أبتسم لي

41

بعد ما قطع سالم قسم اله ...
راحت مها لبيت سالم . حياة جديدة ثالثة تنتظره لو نكسه ثالثة  ؟ هذا الي جان يدور بعقل مها ..
دخلت لغرفة مو كولش جبيرة . فرشه بسيط ومابيه سرير بس كنتور وبوفية .
ام وجيهه:- هاي غرفتج مها انت وبناتج بيه على نفرغ عود.نفرغ غرفة للبنات . عدنا غرفة حاطين بيه اشياء قديمة نصفيهم ونرتبه عود بعدين .
اني :- اوك . رتبت غراضي بيه .  .. مر  شهر علية بيت سالم . طبعا بيت سالم مجنت اكعد بيه اهواي بالاسم اني عايشه بيه لان عمتي كاربة عليه وابد ما تخليني ابد ارتاح اكيد اتخاف على أبنه مني تحاول تشغلني بكل  طريقة .. بنات سالم كلش حبيتهن وصارن خوات لبناتي صار بيت العرايس ، اني عندي اربعه وهو عنده ستة 2 ويصيرن درزن
.. ..
جنت احاول على كد ماكدر اتحاشا اللقاء مع سالم ..
.........
جنت دا اقرة قرأن المغرب سمعت صوت البنات هوسه ويصايحن رحت اركض اشوف البنات اشبيهم وجان اشوف تبارك صاعده فوك ضهر اابو داود وترف ع متنه وبته هم شايلهم ثلاثتهم وبقية الجهال اتصيح وهو بنصهم يشيل وحده ويشمر بالثانيه هو عنده وحده من بناته تشبه امه سمييينه حيل اجتي وجاتت فوكاهه وهو جان شايل على ضهر الجهال ويحبي بيهم من صعدت بته انطرح الرجال
اني مكدرت اصبر ضحكت بصوت عالي عليه
هو باوع الي ابسرعه من شافني كام وحاول يعدل من هندامه .بعديش شايبنه شفناك صاير دونكي..
اشكد حلوة روحه ويه الجهال گلبة وسيع ضلت بته تتوسل بيه يطلع يشتري اله
بته:- يلا بابا يلا
سالم:- والله بوية الناس تتحضر للصلاة معزله هسه
بته : حباب حباب
اجته بته السمينه:- حباب جيبنا جبس و موطة
هو:- حك مقدمة راسه وكال:- والله يا بتي اذا اكلتي حلويات يجي الوحش ياخذج منا
بته:-عزة وحطت اديه على حلكه بطريقه طفوليه حلوة
هو:- اي وياكل الي يلحن
وحده من بناته :- جذب انت تضحك علينا
سالم:  اها اني جذاب تعاي وركض ورة الطفلة وهي ركضت  تضحك واجت الطفلة احتمت بيه هو وكف كبالي ويرد يطلعه من ورايه وهي لازمه بثوبي من ورة وهو يحاول يطلعه . واني طلع گلبي من مكانه من تقرب مني ..
اخذه وضل يدغدغ بيه وهي ميته ضحك اني عفته ورحت ..
طبعا ياسمين تعرف بكل سالفتي وتحوص تريد تخليني ارجع عن قراري واتقرب اني منه عود لان اني المرة بس هيهات انزل من نفسي ...
جنت بالبيت الجبير وجنا كلنا مجتمعات النسوان يعني ونسوي كليجه كمية كبيرة عمتنا مشتهية و ناخذ احنه حصصنا من نخلص وخوات سالم حتى الكبار موجدات فصار وفتحن موضوع عن سالم ..

:::::::::
ياسمين :--تعمدت اني صحت لخواتي وبطريقه غير مباشرة نرغب مها بسالم وماكو طريقة غير نحجي عنه وعن حياته هي متعرف شي عنه ..واستلمت هذا الواجب اختنا ام أيمن ..
ام أيمن :- اي والله سالم جان لاعب طوبة ماهر ولا يونس محمود يلحكه
وجيهه بته:- صددك ؟ بابا رياضي
اني اصنت ومغلسه عود الموضوع مو يمي بس كل حواسي يمه
ام ايمن :- اي دادة وجان كابتن الفريق
وجيهه:- اي وبعد شنو جان ابوي يسوي هم يتعارك
ام ايمن :- لا من صغره حكيم ودم الشيوخ يمشي بعروگہ. بس عدنا ابو جاسم اهواي يتعارك وابو داود يحله مشاكله ..
ام داود: اي وجان يصيد سمج
ام وجيهه:- ويعرف يقرة انكليزي لان اهواي يسافر
اني :- وبعد ماصعد للقمر بطريقه
ياسمين:  لا بس جانن بنات العشيره ميتات اعليه
اني بنظرة مطنكرة
ام أيمن :- اي بس هو مجان يحب النسواين يحب الدراسة والشغل بس ام داود أبوه جبره اعليه
ام داود :- اي والله واضل أسبوع ما جايني بس ابوي الشيخ ابو سالم كله اغضب اعليك واخذني بالغصب...
مها:- ها وانت عادي عدج اخذتي واحد غصبا عنه
ام داود:-جا انه اكدر اكول لا غير ابوي يذبحني .
ام أيمن:- ابو داود الوحيد الي ما يحب الزيجات والتعدد
وجيه :- جا اشون اخذ امي
ام ايمن:- امج غير خوالج يكتلون بيه واجت شردت بيت خالته الي هي امنا وابوي زوجه سالم حتى يستر اعليه
اني كلت خطية هذا كل زيجاته هيج تحكمه العشيره وعاداته ... حتى اني جبرته الضروف ياخذني لا وانوب ابوه اكيد هم ظغط عليه واخذني وهو ما يكدر يمكن الان جنت مرت اخوه .... وحيل ضجت عليه وعلى روحي لأن انحطيت بوضع محرج...
........
.......... جانت صايره عدهم كعدة زلم ببيت الشيخ عمي واني وياسمين وام جاسم بالمطبخ نحضر العشا جانت وليمة دسمة ذابحين ذبايح وواكفات بالحر من شغله لشغله ..
احنه كملنا طبخ بقى بس الصب بعدين من يخلصون كعدتهم نصب ..
اني رحت اتخنس ماعرف ليش حبيت اشوف سالم   وهو بالكعدة ..
اوف الباب مسدود دعوفولكم فتحه للفقرة  ..
رحت .. ورة اشوية طلع ابن حمايه يجيب ماي اني اتخنست شفته عايف فتحه اصغيره رحت صرت على حايط واباوع من الفتحه . خنب كله زلم معكلة ششوف اني
ياسمين بهمس:-اجاي اشوفين ؟
اني:-يمه اسم الله الرحمن خرعتيني هم بهمس
وضلينا أثنينا نباوع . وجان المح ابو داود مصدر الكعده .
اني:-عن شنو دا يحجون
ياسمين :- هش خل نسمع 
وجان انشوفلك المتحدث ابو داود وهو يحجي خنب صوته يخبشششش ولا احسن خطيب ابصراحه طلع متكلم اكثر حتى من ابوه الشيخ ... جان لابس لبس عربي وعباته على متنة ضايفه اله هيييبة ...
رحنا للمطبخ
اني كلت  بگلبي معقولة هذا نفسه الرجال الي شالني، يمه فدوة بس والله تلكاه فطس مني
اوف لو ينعاد ذاك اليوم

ياسمين: - وين رحتي هييي
اني:- وج اشبيج خل نتفرج الا اسولف يعني اخوج شكله هيبة والله اني من يمي قنعني الصراحه .. شكله جنتل مان كولش باللبس العربي وحلو، طبعا اني اسولف وهاي ياسمين تضحك وتباوع لورة . اني درت وجهي وجان اشوف الشيخ ورايه
اني:- ااااشررررد