خرجت من لجنة الامتحان الأخير لها هذا الترم وهي غير باقي الدفعة فليس الفرحة ولا الراحة من نهاية هذا الترم ما كان ينتظرها بل اسوأ كوابيسها وما لم تكن تفكر به ولا تضعه في حسبان..
"يا بنتي أيه مش سمعانا!!" قالتها زميلتها داليا وهي توقفها بعد أن كانت تتحرك بدون انتباه.
فريدة: معلش كنت سرحانة!!
داليا: الحمدلله خلصنا الترم ده على خير عقبال اللي بعده يارب .. المهم هتخرجي معانا ولا ايه نظامك؟
فريدة: لا معلش يا داليا أنا تعبانة شوية ومش هقدر خليها بعدين!
داليا بقلق: ايه حكايتك يا فريدة طول الوقت سرحانة ومتوترة بتخلصي امتحانك وتجري تروحي ولا بتتكلمي ولا بتراجعي ولا بتحاولي تشتركي معانا في أي حوار!
فريدة: معلش يا داليا أنا بس مش مظبطة الفترة دي من توتر المذاكرة وقلة النوم وكده.!
داليا: طيب اخرجي فُكي شوية ما خلاص خلصنا!!
تدخلت زميلتهم فرح وقالت: ما خلاص يا بنتي سبيها شكلها فعلاً مش في المود وتعبانة خليها تروح وعندنا الإجازة بطولها نبقى نخرج براحتنا!.
داليا: خلاص خلاص يا ستي أنا آسفة... المهم طمنينا عليكي يا فري يلا سلام بقى..
ما أن رحلوا حتى وجدته يقترب من بعيد وقال لها : أخبار مادة النهارده ايه؟
فريدة : كويسة ... وأنتَ؟
يوسف: تمام لسة بكره بقى وخلاص..
فريدة: طيب هنروح ولا هتخرج ؟
يوسف: لا هنتغدا سوى عشان عايزك في موضوع!!
أومأت له بتفهم وتحرك الاثنان معاً لأحد المطاعم وبعد أن طلبوا الطعام بدأو في تبادل أطراف الحديث...
يوسف: أخبار الموضوع إياه ايه ؟
فريدة بسأم: زي ما هو مُصِر ومش شايف حاجة غير رأيه!
يوسف: وطنت نهى؟
فريدة بسخرية: ماما !!! ماما لو ليها رأي بتقوله مرة وتسكت عشرة وكل اللي بتعمله انها تهدي فيا شوية وتقول كلام زي انهم عارفين مصلحتي واني اهم حد في حياتهم والهبل ده!.
يوسف : أنا مش مقتنع بالحوار ده كله وشايف ان فيها سر!
فريدة بملل: والله سر مش سر مش هتجوزه لو حصلت انى اقتل نفسى مش فارقة.
يوسف: أنا عندي حل!
فريدة بلهفة: أيه ؟؟؟
يوسف بترقب لردة فعلها: نتجوز!.
"ايه" قالتها فريدة بصدمة وقد كان هذا آخر أمر تتوقع أن يقوله يوسف ولم تفهم كيف قالها ومن هول صدمتها لم تجيب بل ظل كلاً منهما ينظر للآخر بلا ردة فعل..
أنت تقرأ
الفريدة 『Ⅰ』 ✅
Любовные романыماذا لو كان حبك الكبير وهم؟ ماذا لو عشت حياة كاملة تبنين قصوراً من رمال امام بحر أهوج لا تعرف رياحه الرحمة! قصتها فريدة مثل اسمها ولكنها لن تعيش الألم مرة واحدة بل هو ألم فريد متكرر لا دواء له.
