارفين نشتغل !
حامد بتفهم لعدم استيعابها للأمر بعد : وأنا بتكلم جد يا حبيبتي ! يوسف مخطوف ...
"ايه ؟!!!!!!! ازاي يعني " قالتها بصوت عالي للغاية لفت حتى انتباه من يمر من أمام غرفة ليلى ؛ لتقف ليلى بانزعاج وتغلق الباب وقالت بسأم : براحة يا نهال الموظفين يقولوا علينا أيه !!!
نهال بتوتر : اسكتي اسكتي .. بلا موظفين بلا هم ! ما أنتِ ما سمعتيش اللي أنا سمعته ...
قالتها وفتحت ال speaker ثم عادت تقول : قول كده اللي قولته تاني يا عمي عشان ليلى تسمع !
حامد : بصوا يا بنات الموضوع ده سر وماهر الإمام مش عايزه يطلع بره عشان دوشة الصحافة ! يوسف مخطوف وهم إن شاء الله هيعرفوا يرجعوه !
ليلى بصدمة وبله من أثرها: مخطوف أيه !!!! هو بيتاجر في السلاح ؟؟!!
حامد بجدية شديدة : مش وقت هزار يا ليلى أنا أصلاً مش مطمن للوضع ! قربه منك في الشغل وفي العموم كده هيبقى خطر عليكي الله أعلم اللي خطفوه دول نيتهم أيه !!!
أنت تقرأ
الفريدة
Romanceماذا لو كان حبك الكبير وهم؟ ماذا لو عشت حياة كاملة تبنين قصوراً من رمال امام بحر أهوج لا تعرف رياحه الرحمة! قصتها فريدة مثل اسمها ولكنها لن تعيش الألم مرة واحدة بل هو ألم فريد متكرر لا دواء له.
