أبتسم لي

19

صدك ورة يومين من التوسل الكل بسالم خلاهه وسامحه
بس اني من هذا الموقف اشوف عزرائيل ولا اشوفه......
رجع الي رجلي واماني احمد ورجعت لبيتنا ....
طبعا احمد نفسيته جانت كولش مرتاحه وحتى حسيته سمنان ووجه متعافي ... لان هو حيل ضعيف ..
..........
جنا كاعدين على العشا وابو سالم كال وباوع لسالم

ابو سالم:- اليوم ناس طلبو مني بتك وجيهه
اني كلبي رجف ع الطفله  يبووووو
ابو دادو :- ماعندي بنات للزواج ارفضهم بويه
ابو سالم:-شنهو وهاي وجيهه مو مرة
ام سالم:- يا ليش تكطع بنصيب بتك
ابو داود :- هاي بتي واني حر بيه بعده صغيره
ام سالم:- اني بعمره جان عندي انت واخوك وابو جاسم وحامل وانت تكول اصغيره
ابو داود :- عمره16  واني بويه بناتي  ما انطيهن بهذا العمر خلص هذا الموضوع منتهي لحد يذكره كدامي .....
..سكت ابو سالم وما ناقش ابنه الانه يريده يصير شيخ من بعده ويريد يصير اله كلمة ولو هو من غير شي ما قاصر سالم فارض احترامه على الكل وكلمة ما تنزل الارض عدهم ....
..  .........
اني :- ها ياسمين اتورطت انطيتج موبايلي هف يلا جيبيه . طبعا موبايلي دوم بدين البنات ما صدكن وحده عده نت واني كوة اخذه هههههه
ياسمين :- هاج
اني:- اكلج سؤال
ياسمين جواب
اني:- اكو شي محيرني
ياسمين :- شنووو
اني:- ليش ابو داود يدوام بدوام حكومي وهو عده خير من الله
ياسمين :- يكول يحب هذا شي وابوي دوم يكله استقيل احسن الك .بس هو ظاغط على نفسه ومايقبل يحب المدرسة ويحب الطلاب
اني:- شحب وهو الطلاب اذا اشوفه ع بعد كيلو متر تفر شارده ههههههه
هي:- يا ههههههههه ماعرف ليش ماخذين فكره غلط عنه
اني:- هو زرعه
هي:- بس والله مثله ماكو يعني راتبه كله سمعت يتبرع بيه للحشد ودوم يساعد الناس .

اني اتعجبت  يا ناس هاي عااا اذكرت من جنت يمهم بالفتره الي راحوا لكربلاء . واني راجعه للبيت شفت شاب يتوسل بيه يرجعه للشغل وهو ما قبل بكل تكبر ..... بس هو صحيح كريم المدرسة صايرة نموذجية من الناحية المادية والترتيب ويصرف دوم من جيبة الخاص .
............
في احد الأمسيات  ...
جنا بغرفتنا اني واحمد
اني :- حبيبي خليني باجر اروح لهلي حباب
هو:- اي باجر اوديج بس انت كولي لأمي
اني:-يبووو امك صعبه ما تنطي اذن ابسرعه
احمد:-هاي عاداتنا ...
اني:- امري للله ... اضوج حيل من هاي الشغله لان امه كلش شادة وياي لأن موضفة وروحه اهلي ماروح كل قرن بس على مود ما اضطر اتوسل اله بس باجر لازم اروح الأن أمي طلبت شوفتي اني والبنات .....
على الريوك
اجه سالم سلم على امه وامه ضلت تحجي وياه على امور الدواب مالته
اني اجيت جنت محضره نفسي بس كلت اخذ اذن منه حتى اخلي احمد يوصلني ...
وكفت يمهم جانو يسولفون ...
من شافتني عمتي لابسه وواكفه كالت :- ها خيرج ماكو طلعه اليوم حتى بالعطل دايحه .
اني سكتت ما حجيت وخاصه ابو داود واكف عزة نفسي منعتني اتوسل كدامه....
اجه عمي سلم علينه
اهنا طلع احمد بيده سويج السيارة عباله اخذت اذن حتى نطلع لان احنه جنا كاعدين قبلهم ومتريكين واني جاهزة ..
اني باوعت لعمي وكلت:- عموووو طبعا يحبه من حلكي هيج لان همه متعودين يصيحون عمي ..
اني:- عمو حباب اتوسطلي عند عمة ام سلومي
اهنا احمد :- خرب ضحك ع دلع مال سلومي

عمي :- صفن عليه
اني:- عمووو انت الك خاطر عده حباب وانطيته نظرة وحده مسكينة   وحجيت بدلع طفولي
اشو هذا عمي ماع من لهجة وطريقة كلامي
عمي:- روحي ها خليه تروح ام سالم خليه
روحي عمي روحي ..
اهناا عمتي نفخت نفسه اختنكت المرة يمكن راح اصير بيه جلطه وهي كاعده اني صدك رحت بسته من راسه ورحت للسيارة ويه بناتي
احمد:- يلا اودعناكم ويباوع لأمه الي راح تنجلط
سالم شهد هذا الموقف .وراح بعده مع ابوه... ........
........ ام داود جانت كاعده يم عمته
ام داود: - شفتي عمه هاي اشون ساحرة للزم
ام سالم:- لان احمد مريض ذالتة يمة مايردله طلب بس اني اعلمه .......