رجعنا للبيت ..
احمد:- تعاي ام جهالي ودخلني لغرفتي
تفضلي نااامي وماكو حركه بعد
اني:-هههههههه احمد ذكرتني بالمسلسلات التركية ..
احمد
........
على عشا
ام سالم:- وين ست الحسن اليوم ليش ماتجي تاكل
احمد:- جبتله اكل جاهز
ام سالم: - ها بت كربلاء ما يعجبة اكلنا مو
احمد:- لا يمة البنية متاكل لان متحب طريقتنا بالاكل
زوجة ابوه:- يا والله نسوان هاي
ابو جاسم:- دعفوا البنية بحاله قابل اجبروهه
ياسمين:- اصلا خطية صار عده عوارض لان متاكل دومك بعد جيبله احمد جاهز اذا تحبه .
ام سالم:-اها لكت ميت محامي طبعا هي تحجي وتلوج بحلكه باللكمه ..
احمد:- بوية بعد العشا اريد منك اكرامية وغمز
ابو سالم:- باوعله بطرف عينه مو انت افلوسك اگليلات
احمد:-اي اني راعي عايله عندي خمس نفرات بذمتي
ام سالم :-اي والله ابتلى ابني يربي بزر غيره
طبعا احمد جان يريد يمهد لأبوه خبر حمل مرته بس امه كالعادة خربته عليه
أحمد:- يمة شنو هذا الكلام
فرح حيل ضاجت الان تفتهم وحساسه حيل جانت كاعده يم ياسمين وتاكل هي وخواته .
احمد:- ذني بناتي يمة .
ام وجيهه:- اي الله عوضك بيهم . ام داود كرصت وجيهه الان عود مايصير تحجي هيج وهو مايخلف .
احمد : الحمدلله اني شبعت وكام
...
مها صافنه وتفكر هذا الحمل اشون شكل ابسرعه ولو هي بناته كله هيج صارن غلطات بسيطه وشكل عده ثلاث مرات حمل .. بس ياربي اذا احمد اخذته المنية يصيرون على گلبي اربع جهال وين انطي وجهي ماصورت اخلف منه.. يلا الحمدلله خطية بعدين منو ضامن عمره ايجوز اني اموت قبله .
.. ....
احمد:-دخل عليه :- الحلو بشنو صافن
اني:-- ها احمد كتلهم
احمد:- لا
اني:- تعال نام يمي
احمد؛- ما نعسان اجيت بس اطمن عليج واروح والعب دومنة
اني:- روح
احمد:- لزم بطني وكال:' قريبا تنفخين بأبني
اني:-انشالله بس منو يكول ولد؟
هو:- كل اليجي من الله هلا بي المهم مني
اني:- الله يفرح كلبك دوم
احمد:- يلا ام جهالي اني رايح وراح اجيبلج شي تحبيه وياي
اني:- اوكي اذا لكيتني نايمه ضمه الي
نمت ...
وكعدت نص الليل ع صوت طكطه احمد
اني:- ها اجيت
احمد:- اي ارجعي نامي
اني:- تعال يمي واحظني
هو:- اريد اسبح محتر واجي
اني :-اوك حنتظرك
كمل ورجع وبيده ماعون سفري
اني :مممم الله موطة
احمد:- اعرفج روحج بهاي السوالف
اني:- اي والله اجت بوكته
اني:- خل نطلع بالحديقه ناكله
احمد:-هسه؟؟
اني:- اي اي
احمد :- يمعوده حارة وبك
اني :- ما ما عليه
احمد:- امري لله
صدك طلعني للحديقه وجان نشوف واحد كاعد ع القنفات الخشب القديمات . احنه رحنا كعدنا ع المرجوحه الي جابه احمد للبنات .
واني اكل
اني:- احمد هاي منو كاعد اهناك واشرت ع القنفات الي صايره كدامنا بمسافه
احمد:- اعتقد سالم
اني:- اشعنده كاعد هيج وقت اهنا
احمد:- واحنه هم لعد اشكعدنا هيج وكت هنا
اني:مممم اني حامل واتنسى ع ريحه ورك النارنج
احمد:- صدددك تتوحمين انت
اني:-لا جذوب بس حبيت ادلل الصراحه
احمد:- ولج امري انت اليوم خليتيني اسعد رجل بالعالم ...
اهنا شفته لسالم دار وجه علينا وبعدها كام
سالم:- شنو اسون هنا تره بك وحرمس
احمد:- والله هاي بعد الا تجي تاكل اهنا
سالم باوعلي :- وكال يلا تصبحون على خير..
أنت تقرأ
أبتسم لي
Romanceقصة عاطفية..تحكى عن فتاة عراقية. 🌹🌹🌹🌹 قال #الامام_علي ( سلام الله عليه ) كونوا على يقين أن هناك شيء ينتظركم بعد الصبر ليبهركم فينسيكم مرارة الألم❤️ ❤
