أبتسم لي

8

بعدني ما مستوعبة الموقف واستاذ سالم مد ايده الي حتى اطلع من حفرة الطين ...
يعني شنو اوصف مديري الرجال المتعصب والمحترم من شدة احترامه وحضورة القوي نخاف نتنفس احنا المعلمات وشافني بهذا الموقف بس الحمدلله رغم خطورة الموقف الا اني ما صحت ولا طلعت صوتي عزة نفسي منعتني استنجد واعيط مو طبعي ..  .
اني غطيت ايدي بعباتي الا حطيته بيده جا شنو رجال غريب يلزم ايدي حتى واني خايفه عقلي بهاي الامور، هو مكدر يسحبني لان النكرة عميقه مو مال ايدي بس

كال دقايق وراجع وراااح .. ورة خمس دقايق اجه هو واثنين نسوان وحده منهم سمييييييييييييييينه يعني شكول امل طه والثاني ضعييييفه بيب بيب ارحم منه اتقربن مني ودنكن عليه وسحبني من امتوني طلعني نصي السفلي صاير طييييين بطييين .
اني ضليت صافنه ع روحي
المرة السمينه:- تعاي يخيه ويانه للبيت
المرة الضعيفه :- خو ما تأذيتي
اني كلت لا الحمدلله حرجع للبيت
استاذ سالم اهنا المكان هيج وقت خطر اشون اجيتي منا
اني:-- شسوي استاذ والله الطريق االعام صاير نهر
هو"؛:- ماعندج خط؟؟
اني :- لا والله استاذ
هو:- زين اتفضلي وياهن اشون اترجعين هيج ..
اني:-- لا لا رايحه شكرا استاذ سالم والله لو ما جاي جان ماعرف شصار بيه ..
هو:- تعاي اوصلج للبيت
اني:- لا استاذ ماريد اطين السيارة
النسوان اتعجبن الان اعرف الاستاذ بس لحد الان ماعرف شنو يصيرن منه؟
المرة السمينه تعاي يداده اوصلج اني اكو طريق مختصر انت وين بيتكم ؟
كتله المكان وصدك هنه طلعني لبيتنا وصلني واشكرتهن اني ما جنت هالكد اندل المنطقه الان جديدة وهنه ترخصن وراحن الصراحه شكلهن يضحك وهنه سوة ..
... دخلت للبيت
منى ضلت فاتحه حلكه
منى:-- ياا ياا اشبيج
اني:::- شنو احجيلج شنو اكلج اجيت اموت
منى:- يا ستار
اني:-- بس خل ابدل واروح للدوام صدك بدلت وهم رجعت بحيرتي اشوون اوصل للمدرسه طلعت . وجان اشوف جيرانه هو ومرته موظفين سلمت عليهم وطلبت منهم يصلوني وصدك وصلوني لباب المدرسة وراحوو اني دخلت جان الساعه يمكن ب 9 كلت خل اخذ اجازه عمي باجر ما ادوام المفروض الحكومه تنطي عطله بس بسبب استمرار الامطار عطلنا اهواي فمن انقطعت انطوهه دوام حيل دمرنا الشتا .. وصلت وجان اشوف استاذ غيث  سلمت عليه
غيث:- ههه صباح النور بعد وكت بيش الساعه
ضجت حيل من اسلوبة شنو عبالك طالبه عنده
اني:- والله تعرضت لموقف واظطريت الى ان ارجع عن اذنك جان  موعد الدرس الثاني
هو:- عود اقنعي المدير بهذا الكلام بعد ما سجلتج غياب.......
اني وكفت بالطريق ورجعت مشيت للصف ..
...
خلصت الدرس الرابع واجيت لغرفة المعلمين كعدت بيدي اوراق امتحان قواعد يومي .
ست كفاح:-اشونج مهاوي
اني الحمدلله
ست انتصار:- اكلج اليوم غيث ترة حاركج حرك والله اليعلم شنو موصل للمدير
كفاح:- مسويج كل يوم تفوتين الحصص الاولى .
اني:- صفنت كلت يبو ياربي وبعدين ويه هذا المنافق ...
اهنا دخل المدير واستاذ غيث يمشي وراه صدك ضوجني ..
استاذ سالم طبعا جان مبين مسلم على الكل من بداية الدوام .
بقى يحجي مع المعلمين على امور الطلاب ومواضيع متنوعه واحنه المعلمات هم يسولفن ساعه وياهم وساعه مع بعض بس اني جنت ملتهية اصحح واشرب شاي بالي مو وياهم كسر كلامهم استاذ سالم من حجى
استاذ سالم: وهو يباوع الي حمدلله على السلامة ست مها
اني رفعت راسي كلت ها استاذ الله يسلمك ..
المعلمين استغربو والفضول كتلهم ع شنو يحجي ؟؟
استاذ سالم:-- ست مها اليوم تعرضت اله كلاب مسعورة الحمدلله جنت طالع اشوف الدواب وسمعت صوت الكلاب تعوي عرفت عده فريسه من صوته ولكيته متهجمه ع ست مها

اني خجلت حيل  يبووو كله عرفت

استاذ سالم: - لهذا اني حذفته  و سجلتج حضور اليوم الانسان يتعرض لضروف خارج ارادته وباوع لغيث
اهنا كفاح ما كدرت تلزم نفسه خربت من الضحك على غيث كله ابتسمت بسمة شماته وكمل كلام استاذ سالم وطلع وطلع وراهه غيث مثل التابع هههههههه .اهنا المعلمين ماتو من الضحك على غيث ..