Infinite Eyes (Book 1 of Eyes Trilogy)

Chapter 28

Thanks @Kimyahh_16 :)

Chapter 28

Tulad nang inaasahan ay pinaulanan ako ng kuya ko ng napakaraming mura dahil kinabukasan pa ako nakauwi. Hindi ko naman siya masisisi dahil natural lamang ito maging reaskyon ng mga lalaking kapatid lalo na kung nakakatanda.

Kasalukuyan na akong inihahatid ng sasakyan ni kuya papunta sa school at hanggang ngayon ay umiikot pa din ang ulo ko. Kulang na kulang ako sa tulog at kung maaari lamang lumiban ay nakaliban na ako.

"Are you sure you're okay? You looked damn sleepy. Nakatulog ka ba talaga ng maayos sa bahay ng kaibigan mo?" tanong sa akin ni kuya. Pinilit kong ngumisi sa kanya at ipakitang hindi ako inaantok.

"I am fine kuya. Masyado lang madami ang napag usapan namin ni Ditzy" pagsisinungaling ko. Hindi na siya sumagot sa akin hanggang sa makarating na kami sa school.

"Umuwi ka agad Lina, nasa bahay na si mommy at daddy mamayang hapon" nakadungaw siya ngayon sa kanyang sasakyan.

"Hi Ace" napalingon na lang ako sa grupo ng mga babaeng nagpapacute kay kuya. Haist. Bakit hanggang dito ay napakasikat nitong kuya ko?

"Do you know them kuya?" tanong ko sa kanya nang makalampas na ang mga babae. Nagkibit balikat lang siya sa akin.

"Sige na. I need to go" mabilis akong lumapit sa kanya at humalik ako sa kanyang pisngi na siyang lagi kong ginagawa.

"Go" sabi ni kuya. Naglakad na ako papasok sa gate ng school namin pero hindi pa man ako nakakailang hakbang ay sumigaw ang magaling kong kuya.

"Mag aral ng mabuti Lina, wag hayaang ikaw ang gawing recitation ng kamote mong boyfriend!" napairap na lang ako sa sinabi niya. Kailan kaya niya matatanggap si Tristan?

Nakarating ako sa classroom na abala ang buong klase at agad akong napahawak sa aking noo nang maalala na sa darating na biyernes na pala ang school festival ng Gyro Nella kaya may kanya kanyang pakulo ang bawat section.

Agad kong nilapitan si Florence na mukhang wala sa kanyang sarili.

"Hey, what happened to you? Bakit parang puyat na puyat ka? You don't look fine" tinulungan ko siyang maglagay ng mga glitters sa isang malaking cartolina. Akala ko ako lang ang mukhang zombie ngayon, mukhang mas malala pa itong kaibigan ko.

"May ibang babae ang hari ng mga Shokoy" matabang na sabi niya.

"Si Nero? Seriously?" hindi makapaniwalang tanong ko. Si Nero? Si Florence na nga lang ang alam kong babaeng pinapansin ng Ferell na 'yon.