أغلق الطبيب جهاز الضغط بعد أن دون القياسات و وضعه جانباً ثم التفت جانباً محضراً احدى العصي الصغيرة المستخدمة في الكشف على المرضي عن طريق الفم واقترب منها ليرى شيئاً ما ...
بينما هو يقف متابعاً لكل ما يفعله وهو في غاية القلق لم يكن يتصور أن مجرد نقاشاً عابراً معها في مجموعة النقاشات التي ود أن يخوضها سوف يجعلها في هذه الحالة المؤسفة وأن يراها هكذا تلهث أمامه على الأرض باحثة عن الهواء في ضعفٍ وهوان ، كانت من أصعب اللحظات التي مرت عليه في حياته ولم يكن يتصور يوماً أن يرى فريدة بهذه الحالة ولم حتى حزناً على إياد ....
تنهد متابعاً للطبيب بتمعن وعندما وجده يغلق حقيبته بعد أن دون أشياء كثيرة في الروشتة متوجهاً بنظره إليه...
الطبيب : أستاذ شريف ! هي المدام كان عندها أي أزمة نفسية أو خبر محزن في حياتها الفترة اللي فاتت ؟...
شريف بحيرة : خير يا دكتور هي في حاجة خطيرة ؟!
الطبيب : لا لا بس دي حاجة ليها علاقة بالحالة النفسية !.... واضح إنها بتعاني من حالة من التوتر الشديد وده واضح جداً على شكل جسمها وضعفه ولو تلاحظ حضرتك شوف تحت عينها غامق ازاي واضح إن نومها مش مظبوط !!!
نظر شريف لمكان إشارته ليلحظ فعلاً السواد تحت عينها والضعف الظاهر على وجهها وجسدها الهزيل ليعود ببصره للطبيب قائلاً بتساؤل : هي حالتها صعبة أوى كدا ؟
تنهد الطبيب قائلاً وهو يجذب شريف من يده مبتعداً عن سريرها و : بص حضرتك هي طبعاً المدام وكدا وأنتَ أدرى بحالتها بس واضح بالنسبة ليا جداً إن هي عندها مشكلة في التوتر بتأثر بشكل سلبي جداً على ضربات قلبها والرئتين وده شئ طبيعي مع التوتر لكن حالة المدام شكلها مزمنة !!!
نظر له شريف بعدم فهم وقال : يعني أيه مزمن ؟..
الطبيب : بص حضرتك طبيعي جداً إن أي شخص يتوتر في المواقف الموترة بس شكل المدام بيقول إنها بتعاني من مشكلة معنية بقالها مدة وده اللي مخلي حالتها كده ....... سامحني يعني لو بتدخل ! هو في بينكم مشاكل ؟؟
حك شريف رأسه وقال : هو احنا يعني فرحنا كان امبارح أصلاً و ........
قاطعه الطبيب بصدمة شديدة : أنتُ عرسان ؟!!!!!!
أومأ له شريف بالإيجاب وتابع قائلاً : احنا كنا بنتناقش بس في موضوع مهم وفجأة وقعت كدا معرفش الصراحة الموضوع دا كان بيحصل قبل كدا ولا أول مرة ؟
نظر الطبيب لها وهي نائمة وعاد بنظره لشريف قائلاً : محصلش أبداً حاجة زي دي قبل الجواز أو حاجة شبهها يعني مثلاً نقاش حاد شوية فجأة تلاقيها بتترعش أو دايخة ومش قادرة تتوازن ؟..!!
رفع شريف كتفه بقلة حيلة وقال بخجل : الصراحة لأ !!!...
أومأ الطبيب بتفهم ثم أعطاه الروشتة وقال : بص حضرتك هو حالتها مش خطر ولا مثلاً اللي هي الحالة اللي لازم نديها أدوية كتير بس دا مهدئ خفيف كدا نجربه وقت اللزوم يعني أول ما تحس إنها مش قادرة تتحمل التوتر والخوف وياريت قبل ما تاخده تجرب تاخذ شاور بارد كدا أو مثلاً تشرب ماية وياريت تعلموا مع بعض تمارين تنفس بتخلي السيطرة على الغضب والتحكم فيه أسهل .... أنا بحاول على قد ما أقدر إننا نبعد عن الدواء ونخليه آخر اختيار لأن أنا شايف إن الوضع بسيط ومقبول ولو تعاملنا بس بهدوء وثبات ممكن نسيطر عليه من غير دواء وكدا ...... بس في حاجة مهمة كمان ! ياريت لو ننظم أكلنا وبلاش fast food لأن واضح من جسمها وكدا إن مناعتها متأثرة جداً والضعف باين على كل ملامحها وبلاش قهوة يا أستاذ شريف !... ممكن فنجال واحد الصبح عشان أنا عارف الفوقان وكدا بس مش أكتر من فنجال واحد يومياً ويُفضل يكون أول ما نصحى مع القطار عشان نبعده أطول فترة ممكنة عن ساعات النوم ! لأن النوم عامل مهم جداً في السيطرة على التوتر العصبي !! وكل ما كان الشخص نايم كفاية ومعندوش أرق كل ما كان أروق وأقدر على أنه يتحمل اليوم بطوله !.....
أنت تقرأ
الفريدة
Romanceماذا لو كان حبك الكبير وهم؟ ماذا لو عشت حياة كاملة تبنين قصوراً من رمال امام بحر أهوج لا تعرف رياحه الرحمة! قصتها فريدة مثل اسمها ولكنها لن تعيش الألم مرة واحدة بل هو ألم فريد متكرر لا دواء له.
