أبتسم لي

16

جنا كاعدين يمهم بالهول بعد العشا وحبايب ملتمين
اني:- احمد ضوجه.... احمد..
احمد:- اي والله كل يوم نفس الروتين
ياسمين :- عاد انت رجال تطلع مو احنه لا طلعه ولا طبه
زوجه:- شلج بالدياحه ..
ام سالم :- بنات اخر وكت الحديثات كلشي ما منجن بس تموتن على الطلعه اكلج اطلعي ويانا للزرع ماكو
ياسمين:- يمة اريد اتونس مو اكرب
اني:- احمد تدري اني من اجيت من كربلاء لهسه ما شايفه البصره واماكنه
احمد:- وين تردين تروحين
ياسمين :- لشط العرب
احمد:- سالت مها اني هههههه
ياسمين غندبت
مها:- ممم مثلا لمول تايمز سويكر يكولون عليه يخبل .
ياسمين :- ياخيه وين صاير هذا
ام وجهيه:- هو شنهو هذا
احمد: - ممم خوش باجر نروح وهم عطله عندج
اني ابتسمت الاحمد وهو هم بادلني البسمة . بس الي خرب علينا
صوت ام سالم :- احمد شلك بهذا المكان هاا اخذ نسوان اخوتك وخواتك وروحو يم الشط خوش يمة ..
احمد:- حاضر يمه صار يا جامعه شنو رايكم نروح كلنا باجر للشط وكلمن ياخذ عائلته بسيارته واهناك نلتقي ...
سالم: شودينا اهناك
ابو جاسم:- اكلك احنه عدنا مشاغل خليه يم الجدول اهنا بالمنطقه شودينا اهناك ...ببستان زعفران حلو الجو اهناك ..
احمد:- يلا ميخالف
اني يبوووووو لا للمول ولا للشط صارت للجدول تهي بي ....
صدك ثاني يوم حضرنا الاكل مالذ وطاب ورحنا للبستان الي يصيحوهه بستان زعفران ... مسافه مو اشويه بين بيتنا وهذا البستان الي متوجهين اله وطول الطرق تمشي السيارة بينا واني اباوع لأراضي هاي العائلة معقوله اكو هيج ناس غنية بس للأسف نسائهم ما متمتعه بفلوسهم حياتهم بسيطه وكله شغل وتعب بس لا يجي اليوم واصير مثلهن يبوووو
دخلنا جان اصلا مو بستان جانت مزرعه حلوووة المنظر يخبل بيه جدول ماي اشويه غميق وضلينا نتمشى اني و احمد عفنه اهله واخذني اني وبناتي يراويني البهايم .
فرح وتبارك تخبلن من شافن البقرات والغنم ..
....
صار وقت الغدة طلعنا الاكل وفرشنا السفره طبعا فراش نكعد عليه هم ويم الجدول كعدنا ناكل ونسولف ...
............
بعد الغده طلعن ترامز الجاي وبدن يصبن للزلم انعزلو عنا جانو اخوان احمد كلهم وازواج خواتهم . واحنه النسوان  على صفحه ام وجيهه عده طفله عمره اشهر تزحف وحيل حركه وعده وحده ثانيه سنتين عمره من غير الكبار هي عده 6 بنات..
التهن النساوين يسولفن واني هم كاعده ويه ياسمين وادك سوالف
ياسمين:- اي والله كلهن ما يعرفن يقرن ويكتبن من صف ثاني يبطلوهن . بس اني كملت خامس علمي لان الصغيره ومدلله بعدين ابويه زوجني ابن عمي وكعدني
اني:- حرامات ياا
ياسمين :- اي والله شنو انسوي .
اني اهنا انتبهت على الطفله التزحف امه تشرب جاي واسولف والتهت عن الطفله الي صارت قريبه على الجدول
اني باوعت شفت الزلم مسافه عنا نزعت عباتي وركض اجيبه للطفله
بس مع الاسف الطفله عثرت بزحفه وكعت قبل اوصل اله اني لا صحت ولا حجيت فقدت جتت بالجدول كبل اريد انقذ الطفله قبل لا تشرب ماي طبعا بالنسبه الي مو غميق بس للطفله تغرك بيه واني من جنت ازغيره وكحه اطلع اسبح بالبزل الخايس ويه اياد لحد عمري 10 سنوان واعرف اسبح ..
اهنا من ذبيت نفسي انتبهوا الناس وكله اجت تركض كل ضنهم اني الي وكعت وغركت
طلعت الطفله وكملت سباحه ولا احسن سباح اهنا الزلم رادوا يطبون يطلعوني بس من شافوني اسبح وبيدي الطفله عرفوا اني ما جتت غير عمود اطلع بت سالم ...
صدك طلعت واخذو مني الطفله اشويه مختنكه
واني اتلكاني احمد مبتسم
احمد:- عفية بالبطلة
اني :'اشكرك
طبعا اني وصفت الكم جسمي ممتلئ وعندي تضاريس بجسمي واضحه كولش .. بس احمد ما انتبه كالعاده .. فجاء احس عباة صارت على متني
طلع سالم غطاني بعباته !!!!!
يتبع حبايب رأيكم ...