أبتسم لي

24

. دخلنا .
اني:-احممممد ليش تنطيني ضهرك تعال واحظني
احمد:- نعسان  نامي
اني:- تره ازعل
احمد:- الصبح عود اراضيج ....ونام
............
الصبح كعدت
جان ريوكهم باكله ودهن اني احبه بس مو من الصبح ...
تريكت جبن واجه كالعاده سالم يريد يسلم ويطلع للدوام
اني هم جنت لابسه  خلصت رحت غسلت ادية
ام سالم وابوه بالهول ياكلون مثروده همه واحمد وياسمين ورجله .
واني وبناتي جبن بالمطبخ اكلنا ..
اني اجيت صبحت على سالم .
اني:- يلا احمد ماخلصت ........؛اريده يوصلني
احمد:- وين؟؟
اني :-للدوام !!
احمد:-ماكو دوام بعد
ام سالم :فرحت:- هيج ومن البداية قابل هي بحاجه لهل جم فلس
اني:- شنو احمد؟؟
ام سالم: - ما سمعتي  غيري جرودج وروحي يلا تحضري ساعدي البنات بشغل البيت ..!
احمد:- ابو داود انطيه اجازة مرضيه
سالم:- اكتفى بس للنظر لأحمد بمعنى ليش ؟
احمد:- مريتي حامل وماريده بأول شهر تجهد نفسه ..
ام سالم:- شنهوووو من منو حامل
اني:- خزرته
ابو سالم:- خيرية ..
ابو سالم كام على حيله وحظن احمد :- والله واجه اليوم الي راح اشوف بيه جهالك
وكله فرحت لأحمد الا شخص واحد ابصراحه ما يبين على ملامحه لا الفرح ولا الحزن دومه وجهه مايتغير وهو سالم ...
احمد:- يمة لا اتعبيه ترة حمله ضعيف
ام سالم:- نسوان اخر وكت يتماوعن ووكعن الطفل  ....وفرت ايده
.... مر شهرين واني شفت الويل من عمتي من يجي احمد ما تحاجيني بس من يروح تلعب بيه فلم هندي وين شغله ثگيلة اشيله الي وهي تعرف حملي ضعيف .. بس اني اعدي اله وما احجي .. ودوامي همزين اجت العطله الكبيرة
جنت دا انظف مخلفات البقرات بأمر من عمتي وبعدين اذكرت اني عندي دوة وقته الصبح وما اخذته .
ردت ادخل للصاله وجان اسمع عمتي عود توشوش وتهمس بس صوته يوصلي لان هي صوته عالي الصياح عده طبيعي والهمس مثل صوتنا العادي
ام سالم:- يمة من الصبح لسه اكلك الي أبطن مرت احمد ن..... ابن حرام
سالم:- يمه الله يرضى عليج هذا الموضوع اذا فتحتيه صدك ازعل هي بت اصول واحمد مو غبي هاي مجرد ظنون وأن بعد الظن أثم
اني مكدرت اسمع اكثر من هاي العجوز رحت ردت ادخل بس سمعته تكول:- لا صدكني واني اعلمه هاي ..
اني دخلت  لغرفتي شربت الدوة . عرفت هاي العجوز مامصدكة وشاكه بيه الان تعرف بقدرات أبنه وحتى الشك بيه هي زرعته بأحمد و حتى تريد تسقطني ..
ما طلعت من غرفتي ولا كملت الشغل الي عليه
ونمت بفراشي
. دخلت هي عليه هاجمه
عمتي:- ها ولج اشعندج نايمه كومي عليج الغده
اني ما كلت ليش مو اني البارحه سويت لا كتله حاضر عمه وكمت طبخت الغده .  جان مرك بانية وتمن ..
الضهر كعدوو على الغدة واني كعدت يم احمد
دا ياكلون
ام سالم:- اوف اوف وذبت اللكمه هاي شنو ولج مها المرك ليش هيج مالحة
عدهم هذا ذنب لا يغفر وانوب طبخ بيت الشيخ
اهنا وجيهه خطيه وخرت طاست مرك وحطت طاسه من مركته الانهم كولهم طابخين بانية .
مرت ابو احمد:- هاي شنو ولج ليش هيج مخربه المرك
اني:- اه والله اسفه مو بقصدي بس انى غطت على روحي واني احط الملح واجيت اوكع على الجدر (جذب اني اصلا متعمده)
سكتوا واحمد خاف عليه .. وطلب من امه ما تشغلني بس عبث . 

هم من صباحيات الله كعدت ماخلت شغله ما شغلتني بيه متت من التعب وهي فرحانه .
العصر اجه احمد شافني كاعده بالغرفه واتوجع
احمد:- خير مها شبيج؟؟؟  شنوتتوجعين ؟
مها:- راح اموت احمد بطني حيل توجعني واحس اشياء ودم يوكع عليه راح اموت
احمد:- تقرب مني اسم الله عليج مهاوي يلا البسي خل نروح لطبيب .
صدك اخذني وطلع لطبيبه بدون مايكول لأمه
رحنا للدكتورة انطتني فيتامينات ورجعنا .. 
اني دخلت لغرفتي . 
احمد:- لمي ملابسج انت والبنات
عمتي:- خير انشالله وين
احمد:- راح اودي مها لأهله ابي اجه يموت هسه
عمتي:- يا شصار
احمد:- يمه موتيني شكم مره كتلج لا تشغليه .خليه ترتاح . الدكتورة تكول لازم تنام على ضهره الطفل يريد ينزل واني يمه اريده تكوم بالسلامه راح اوديه لأهله ترتاح ..
وصدك طلعت من البيت وسط نظرات عمتي الي تريد تموتني 
رحت لأهلي واحمد حيل خايف عليه . ووصه اهلي عليه وهمه هم قلقو عليه...
جابلي عشا وغراض الي وللبنات حبشكلات ترسنا ترس وراح