أبتسم لي

34

اني :- ولك ولي عني ودفعته وردت اتقدم
هو دفعني حيل ووكعت على وجهي بالكاع وجات فوكايه اني نفسي كوة كمت اخذه ودكات كلبي صارت اسرع من المعتاد بأضعاف .
هو ابتعد اشويه عني واني كمت كعدت اشويه عدلت عباتي وردت اكوم طبعا اجيت ابجي من الخوف
هو:- اعوفج تمشين بس بشرط
اني:- وخر عني هد ايدي ولك .. ياااناس الحوكني . صحت حيل بلكت احد يسمعني
هو: ضحك ههههه
اني": شتريد مني
هو:- تجين وياي وره ذيج الشجرة و نغير جو اشويه .....
اني:- انجب قليل ادب ولي من وجهي
هو اتقرب مني وكال لعد اهناااا
اني هذا الشاب اذكرت شايفته اكثر من مرة اذكر جان يشتغل عدنا وشفته مرات اهواي واخر مرة شفته جان يتوسل بابو داود يرجعه وسالم ما قبل رغم راد يبوس ايده وهم ماقبل جان شكله مقرف كلش . حاولت ابعده عني جانت اكو طابوكه بس اشويه بعيده عني . وهي جان يحاول وياي بموقف مااحب اذكره . امنين طلعلي ماعرف .. اني ضليت ادنه وهو يدنه وياي عباله جاي اسايره واستسلمت اله جنت احاول ابعد وجهي عنه وهو يريد يقرب وجهه عليه اني لزمت الطابوكه وردت اضربه ... طبعا اني شنو ترة نمله ماكدر اكتل تصورون اذا طلع الي صرصور اشون اضل اطفر واخاف وهم ما اكتله . بس وقت الأذى الحقيقي الانسان تضهر عنده قوى خفية
لزمته وحيل على راسه خليت من راسه تجري نافورة طفر على ايدي ووجهي دمه . اني سحبت نفسي عنه وكمت مصدومه من بشاعه الموقف وكفت لا احجي ولا ابجي ضليت اباوع للولد الي غاب عن الوعي مدري مات  رجعت من حيث اتيت شفت سيارة
الرواية :-- ابو داود مشه بسيارته وكال خل اروح من طريق البساتين رغم هو مزعج بيه السير بالسيارة بس كال اخاف يصادف مها جلاب اخذه بطريقي المفروض ما اعوفه تمشي بس هو ماحب يفرض اوامره عليه فخلاهه على راحته والسبب لانه يعرف كلش زين مها ما اطيقه ...
بس شاف مرة تشبه مها تقرب منه بس بسبب كثر الاشجار مكدر يكمل بالسيارة نزل منه وراح يشوفه
هي شافته كانما شافت المنقذ كادمه المنقذ الي رجعه اله بته المنقذ الي رجعه لبيته وللعز الي انحرمت منه بيت اهله الصغير. ركض اله ومن غير ماتحس حظنته وهي وكل جسمه يرجف ولزمته حيل من ياخه قميصه .. وسالم وكف جامد بمكانه ..  يتبع