أبتسم لي

27

ابو جاسم:- واحنه نكون منونين منكم
أياد :- والله ماعرف شنو اكولك
ابو جاسم:- اريد اسمع منك توعدني بشاربك اجيبه اليوم
اياد:- سكت وره اشويه انطة كلمته لبو جاسم وابو جاسم ترخص وراح
.........
دخل أياد على أخته .
مها:' شنو يريد ابو جاسم
اياد:- يريد احمد يشوفج
مها:- لا اريد اشوفه ولا اريد شي منه خل يطلكني شنو امتاني هااا
اياد:- مايريد يرجعج بس ترحين ..
مها قبل لا يكمل اياد:شنو انوب اني اروح برجلية الهم واالله ما اعتب باب بيتهم بعد
اياد:- لا تحلفين مها . احمد كلش صايرة حالته على الفراش الموت ويريد بس يشوفج اكيد يريدج تبرين الذمة اله واسامحيه مها زيارة المريض واجب .
اني:- شنو ليش اشبيه
احمد:- والله اني من اليوم الي رحتي سمعت بيه متخربط اكثر من مرة وبس يعالجون بيه بس اني ما جبت الج طاري حتى لا اترجعين الهم بس ما عبالي هو كلش حالته تعبانه
مها:- يااا هو دومه يعاني بس ليش هالمرة مأيسين
اياد:- ماعرف مها شكلتي
مها:- اكيد اروح ...
..........
العصر لبست مها وراحت هي واياد وحدهم .
دخلهم حماهه ورحب بيه ومن دخلت شافت عمه كاعد بالصالة
سلمت  عليه واياد كعد يمه وهي راحت لغرفته ..
وكفت يم الباب واذكرت اشون انكتلت بهذا المكان عصرت يده الباب بيده ودخلت .
احمد:- جان نايم وشكله ذبلان حيل وشفته زركه وشكله  يبجي الصخر
مها:- كعدت يمه وما طلعت صوت
احمد هو ومغمض :-مهااا اح اح اح هاي انت
مها:- اشونك احمد عساك طيب
جانت هي حيل منفوخه من الحمل وبطنه لكدام  اجت وكفت يم راسه وهو يباوع اله
احمد:- الله عليج سا اا محيني مها
مها:- الله يسامحك واني ما زعلانه عليك والله انت بس كوم
احمد:- ها ا ا هاي هية ا ا اعتقد ا الله حر حريحني و و واخير ا
اني:- اشش عادي ازمه وتعدي
احمد:- د ر بالج على روحج
اني:-اششش احمد
احمد:- ا اا درب دربالج م من أهلي ما ما يرحوومج يلهث ويحجي
مها:-اش احمد لا تعب نفسك الله يخليك .
احمد:- ابنا ابني رر ررربي انت
اني:- احمد لا توصي كافي حباب انت راح تشفى وتربيه ابشرك طلعت بيه أبنية
احمد :- اح اح سمية اسم حلو مم مثلج .
مها:- احمد لا تعوفنا حباب
احمد:- دربالج على نفسج و واذا جا جار بيج الزمن الت التجئي ل ل لسا االم .
..... اجه اياد سلم على احمد وطلعنا من بيتهم همزين ما شفت امه .
رجعنا لبيتنا ودعيت ربي يكومه بالسلامه .
....
الراوية:- الساعه ب 12
احمد: س سالم
سالم:- ابسرعه صحه جان نايم يم اخوهه الان يحتاج واحد يمه
احمد :- اريد ماي
سالم :- شربه
سالم:-رايد شي بعد
احمد:- لا اريد انام نعسان حيل
ونام أحمد وارتاح من كل أوجاع وكل ألم يسكن جسمه .
الفجر كعد سالم توضى وصلاة
..ورجع نام  . الصبح كعد سالم :- احمد اكعد تريك واخذ علاجك .
احمد جان نايم بعمق بس سالم من سكون جسم احمد فهم بسرعه ... تقرب منه وتأكد وحظنه . بعد ساعه كام سالم وطلع من الغرفة . جانت امه تتريك هو خابر ابو جاسم واخوته يطلعون من ابيوتهم .. وبعده راح لغرفة ابوهه
ابو جان كاعد يقرة جريده على جربياته
سالم :- بوية اشونك
ابو سالم:- هلا سالم زين بس ليش ما كلت صبحك الله بالخير؟ اليوم
سالم:- الخير فاتنا بوية
ابو سالم: باوع الابنه بترجي حتى لا يسمعه الخبر الي مايريد يسمعه رغم هو يتوقع يسمعه بأي لحظه ..
بعد ربع ساعه ما ينسمع من بيت ابو سالم غير يبوووووووو. احمد مات
والبيت صار عبارة عن بكاء و عويل
يتبع بعد العشاء