وصلت للدوام .. نزعت عباتي وكعدت انتظر كالو اليوم أصطفاف الطلاب ... اجت ست كفاح نزعت عباته
كفاح:- صباح الخير
مها:- صباح الخيراات هلا
كفاح ع السريع حطت غراضه ووراحت
اني:- وين مستعجله؟
كفاح:-وج يخيه استاذ سالم اجه تعاي انت اذا تردين وياي انسلم عليه .....
اني كمت من مكاني ومشيت وراهه دخلنا الى غرفة المدير جانت مكتظه بالمدرسين احنه وكفنا يم الباب ننتظر الاساتذة يخلصون سلام الا ندخل مانريد ندخل بنص الرجال ..
طبعا اني جان فضولي يشتغل اريدهم بس اشويه يرحون حتى اشوف هذا المدير الي سمعته سابقته اشون شكله ياترى ؟؟!
. طبعا صوت لواكة غيث مسيطر على اصوات الحضور
دخلنا اني وكفاح بعد ما الأساتذة تنحو واكو بيهم طلعوو يفسحون للزملاء طريق ..
تقدمنا طبعا جان استاذ نظير واكف كباله ويسلم استاذ نظير طول فارع وسميييين وكرشه طافح لكدام كلشي مانشوف من استاذ سالم مجهول الشكل لحد الان بالنسبة الي ...
استاذ نظير:-- والله الك وحشه استاذ الدوام ماله طعم بدونك انشالله
الله يكتب الك الحجة الكبيرة .
سمعت استاذ سالم يكول:- اجمعين شكرك اغاتي
صوته جان اله هيبة يشبه صوت المرحوم العلامة سيد أحمد الوائلي .... بس كلماته جانت قليله وخاليه من المجاملة ...
ست كفاح تقدمت وسلمت عليه طبعا ست كفاح من اهل بغداد واصله سافرة وفري بس زوجت من اهل البصرة واجت اهنا فعادي عده التصافح باليد مدت ايده وسلمت اني لاحظت ايد سالم ابسرعه سلم وسحبه
ست كفاح:-- حمداالله على سلامتك وتقبل الله اعمالك ..
أستاذ سالم:- منا ومنكم
ست كفاح:- استاذ هاي ست مها اجتنا نقل ..
أستاذ سالم :- اهلا وسهلا ست ونظر الي نظرة خاطفه
اني:-- تقبل الله اعمالك استاذ وانشالله اكون عند حسن ظنكم...
استاذ سالم:- شكرا اساتذه على هذا الاستقبال.... ودعيت الكم اجمعين الله يثبت أقدامكم على مساركم ومشوراكم التربوي الفضيل تفضلوا للاصطفاف .....
رحنا كلنا جانو الطلاب متحضرين وواكفين يم ساحه الي يرفع بيه العلم على شكل سروات ..
وكفوا الاساتذة كل مرشد صف امام سرة صفه ... بس اني وكفاح جنا مو مرشدات احنه والمعاون واستاذ نظير ابو الاسلامية . تقدم استاذ سالم امام الطلاب يقلي كلمة بعد ما الطلاب انهو النشيد الوطني وبعد سماعة أية قرأنية من أحد الطلبة الي يجيد الترتيل ...
اني همست همس لست كفاح طبعا
اني:بهمس اكولج خو ما يصلبنا ساعه مثل استاذ غيث
كفاح:- ههههه الله و اعلم اني لو جايبه مخدتي وياي واخذ غفه هههههههه
اني:- يلهووي
استاذ سالم وجه نظره النا وكال :-- خير الكلام ما قل ودل ورجع دار وجه يكمل الكلام
اني وكفاح :- صفنا خنب اشون سمعنا واحنه واكفات وراهه بمسافه وحجينا همس ياااربي هذا مبين كل الكلام الي كالو عنه صحيح
ابسرعه خلص الملاحظات وراح كل صف لدرسه واحنه هم توزعنا على الحصص......
رجعت للبيت تغديت اني وبناتي ... ونمت كعدت العصر على هوسة جهالي وجهال أياد كمت غسلت وجهي ودورت على أمي ماهي رحت سألت منى
اني:- منى وين امي؟
منى:- راحت سيرت يم جارتنا
اني:-ها زين . اشوف امي صارت حالته أحسن من أنتقلنا وداترجع مثل قبل
منى :-- اي الحمدلله شفتيه جيتنا لهنا بيه خير
اني:- اي بس مشتاقه اروح للزيارة
منى:- اصبري كم شهر منا من يرتاح اياد تعرفين انتقلنا من جديد وملتهي بالسوبر ماركت ((اياد فتح سوبر ماركت بالمطنقه هو ونسيبة و صدك همه اهل مرته قريبين علينه عدهم بكشه (قطعه ارض ) زراعية ومقسمين منه بيوت الهم لكل ولد.بيهم عازل بيته وحده وامي تألقمت اهناك وضلت تررد عليهم وتقضي وقته ... ....
أيامي كله روتينية وما واجهت الحمدلله صعوبة او مشكلة بعملي ... الى أن أجه اليوم الاسود ...
جانت الدنيا بارده حيل صقيع . والصبح لازم اطلع ب 7 ونص حتى الحك وتعرفون وقت طلوع الشمس بشتا يتأخر واذا جانت مغيمة حدث بلا حرج ومن سوء حضي جانت طول الليل تمطر وغيوم والجو كئيب راحن البنات بالخط. مدرستهم بعيده وما تمر على مدرستي واني رحت أتمشى انصدمت بالطريق صااير شوربه ما ينمشي بيه الناس كله الي اهنا الي بسيارته والي بدراجته بس حضي الاغبر خلاني حايره ماكو غير ارجع من حيث اتيت واروح من طريق البساتين هم يطلع ع المدرسه صدك رجعت ودخلت بنص البستان جان شكل النخل وهو عالي كولش هيبة ويخوف لان سعفه يحركه الهوى وماكو احد غيري . طبعا هو هم طينه بس لكيت مسطرين طابوكات ضليت حذره لا اوكع بالطيان وجان اسمع صوت جلاب خنب هاي شنو جابه بالبرد سرعت اشويه وكلساع اريد اميل واوكع جمدت بمكاني من درت وجهي وشفت جلب رافع ذيلة لفوك ويطلع صوت يخوف عرفته مسعور بكل غباء كمت اركض ركض والجلب صار ثلاثه تركض وراية واني اركض حتى طمست بنص الطين انعل ابو الاستايل الي خلاني امشي من هذا الطريق كله جلاب ضليت اركض بشكل عشوائي وحتى معرف وين عفت طريق المدرسه المهم عندي اخلص من الجلاب ضليت اركض بنص النخل والجلاب ورايه صوت نباحه يخووووف ومرعب بشكل فحطت اني وين والركض وين تعرفون المرة العراقية ذره لياقه ماكو ماعرف اشكد ركضت ما وكفت الى ان طمست رجليه بنكرة لا هاي هي كملت السالفه اليوم اموت اهنا ومحد يحس بيه والجلاب بدت تتقرب مني اذكرت سالفه كفاح كالت العام الجلاب كطعت عجوز وذر وذر كلت اليوم اجه السرة الي بس الجلاب شردت من الرمي الحصوو
اني كلت الحمدلله باوعت لورة اريد اشوف منو الي يضرب بيهم طلع أستاذ سالم ... يتبع
أنت تقرأ
أبتسم لي
Romanceقصة عاطفية..تحكى عن فتاة عراقية. 🌹🌹🌹🌹 قال #الامام_علي ( سلام الله عليه ) كونوا على يقين أن هناك شيء ينتظركم بعد الصبر ليبهركم فينسيكم مرارة الألم❤️ ❤
