أبتسم لي

36

العشية.....
جنا واكفين نصب واني جنت اقلي فلافل اخر وجبة بالطاوة
اجت ياسمين :-- مها مرت ابوي اصحيج
اني:- اي بس  اطلع اخر وجبه
ياسمين:- روحي انه اطلعهم
راحت مها تشوف عمته شنو تريد لكته كاعده و ولده ورجله هم كاعدين ملتهين الي بموبايله والي يحجي مع اخوهه وينتظرون العشة الوجبة الي كل العائلة تلتم بيه حتى ابو سالم ينعم بوجود ولده بعد يومهم الي مليئ بالمشاغل .....
اني:- ها عمه صحتي الي
عمته:- ها ست مها بت جاسم كالت اليوم دخلتي ناس غرب للبيت منهو ذوله
اني : استغربت شنو تقصد هاي
اني:- محد اجاني اليوم!
عمتي:- والرجال الي وكفلج بباب الحوش منهو هذا گرابتج وشنو العلاليك الي أخذتيهم منه
اهنا عيون سالم باوعت لمها بس كانت نظرته عادية  يعرف عده مبرر بس ضايج من أسلوب امه وياهه ..
مها:- عمة محد اجاني اليوم غير ابنيه مندوبة انطتني ملابس اشتريتهم من النت واخوهه مدري قريبه او رب عمله موصله اني مادخلت غير البنيه يم الباب شفت البضاعه وحاسبته وراحت .
عمتي:- شنهو امين اشتريتي
اني:- طلبت من النت
اهنا كلهم متعجبين اشون كدرت اسوق منه واجيب عدهم غريبه ..
اني رحت دا ارجع للمطبخ
عمتي:- ليش ماتروحين ويه حمواتج لو مرت اخوج احد كاضج اجيبين ناس غرب لبيتنا 
اني:- لان حضرتج طلبت منج اذن للصالون وما قبلتي محبيت افشل نفسي
اشفولك مرت حماي مبتسمه فرحااانه والثانيه تتمضحك وياهه واكفات يم الباب ويسنطن علينا .  مشمتات بعمتي
مرت عمي:- السانج اشطوله انت توكفين واتراددين جان استحيتي من رجلج وعمج كاعدين
اني:- محشومين طبعا بس اني مغلطت
هي :-روحي من وجهي وبعد لا تعيدين هاي السالفه .
اني:- اسفه خاله اعيده الان حضرتج مانعه علية الطلعه واني موظفه ومتطلبة . وبعدين اذا ما اشتري من النت امين البس الا اخيط كواني ورحت عفته ماعرف ليش هيج طولت لساني وياهه ومااحترمت وجود عمي وابو داود حسيت نفسي كلش گلبي شايل عليه وما اتحمل منه كلمه اعصابي بس تحجي وياي مادري ليش تثور وما اتحمل منه أقل كلمة .  . .
دخلت ياسمين
ياسمين:- وج انت شنو بطللللله والله فديتج فوختي اكلوبنا كلنا الضحايا مالته وج انعشتي كلبنا
اني: شسالفه هو اني هيج ضوجته اوف يمكن قللت ادب
ياسمين :- لا ولج انت ما كلتي شي بس الي فرحنا ام سالم من رحتي ضلت تحرك بيج وتكول شفتوا شفتوا هاي اتكولون عنه بت اصول شسوت بيه هسه اكلتني حاصل فاصل . وجان ابو داود يكول اله يمة مالج علاقه بيه بالذات مها عوفيه لا تعتبريه جنه الج وخليه على راحته رجأا اذا اسمعه ضايجه مرة ثاني اصرف غير تصرف
اني:- صدددددك والله
ياسمين :- جا انه مو كتلج سالم مو مثل اي احد والله كلبة طيب وما يظلم احد اااخ لو بس الي بالي يحن
اني:- شنووقصدج ياسمين خاتون يلا خل نروح ناكل
ياسمين :- اعتقد اذا طلعتي مرت ابوي صدك راح تحطج بنص كونية وتخنكج