أبتسم لي

25

منى:- اوف من هاي عمتج دمرتج خلت حملج خطر
اني:- ههههه عوفينا منه هاي عمتي وتعاي خل نباوع فلم وكمت من الفراش
منى:- ولج وين كايمه نامي يا
اني:- اشبيج ولج صدكتي بيه شي ..  اني مثل البزونه بميت روح تره كولشي مابيه هذا فلم لا نزف ولا هاي
منى:!!!!!!
مها:- يلا اجازة من الاعمال الشاقه تعاي خل نتونس بيه ..
منى:- انت اشون  تهبطين الرجال هيج؟

اني:- لعد شنو اسوي اذا اضل اهناك يوكع الطفل هاي الظالمة ومحد يرد اله كلمة هو مكدر يحميني منه عاد اني خل احمي نفسي
منى:- يلا هم صدك
......
من صار على حملي أربع  شهور ...
تحضرت و احمد يجي يأخذني واجه ورحنا للبيت ماعرف ليش من  دخلته هاي المرة  گلبي انقبض...
دخلت حبيت راسي عمي وعمتي ومرت ابو سالم الثانية ..
ودخلت لغرفتي لكيته مثل ما عفته
اني:- هاي شنو احمد الغرفة كما هي
دخلت ياسمين
ياسمين:- هلا هلا بالغوالي
اني:- هلا يعمري ..وسلمنا ..
احمد حط ايده ع كتف اخته وكال:- والله هاي الوردة اجت نضفته اليوم
ياسمين:- ههههه جانت  ما تندخل
اني:-الله ينطيج العافية والله انت ماكو منج
ياسمين :- اي والله  اعرف نفسي فريده احمد:-اها اخاف توحيدة
ياسمين:- يبوووووو كلشي ولا امك ما تنجرع
اني:-شنو عمتي اسمه توحيدة؟
ياسمين: - اي مرت ابوي توحيدة ..
......
ومن ثاني يوم رجعت الى حياتي الطبيعية وياهم ...
. ام سالم من صباحيات الله    طلعت ومدري وين والضهر الا رجعت....
....
المغرب شفته واكفه وترش ماي يم باب غرفتي
اني جنت بالمطبخ كملنا العشا ورجعت اريد اخذ ملابسي واسبح بس خفت من شفت هاي هيج اسوي ..
اول ما شافتني
ام سالم :- يا وكع مني الماي يلا هسه ينشف الدنيا حارة .. وراحت
اني ما أمن بالأسحار كلت هاي عجوز خرفانه
.......
بالليل
اني تقربت من  أحمد وحطيت ايدي على خصره
من ورة لان منطيني ضهره ونايم . بس هو وخر ايدي
احمد:- لا تتقربين اتخنكيني ادني اشوي
اني:- عا اني اخنك
احمد:- ادني عني
صدك وخرت عنه وانطيته ضهري ونمت مزعج دوم يجرحني وما يحس ..
الصبح..
احمد:-كومي كومي
اني:- هاااا اشبيك
احمد:- ليش  انت تنبل نوم من دون النسوان
اني:- شنوو
احمد:- من دون الزلم اني مرتي ما اسويلي ريوك
اني باوعت للساعه جانت ب 6 ونص
اني: - شنو القضية احمد كاعد من الفجر تتعارك وية ذبان وجهك
احمد:- شنو مخبل دكومي لا اجي اعدل خارطة وجهج ...... .وطلع
اني يا هذا اشبيةليش يحجي وياي بهذا الاسلوب الغريب ؟
ضليت ايام اعاني منه يعني مرات اخاف لا يضربني من شده عصبيته بس الحمدلله تعدي واني كمت ما اجادل حتى لا يضربني وتشمت بيه امه ..
اني:-- الووو مناوي اشونج
منى:- هلا ام فروحه اشلونج
اني:- مو زينه منى متت هاي عمتي شفته مدري شنو ترش يم باب غرفتي  واحمد من نهده صاير عصبي نار وما يطيق كلمة الي ..
منى:- يااا امهات السحورة ولج اذا انت شايفته ليش ما بطلتيه للسحر؟
اني:- يبو اشعرفني اشون ابطله وبعدين عبالي اكلاوات والله
منى شوفي باجر تجين يمنا واني احله الج
اني:- اها اشون .. وكعدت على طرف جربايتي وانطيت ضهري على الباب .
احمد اهنا دخل عليه كالعاده ماسوة صوت حتى يسمعه شنو اتكول
منى:- ماعليج
اني:- اوكي .. اكلج اشوكت ترحون لكربلاء. 
منى:- الاسبوع الجاي
اني:- لعد مراح اجي باجر اتحمل للاسبوع الجاي حتى اروح. وياكم عمتي ما تخليني اروح كلساع
مها حست بواحد وراهه بس ما اهتمت
واحمد عباله ماحست عليه .
منى:- عاا واصبرين على ام السحورة اسبوع
احمد مايسمع منى بس ردود مها
اني:- اي اصبر شسوي لعد حيل اشتاقيت للزيارة وهم اريد اروح ازور علي والله حيل مفتقدته من عافني لليوم ماغاب عن بالي
منى:-الله يرحمه
اني:- طلعت دمعتي والله هو جان كلشي الي . فالاسبوع الجاي اجيكم حتى اكدر ازور علاوي وابو.. قبل لا تكمل
احمد كفشه من شعره
منى:- اااخ اشبيك احمد
احمد:- منو هذا علاوي رفيجج مو ترحين لكربلاء اله وشبعه كتل ..
طبعا أي مرة من تنظرب اتصير اصيح بس مها كتمت صوته بس عمود بناته ما يسمعن ويجن يشوفنهه وهي بهاي الحاله  .. احمد ابتعد عنه ولزم صدره ....
مها لبست حجابه ورادت تطلع لغرفة بناته وتعوفه كلش ازعجه بشكه رغم هو يعرف عده اخ اسمه علي ومتوفي وامه يصيحوهه ام علي . بس هو شكه  وصل حده ..
مها فتحت الباب
احمد لزمه من ايده ودفعه لبره وهم رجع يغلط ويصيح بصوت عالي بالممر .
من سوء حظ مها جان وقت عشية يعني الاهل ملتمين .. طلعن بناته مخترعات ..
وصل صياح احمد للصاله كله اجت تتفرج عدهم مايصير يدخل أحد بين رجال ومرته وعادي الواحد يضرب مرته يربية حسب تقاليدهم .
ام سالم:- ضحكتة شگت حلكه
بس ياسمين تقربت
ياسمين:- فدوة عوفه كافي البنية حامل
احمد انوب ذكرته صار يضربه على بطنه ويكول : منو يكول اجوز أبن رفيجه  هذاا
كله حطت اديه على حلگه
ام سالم:- مو كتلكم انه
اهنا ابو سالم وابو داود توهم جاين من الكاع...
ابو داود ماتحمل من شاف المرة واكعه على الكاع واحمد يرفس بيه ومحد يدخل بس ياسمين ومرت ابوهه لازمته
بس رغم هذا كله مها ما طلع صوته وتحاول على كد متكدر تستر نفسه ومتخلي حجابه ينزل دائما علقه حاضر بأسوء الضروف  .

..