أبتسم لي

29

اياد :- ما نام ليلة بس ما كال لأحد ...
الصبح .
اياد كعد.من الفجر  جانت مها اتصلي شافته لابس ويريد يطلع
مها: اياد وين،؟
اياد مجاوب وراد يطلع
مها:- يمعود وين طالع الساعه ب 4 ونص هاا
اياد :- رايح للبصرة
مها:- شنو هو 7احنه مو الصبح كلنا نرجع لبيتنا؟
اياد:- يابيت . بيتنا احترك مها لازم اروح هسه كوة صبرت ليلي كله اني افكر خل اروح اشوف الأوضاع.
مها:- صدددك تحجي عووود يا انهجم بيتنا ولطمت على صدره ما استوعبت الامر ..
راح اياد و وصة لاتكول لأمه شي بس تخبر منى على صفحه اخاف امه متتحمل المصيبة ....

....... اختصار الاحداث .
مرة شهر واياد حاير بأمره بيته صاير رمااااد بسبب ماس كهربائي . احتار شنو يسوي ضل لا يكدر يشتغل بالمحل الان اهله بكربلاء وهو ضل حاير بيهم وماعنده امكانيه يأجر .. ومها جانت ماخذه اجازة امومه ولازم ادوام بالوقت الي ضلو بيه حايرين لا بيت ولا اثاث .. 
بهاي الفتره سالم جان طالع سياحة لتركيا وضال اهناك ومحد يعرف شنو سبب كل ما تخلص الاجازة يمدده ما يريد يرجع ... 

بهاي الاثناء بالتحديد جنت رايحه للبصرة وية أياد احاول امدد الاجازة والمصيبة سالم ماكو منطي وكاله للأدارة لغيث وما ساعدني ابد ولازم ثاني يوم اباشر بالدوام .. .. رحت ارتاحيت اني واياد بيت انسابته اصلا منى رجعت يم اهله واني وامي بيت خالتي بكربلاء وهسه عفت البنات يم امي بس اريد اشوف حل لدوامي ...
.. رجعنا ثاني يوم لكربلاء دخلت للبيت وجه خالتي ما يتفسر وامي كذالك .
اني:- شكو اشبيكم
امي:- يمة عمتي واجت هي ونسوان من العرب هجمن علينا واخذن البنية منا
اني:- شنننوووو اشون واشوكت وليش مااا خابرتي
امي:- قبل ساعه . يمة وجنا بس اني وخالتج بالبيت وهنه طبن عراكات واحنه نسوان مريضات وين نكدر الهن جرنه من حظني وراحن
اني: خلص حيلي كعدت الطم ودك على حظي المصخم اني ماكدر اعيش بدون بناتي .
اياد:- لخاطر الله اسكتي ما ناقصج اني
اني:- يااا وبتي بزري يا عالم
اياد:- خليه يم اهله هي قابل وين
اني:- لو بتك.ماتكول هيج وكعدت ابجي
اياد بصياح:- بتي همه وين جهالي كليلي وين ما اشوفين حالي اركض ليل ونهار انذليت ذل وجهالي بالبصره واني اهنا راح اموت من التفكير ...
وراح.
واني بجيت الى ان تعبت وبعده سبحت ونمت حظنت ملابس بتي الرابعه ونمت 
.بعد ايام ..
ماحجيت بعد بالموضوع ولا جبت طاريه كدام اياد الان الي بيه مكفيه وعلية ضغوطات فوق طاقته .. جنت كاعده المغربيه ادعي الله يفرجه علينا اجه اياد وكعد بصفي
اياد:- مها باجر نروح للبصرة شفت مشتمل اصغير نكعد بيه الى ان الله يفرجه وحتى انت ترجعين لدوامج
اني:- اي خوش خبر وانشالله اني اساعدك  بالاجار ونأجر بيت مو مشتمل
اياد:- انشالله هسه ندبر امرنا حتى نكدر نجهز اثاث وهيج شغلات وبس نستقر احاول ارجع ترف لحظنج بس انطيني وقت ..
............
لكيت غيث مسجلني غياب الان اتاخرت ايام الا اجيت . وكعدنا مشتمل اصغير عبارة عن غرفتين وحده اني وامي وحده اياد ومرته اياد عنده اربع اطفال اكبار يرادلهم غرفه ع الاقل واني هم بناتي اكبار ومابي حديقه ممر ضيق ومطبخ  وحمام وتواليت خارجيات بس شنو انسوي ورانه اهواي امور واهمها نلم افلوس بناء ونبني بيتنا من جديد ..
الليل كله ما انام واترس المخده بواجي على بنتي ..
الراوية :--- اجه سالم واخيرا من سفرته الي طولت
... بس حس سالم الطفله بت احمد باقية شو يم بيت اهله  وياسمين ترعاهه من سأل عرف .
وياسمين سولفت اله عن حريق بيت اهل مها ..
ام سالم شايله الطفله التبجي وكاعده اتصيح:- ولج ياسمين تعاي خلصينا شوفيه اشبيه
سالم:- اخذ الطفله شاله والطفله انوب فحطت من شافت وجهه هو حطه على متنا وكام يركض بيه هي اشويه هدأت وسكتت من لعبه
امه اهنا راحت لغرفته هو غطه الطفله بعباته وطلع بيه .  سال عن بيت اياد جان مشتمل قريب على محل اياد
دك الباب
مها:- منو
سالم :- اني عمي اني
مها عرفته من صوته . راحت لبست حجابه و عباته ورجعت فتحت الباب جان اياد بالشغل
باوعت شافت سالم واكف يم الباب و مطي ضهرهه عليه ومدنك
مها:- هلا ابو داود!!
سالم:- اشونج ام فرح
مها:- الحمدلله على كل حال وتنهدت
سالم:- اتفضلي ام فرح
ودار وجه عليه وانطاهه طفلته!!!!!!!!!!!
مها :- يمه بتي واخذت البنيه وشمته حييييل شمة شخص  جان مختنك واجاه الهوى
سالم :- آسفين ام فرح   
مها:- لا خوية انت مالك دخل وسكتت
مها:- اعذرني وحدنا بالبيت ماكدر اكلك اتفضل
سالم:- اعرف ام فرح  بس اني جاية اكلج كلمتين اوله اهلي ما يخلون الطفله عندج ولا اتصدكين ترتاحين
مها:- لعد شسوي ابو داود والله ماكدر بلياهه
سالم:- مها لازم اعقد عليج ؟؟؟؟؟؟؟.