.. مشيت بالقضية والحمدلله بعد معاناة تطلقت من هاااااشم وخلصت منه ومن حياتي البائسة وياه ......
ضليت كاعده مع اخويه وامي بس اعاني اخويه ومرته ما يتحملون بناتي ...
بيوم جنت كاعده بالهول اني وامي اجاني اياد وكعد يمنا
اياد:-- يمة اهنا ماكو شغل واني تعبت ومنى صارله مده تلح عليه هي واخوته اروح اشتغل وياهم .
امي:- شنوو وين تروح ؟ للبصرة
الان منى بصراوية واهله بالبصرة ..
اياد :- اي يمة نروح للبصرة
امي:- يا اعوف بيتي وين تريد تبهذلنا بتالي عمري
اياد:-- يمة ليش بهذله احنه منو النا اهنا خلينا نروح اهناك نبيع هذا البيت ونشتري بيت اهناك وافتح مشروع ويه تحسين(اخو منى)
اني:- واني مافكرت بيه
اياد:- اكيد اخذج وياي ونستقر اهناك
امي:-- ماعوف بيتي و ولايتي
اني:- احنه متعودات على ريحة كربلاء والامام اياد فدوة لا تبهذلنا ....
سكت اياد بيومه.. وبعده ضل يلح ويقنع بينا نبيع البيت ونشتري اهناك بيت زراعي عمود يزود اله فلوس للمشروع . منا من قنعنه اني وامي وصدك بعنا البيت بسعر زين وانطانه مهله المشتري اربعة اشهر على ما نرتب امورنا ... اني اهنا اياد قدملي على نقل الى مدرسة بالبصرة وضل هو ما بين البصرة وكربلاء يبني بالبيت الي اشتراه طبعا قطعه الارض زراعيه مساحته تكفينا .. وضل يتابع البناء ويتردد علينا الى ان انتهى البناء . وودعت صديقاتي وحملنا ورحنا الى البصرة..
ماعرف ليش طول الطريق أني مرتاحه احس حياتي راح تتغير اشون ماعرف .....
وصلنا للبيت جان بناء جديد حلوو ضلينا ايام نعدل ونرتب الى ان خلصنا واستقرينا .. جان بيتنا يمه بيوت كومه والاراضي مكصوصه ومتوزعه بس لكدام البساتين نشوفه ....
اني :- ياربي اياد اشون بيه يعني البنات مدرستهم الا سيارة واني راح ادوام بمدرسه ولد؟
اياد:- شسوي هذا الي صار واذا على البنات راح اني اوديهم واجيبهم ويه بتي .. قريبا هم اشتري سيارة مستعمله اطكطك بيه ...
اني:- الله كريم ..
حان موعد دوامي بالمدرسه الجديده رحت طبعا اياد كلشي خلص بس باقي اروح اشوف الاوضاع اني ..
مشيت تقريبا المسافه ربع ساعه مشي بس جنت متونسه الان المدرسه ع طريق البساتين واني اشوف الثيل والنخل عالي وجان اكو ع طرف البستان حسينيه (مياه جاريه)
..
وصلت للمدرسه ..
دخلت سلمت ع الحارس وكتله اني جايه نقل الكم ..
ودخلني للأدارة جان كاعده شاب من عمري بيه
الحارس:- استاذ غيث هاي المعلمة الجديدة
استاذ غيث :- اهلا وسهلا
اني المعاون وحاليا الادارة بيدي الان المديرة مجاز .
اني:- اهلا وسهلا تعرفت على الزملاء وجنا احنا ثلاث معلمات من بين المعلمين واستلمت صف الرابع طبعا اني معلمة مادة العربي ..
أنت تقرأ
أبتسم لي
Romanceقصة عاطفية..تحكى عن فتاة عراقية. 🌹🌹🌹🌹 قال #الامام_علي ( سلام الله عليه ) كونوا على يقين أن هناك شيء ينتظركم بعد الصبر ليبهركم فينسيكم مرارة الألم❤️ ❤
