أبتسم لي

32

ام سالم المغرفة جانت بيده تريد تغرف من الزبدية شوربة لرجله وكعت  منه وباوعت لسالم بلكت يطلع يقصد غير مها ..
ابو سالم:- والله ونعم منك والله جنت اريد اعرض على ابو حكيم(يقصد ابنه الي اكبر من احمد بسنة ) ياخذه ويستر اعليه واعلى بته ويكسب ثواب بناته الباقيات يسرحن ويه بناته . بس انت دوم بالخير سباق .. اشو هذا ابو حكيم كلش ضاج الان جان يتمنى يأخذه بت مدينة ومتعلمه وحلوة وترفه مو مثل بنات العرب رغم جمهالن بس من الظيم وجههن محترك وانطيهن بس شغل هبات ريح بس من الناحية العناية بنفسهن صفر .... والرجل كلشي يحب ويريد ..
مرت ابو سالم الثانية:- منو يكول تقبل
ام سالم دعت ترفض وما تجيه مرة ثانيه
ابو داود:- البنية موافقه حاجيت اهله وهي هم .. والاسبوع الجاي ترجع  لمكانه وبيته ..
ام سالم:- يمة اذا على البنية نكدر ناخذه منه غصبا عنه شلنا بيه دوخه هي وبناته
سالم:- ترف يتيمة اب ما اعتقد يرضيج اتصير يتيمة ام هم ويلا تفضلووا مدو اديكم ..
صبينا يمة الشوربة كاله سالم حتى بدون ما يهتم لأمه والغضب كولش وااااضح على وجه
طول الكعده ماكدرت تحط لكمه بحلكه  حسبه اتجيبه وحسبه تأخذه .
سالم اكل اشويه وكام .. طبعا همه مايصير عدهم احد يكوم قبل لا يكوم الشيخ ابوهم . بس سالم كاسر كل القواعد ....
من اختلت ام سالم وية الشويب مالته ابو سالم
بغرفتهم ..
ام سالم:- ابو سالم ما شوفلك صرفه بهذا الموضوع مااريده يتم .
ابو سالم:- ليش انه فرحت هيج حلالنا مراح يطلع لبرة
ام سالم:- هاي ماريده جنه الي مرة ثانيه مو كافي كتلت المرحوم
ابو سالم:- يامرة ابنج مريض وهي تحملته بت اصول لو وحده غيره جان عافته من اول يوم
ام سالم:- ماريده جنه هاي وكحه
ابو سالم:- ابو دواد حاسبه صح . وبعد انطه كلمة للجماعه . واني ماصدكت موضوع بت وحلال احمد ينحل والله سالم دومه مريحني يعني فكر واصرف وشال مني الحمل
ام سالم:- اوف ناخذه الاي واحد من الولد والحلال مايطلع
ابو سالم:- نامي جنج خرفتي
ام سالم: - شوف يا رجال خل تاخذ اي واحد الا سالم هذا ابني البجر وباجر بعد عمر طويل ياخذ مكانك وهاي الوكحه تغلب نسوانه كلهن اصير هي جبيرة هذا البيت لا والله بأحلامه تاخذ مجاني . ما انطيه غير لوحده من بناتنا موش هاي الغريبة ..
ام سالم :- ابو سالم
يا احجي وياك يارجال .. هذا عافني ونام يا صدك عود .......
..................
..من كتابات تراتيل حوواء زوزاية
بعد أيام
.....
جانت واكفه  مها  ورة الباب و تسمع الشيخ شنو يكول ومن وصل هل تقبلين ب سالم أبن خضر عبد الله بمهر .... ......الخ
ضلت ساكته وتفكر اشون الدنيا اصغيره هذا المدير الي ما اطيق حتى اسمه راح يعقد عليه واصير مرته حتى لو ع الورق بس هي صعبة عليه .. الشيخ شنو بتي اسمعيني
اهنا سالم توتر اخاف غيرت رأيه او متخوفه منه وينحرج هو كدام الناس اذا غيرت بأخر لحظه لكن صوت مها من كالت نعم موافقه طمنه .. تم العقد مجان جاي احد غير ابو داود و اثنين اخوته واياد استقبلهم همه والشيخ المأذون  وتم العقد هي جانت محضره ملابسه وملابس جهاله ..
راحو اخوته والشيخ  ضل بس سالم كاعد ينتظر مها تجي ويأخذه .....
شنو الي راح يصير ويه مها حياة جديدة لو نار تنفتح عليه ....................... يتبع