وَقفت في شُرفة البيت تنظر للسماء في هذا الجو الهادئ الساحر، إنها السادسة صباحاً حيثُ يكون كل شئ في بدايته و للبدايات سحرها الخلاب الذي لا يمكن أن يُقاوم . لم تكن تتوقع الصباح بهذا الجمال من قبل لكنها لن تكون آخر مرة فربما البداية من الصباح الباكر تضفي على اليوم مُتعة خاصة .
صوت العصافير الجَّياش وشعاع الشمس الباهر وصفاء هذه السماء الساحرة قُطعت هذه اللحظة بصوت هاتفها الذي كان بجوارها و التفتت لتجيب المُتصل .
فريدة : الو..... !
المتصل : صباح الخير يا فريدة .
فريدة : مين حضرتك ؟
المتصل بعفوية شديدة : مش عارفاني ولا أيه ؟
فريدة : أكيد ! أمال هسألك ليه يعني ؟!
المتصل : أنا يا ستي شريف المملوكي .! أظن كدا عرفتي .؟
فريدة بتذكر : اه ...... شريف ازيك ؟
شريف : تمام جداً ! وأنتِ ؟
فريدة : أنا كويسة الحمدلله .. خير يا شريف ؟ بعدين أنتَ جبت الجديد رقمي منين أصلاً ؟
شريف : عادي يعني مش سر خطير ! وبعدين هو أنتِ غيرتي رقمك ليه بتهربي مني مثلاً؟!
فريدة : أهرب!!! أهرب من ايه هو أنتَ ماسك عليا زلة ولا بتهددني بحاجة؟!.
شريف : أبداً أنا بس عايز أكلمك أشوفك أخرج معاكي عادي يعني زي أي صُحاب !! مش يوسف بيكلمك في أي وقت ودا عادي وبتخرجوا سوا كمان !!
فريدة : اه بس أنتَ مش يوسف !!
شريف بدهشة من صراحتها : أنتِ شخصيتك جريئة أوى غير البنات العادية !!
فريدة : ازاي يعني ؟
شريف : في العادة هتلاقي البنت مُجامِلة أكتر من صريحة عشان متحرجش حد يعني !!!
فريدة بتفهم : كذابة يعني !!
ضحك شريف قائلاً : مش كذب يا فري ! مُجاملة ..
فريدة : والله الاتنين واحد مادام المجاملة دي مش حقيقة !! يعني أنا لو قولت إنك زي يوسف ابقى كذابة !..... يوسف حاجة وأنتَ حاجة !!
شريف باستفسار : ويوسف أيه بقى وأنا أيه ؟
فريدة : هو أنتَ متصل عشان نتكلم عنك وعنه ونعمل مقارنة ؟!!
شريف : لا أبداً دا أنا كُنت عايز اعزمك على غدا بدل الخروجة اللي اتلغت من كام يوم دي !!
فريدة : غدا !!! بس .........
قاطعها شريف قائلاً : فريدة أنتِ خايفة مني ؟!
فريدة : أخاف منك أيه هو أنتَ عملت حاجة تخوف ؟!
" أمال بقى " قالها شريف بملل ثم تابع : كل ما أقولك نُخرج تتوتري وكأني بطلب أيدك ! ودي مجرد خروجة يعني عادي !. متخافيش هروحك بعدها مش هخطفك!!
أنت تقرأ
الفريدة
Romansaماذا لو كان حبك الكبير وهم؟ ماذا لو عشت حياة كاملة تبنين قصوراً من رمال امام بحر أهوج لا تعرف رياحه الرحمة! قصتها فريدة مثل اسمها ولكنها لن تعيش الألم مرة واحدة بل هو ألم فريد متكرر لا دواء له.
