أبتسم لي

35

سالم:- ارتعش جسمة من حركة مها الغير متوقعه .  بس مع هذا ما ابعده عنه او بمعنى اخر مكدر يبعد عنه وماتصور بيوم مها اتصير بين اديه وحظنه .. بس الي صحاه من تأثير مها عليه اديه الي ملطخه بالدم وخره عنه بهدوء ولزم اديه ومن شاف وجه كلش قلق توقع واكعه ..
سالم:- شنو الجرى تعاي اوديج لقرب مركز صحي
مها :- اوكف اني كتلت واحد!!!!!!!
سالم:- شنو
مها:- وهي ترجف اي اهناك واشرت ورة الشجر
راح سالم يركض صدك شاف نصير واكع بالكاع وغركان بدمه شاله واخذه للسيارة ومها واكفه بمكانه جامده  . اجه هو سحبه على كيف هي اخترعت ابتعدت عنه
سالم:- لا تخفين تعاي تعاي
مها: مات  كتلته مو وترجف
بناتي ضاعن راح يعدموني مو وتشهك وتحجي
سالم:- مها اصحي ماميت اهدي خوش اهدي بس خل نلحك ناخذه نطببه قبل لا ينزف اكثر اهدي اهدي يحجي اهنا بهدوء واديه على وجه وهي تهز براسه اصغاء اله طبعا هي جانت بحاله  من الذعر والانهيار سالم عرف اشون يمتص خوفه وياخذه للسيارة من شافت .الشاب مجطول بالسيارة وبدمه خافت
اكثر
سالم:- تعاي يمي اهنا كعده بصفه بالصدر
وراحوا للمستشفى
سالم:- انت  ضلي اهنا خوش
واني داخل  لجوة وشال الشاب ووصل لباب المستشفى واخذوه منه ودوهه للطوارئ طبعا مستشفى خاص .. . الدكتور طلع كله الجرح عميق راح ناخذله اشعه ...
وحطوه بالعناية ..  اما سالم رجع لمها بعد مافهم الدكتور انو نصير مزارع عنده ولكاه واكع بنص الكاع وجابه .. وراح لمها لكاهه مغطيه وجهه بعباته .. كعد يمه وساق السيارة ... مها
طلعت راسه بس ضلت مدنكه ..
سالم نزل يم مزرعه زعفران ونزلت وراه مها خلاهه تغسل اديه ووجه وكعدت اشويه .
سالم جاب اله عصير من بيت حارس المزرعه وانطاه اله
... من شافه هدت
سالم:- كل الامور بخير لا تخافين مها
مها: يعني مصار بيه شي
سالم : لا
سكتت هي وتنهدت هم وراح من صدرهه.
سالم:- ليش ضربتيه ؟؟
مها:- هاا   اريد اروح منا ابسرعه
سالم وكف وراهه وهي تريد تمشي للسيارة
سالم:- اتعرضلج مو
مها :- سكتت
سالم:-نظرات استفهام
مها:- حاول يعتدي علية واني ظربته بس مقصدي اكتله
سالم تقرب منه وكال ما تقربلج مووو؟؟؟ كاله بقلق
مها:- شحده يلا اريد اروح للبيت اذا الولد ما بيه شي بعد شكو اني اهنا  ؟؟؟
سالم عرف مها استردت وعيه ورجعت لطبيعته واطمن من عرف ما متأذيه ....
....... ورجعت مها للبيت
دخلت سبحت ونامت بفراشه اجته ياسمين
ياسمين ::- شكو ليش رجعتي من وكت هاا
مها:- تعبت واخذت اجازة ...
مرن يومين وسالم اخذ اجازه لمها ..اما الشاب ثاني يوم صحة وسالم راحله . وكله اذا تحجي حرف اسجنك بقضيه اغتصاب اضل اهناك 15  سنة .. انت ماتوب اني رجعتك يمي لخاطر اخوتك وامك . وانت تعتدي على الناس ما كال اله الي حاول يعتدي عليه مرته كرامته ورجولته ما سمحت اله .. طلع الشاب من المستشفى وانطاه جم فلس يروح بغير منطقه ولا يراويه وجه .. وحل سالم قضية مها من غير ما احد يعرف بيه ..
مر شهر على زواج مها من سالم بس كانت تعامله مثل ما جانت تعامله من جان زوجه عايش كحمى ... بس نظرته اله وفكرته عنه تغيرت عرفته انسان شهم وبشدات يعتمد عليه ... بس بعده فكرته عنه انو متشدد مع النساء ماتغيرت
...
.. بت حماهه عمره17 سنة زواجه الخميس الجاي ومها احتارت شنو تلبس هاي اول مناسبة عرس راح تحضره بعد ما عاشت بخير من جانت ويه هاشم ما تحضر اعراس والسبب العوز حتى لا تنحرج ..
باوعت لنفسه بالمراية خنب جنه ام الصخول . خابرت منى تجي تاخذه العصر للصالون ... بس نست عده عمه ما تنكحم بس كالت اجرب حضي واطلب من اذن وامري لله
..
مها:- عمه اريد اروح احف اليوم
ام سالم :باوعت اله صفح اشعندج حافه قابل عندج رجل ها اكعدي واسكتي
مها:- احف لروحي مو الاحد اشون احضر العرس هيج
ام سالم:- قابل انت العروس دكعدي راحه
مها :-يا يعني اشون اروح للعرس هيج
ام سالم:- انت بكل الاحوال محد مكلبج هذا سالم لا يباوع لجهرتج ولا مكلبج بايره  روحي انكلعي يلا دوختيني
اني:- صدك ضجت رحت لغرفتي ودمعتي بعيني  رحت باوعت بالمراية صدك صايره مادري اشوني الولاده الاخير مأثره عليه .
خابرت منى وشكيت اله حالي
منى:- وجع حتى وجع ولج جسمج يخبل واذا على البطن اوصيلج من النت على مشد سحري يصفطه صفط واذا على وجهج باجر اني اجيج اليوم مافارغه واحفلج وجهج . وانجبي
اني:- ولج خوش فكره وتنجلط عمتي اريده تنجلط عفية حبابه
منى:- مو تدللين .. شنو راح اتلبسين
اني :--'راح اسوق من النت خوش فكره لان ذني من اكول الهن اريد اشتري ياخذني لسوك يخرعن ملابسه يبووو منه
منى :- شاطرة بس اشك بعمتج اسويلج مصيبه
............ صدك اجت منى حفت الي وجابت الي المشد طلع جسمي فد شي .
وحجزت من النت ملابس تخبل الي .
بيوم الاستلام حضرت افلوسي وكعدت انتظر
من اندكت الباب طلعت بت حماتي ..
واجتني كالت عمه اكو ناس يردوج الان اني انطيتهم اسمي صدك رحت للباب جانو ابنيه ورجال دخلت البنية للحديقه وفتحت الاكياس شفت البضاعه الي نفسه طلبته وصدك طلعت نفسه ونفس القياس المطلوب  . دفعت الفلوس للبنية وراحت ..
اهنا بت حماية شافت كلشي راحت سولفت لعمتي وما ادراك ما عمتي ..