Infinite Eyes (Book 1 of Eyes Trilogy)

Chapter 8

Chapter 8

Lalo naniningkit ang mga mata ko sa mga Ferell na mukhang nawiwili sa kasalang hindi naman sila kasali.

Kasalukuyan lang namang nagsasayaw ang bride at groom sa unahan. Sa hindi ko maintindihang dahilan, bakit kailangan pa na idamay ang mga abay? Hindi lang 'yon, maging ang mga pekeng photographer at lay minister ay may kani kanila na rin kasayaw na babae. Mabuti at hindi na sila masyadong napapansin dahil sa dami ng mga magkakapareha na nagsasayaw ng sweet dance ngayon.

Ilang beses kong pilit itinataas ang dalawang kamay ni Tristan Ferell na hindi na tama sa pagbaba.

"Ang kamay mo Tristan" seryosong sabi ko nang mapansin kong bumaba na naman mula sa bewang ko ang kamay niya.

"So after this, are you free? Ipagpapaalam kita sa parents mo" pangatlong beses na niya itong itinanong sa akin habang nagsasayaw kami.

"Gagawa ako ng assignments. Back off Ferell, hindi ako sasama sa'yo" ngumuso siya sa sinabi ko.

"I can help you with your assignments" tumaas ang kilay ko sa sinabi niya. Hindi ba at section V siya? Last section yata sa pagkakatanda ko. GyroNella and its cheap student segregation. Hind ba masyadong nadedegrade ang mga estudyante kapag ganito ang sistema?

"Talaga lang ha" ngising sabi ko sa kanya.

"Don't think about my section. Sinamahan ko lang ang mga pinsan ko, para may magayahan sila kapag exam" nagyabang na naman ang Ferell na ito.

"Napakabait mo naman pala Tristan" sarcastic na sabi ko sa kanya.

"Not really" maiksing sagot niya.

"Paano mo napapayag pumunta ang mga 'yan dito?" nagtatakang tanong ko. Sa community service namin, medyo nakukuha ko na ang ugali ng mga pinsan niya. Nasa karakter na ni Owen, Troy at Aldus na posibleng pumayag sa ginagawa nila ngayon. Nagtataka ako kung papano napapayag ni Tristan si Nero, ang alam ko ito ang may pinakamahirap pakisamahan sa mga Ferell.

"Thanks to that golden Buddha" matabang na sagot niya. Buddha?

"Anong kinalaman ng Buddha sa tanong ko?" ang layo ng sagot niya sa akin.

"LG is very fond of collecting golden Buddha, may nabasag na naman si Troy" lalong nangunot ang noo ko sa pinagsasasabi ni Tristan. Anong nangyayari sa kanya?

"Anong sinasabi mo Tristan?" ngumisi lang naman siya sa akin.

"Nabasag ni Troy ang Buddha ni LG. At kahit pilipitin namin ang ulo niya hindi siya aamin na siya ang nakabasag" wait? Ano ba talaga ang pinaglalaban ni Tristan?

"Tristan, pwede ituloy tuloy mo na? Hindi ko talaga maintindihan. What's with that Buddha?" bahagya siyang tumawa sa sinabi ko. May nakakatawa ba?

"You're funny Lina. Sinasagot ko lang ang tanong mo, dahil alam namin na hindi aamin si Troy na siya ang nakabasag. Siguradong lima kaming pag iinitan ni LG, pumayag silang sumama dito dahil ako na ang aako sa nabasag na Buddha" what the hell? Para silang mga bata.