أبتسم لي

49

اني اجتني ام داود واخذتني لغرفة ياسمين وكالت الي نامي مو زين عليج بعدج نفسه واخويه طلع ابو سالم مخابره ومترخص منه وعازمه عدنا وجاب وياه بناتي .
منى كاعده فوك راسي وساكته ما حجت شي حسيته تعرف شي وتريد تكوله وماتعرف اشون ..
اني:- منى اشبيج ولج ادري عندج شي تكوليه بس محتارة جنج كولي يلا شكو؟
منى:- والله ماعرف شكول .. 
اهنا دخلت ياسمين وبيده صينية مليانه مشويات .. الزلم بعد ما ذبحوا كعدو يشون على الفحم واطيب المشويات اجتنا اني ومنى وبناتي وامي كعدنا ناكل .. بس اني كوة اكل گلبي منغوز مااعرف ليش ..
خلصت اكل وكعدت ..حيل متوترة سالم وينه ليش لسه ما اجاني .  واشون راح يكون لقائنا بعد طول الجفا والزعل ....
صارت ب 10 بالليل واني  بعدني بغرفة ياسمين
الكل راح لبيته حتى امي بقيت بس اني يمهم ..
مها:- ياسمين شنو اني راح اضل اهنا
ياسمين :- لا بس اليوم حبي .انه حنام يمج اناوبج بعلي ...
بعدها
نمت من التعب والأرهاق ..
.......
جنت امشي بالبساتين بس اشو ماعرف وين اروح كله نخل بنخل ما لا نهاية  الدنيا بدت تليل واني امشي تعبت حيل .. شفت مرة تمشي كدامي . تقربت منه كتله عيني انت منا ما تعرفين اشون اطلع منا اني بيتي قريب منا بس تهت
دارت وجه طلعت عمتي ام سالم
ام سالم :- اشعندج اهنا ؟
اني:- مادري جنت ادور على سالم وتهت
ام سالم:- تعاي اوديج انه وابتسمت . . خفت منه بس مشيت وياهه بلكت تطلعني منا ..  وصلنا يم شط غريب شسوي اهنا بنص البساتين ما شايفته من قبل ؟
عمتي دفعتني بنص الشط واني اشو احاول اسبح ماعرف الشط مايه عميق وضليت أشاكف بدية الى ان غطيت بنص الشط وبديت اختنك بس ضليت ارفع بيدي اطلعه لبرة .. وجان أحس احد يجر بيدي وطلعني نصي رفعني عن الماي .. وطلعني يمة بقارب . جان افتح اعيوني واشوفه مبتسم الي .
اني:- سالم حبيبي هاي انت
سالم ما حجه بس ضل مبتسم واتقرب مني واني كمت وحظنته حييلل مثل الطفل الضايع ولگة ابوه . بعدني عنه و نفس الابتسامة بوجهه. جان تطلع مدري منين عمتي
عمتي جرت ايدي عن سالم ودفعتني ووكفت بنصنه . سالم حط اديه ورة ضهره ونزل من القارب وعافني ....
كعدت من الحلم واني حيل عركانه يكلك طابه صدك بنص شط وتوني طالعه .. سميت بالله يكون الحلم خير عليه .. بس عمتي حتى بحلمي داخله .!
.. الصبح كعدنا رحت غسلت ورجعت للغرفة لكيت علي يبجي كعدت ارضعه .
ياسمين من شافت مها كعدت جهزت اله ريوك واخذته للغرفه .
ياسمين :-- اشونه الحلو اليوم
اني:- الحمدللله شنو راح ابقى اهنا عمي الشيخ ليش مايقبل اروح لبيتي ؟
ياسمين:- اهناك منو يداريج ام داود مشغوله بالبنات انه اهنا ونسوان حمويج وخواتي كلنا يمج وهنه يمرن يساعدنج .
اني:- اني زينة الحمدلله ممحتاجه رعاية . بعدين وين سالم ؟ شنو هو ما قابل يرجعني وانتم جبتوني بدون رضاه ؟
ياسمين:- الحزن طغى على ملامحه وكالت:- ها حبي انه اروح اسوي ريوك لبوي . وراحت .
اني نيمت علي وكمت ما تريكت .
طلعت للصاله شفت عمتي كاعده وعمي و كفت يم الباب ما دخلت من سمعت عمتي تبجي ومربعه وكاعده تدك على رجليه ..
عمي:- كافي والله كوة متحملج انه
عمتي:- والله راح اموت يرجال ماكو مرة تأذي ابنه والله ماسويت اله شي ليش حتى ما خليتوني اشوفه واشبع شوف منه قبل لا يروح .
عمي:- والله هذا اقل شي كدرت اسوي لو اعليه اطلگج وارجعج لخوج بس لخاطر ولدج وخاطر الناس ما تاكل وجهي من اطلكج بهذا  العمر ..
عمتي:- اووف ياربي
عمي:- روحي ارجعي هسه يم اخوج ضلي اهناك من يهدا بالي اذا اضلين كدامي اسوي جريمه
عمتي:-وين اروح موش انته جبتني البارحه موش عفيت عني ورديتني
عمي:- منو كال عفيت عنج جبتج لخاطر أرجع مرت سالم وهسه روحي من يجي ابو جاسم يوصلج من تبرد اعصابي عودك انشوف جارة لموضوعج اذا تردين روحي يم واحد من ولدج انه بعد ماريدنج ..
عمتي:-انه ماريدن شي غير اشوفنه .. وتبجي بحركه اني اتاكدت الي يحجون عنه سالم رجلي . سالم بيه شي . طلعت من الممر الخلفي وركضت لبيتي . اني شفت ام داود والبنات ياكلن بالصالة حتى ما صبحت عليهن رحت لغرفتي فتحته لكيته فارغه محد بيه ومرتبه كما تركته ....
طلعت منه
اني:- ام دواد وين سالم؟
ام داود:- ها ليش لسه محد علمج ؟
اني؛:-دا اسألج الج جاوبين رحمه لوالديج وين رجلي؟
ام داود:- دمعت اعيونه
اني:- وينه (بصراخ ) اركبي ساحن واديه ترجف .
ام داود:- مسافر
اني:- جذابه والله وينه رجلي لا اضمين عليه
ام داود:- والحسين مسافر
اني:- وين وليش ؟؟
ام داود:-- اخذوه ابو ايمن وكريم للهند
اني:-؟؟
ام داود:- رجلج صارله اشهر طريح الفراش والمرض هاده وما خلينا حكيم يعتب اعلينا والكل يكول ما بي شي ؟؟
اني:- سالم . مريض ليش اني مادري ؟
ام داود:- كالو عمتي ساحرته وهم عمي ما خله شيخ وعالم دين و حتى دجالين حتى يفكون السحر وهم ما فاد
اني:- حسبي الله ونعم الوكيل
ام داود:- اخذو للهند والبارحه جانت عمليته ونجحت الحمدلله طلع عنده ورم حميد براسه بس حجمه كلش اصغير اهنا محد عرفه واهناك شخصو حالته. والبارحه طلع بالسلامه . بس راح يضل اهناك من يتعافه يرجعوه وعمي جابج لهنا حتى اول مايجي  سالم يشوف ابنه ...
اني.عفت ام داود ورجعت لغرفتي وسديت الباب عليه هذا كله يصير واني مو يمك؟ اااااه . ونمت على فرشته وضليت اشم بيه واخذ نفس طويل واني اذكر كل ذكرى الي وية سالم اذكر كل كلمة حلوة كاله الي ومن ازعل وادلل ما يراضيني بالكلام ولا يتوسل جان يسكتني بقبلاته ومرات يضمني على صدره حتى ما اضل اعاتب ويسكتني من يشدني حيل على صدره ويخنكني ليتك ترجعلي والله لا اعتابك ولا ابعد عن حظنك . فتحت الكنتور وطلعت ثوبه مسحته بيدي ورجعته . طلعت البوم الصور اني وياه اهواي جنا نصور خاصه من روح لكربلاء ومن رحنا لأيران باوعت لصورة واذكرت من كال قبل لا نصور هاي اول مرة اجي لمشهد مع مرة .واني ضحكت وكتله  اول مرة واخر مرة هم عوزك تجي ويه مره ثانيه .. 
.....
العصر اجتني امي ومنى واني انداريت بيتي وبغرفتي
امي بيده كاروك صغير لعلاوي ومنى جايبه هزاز .
حطيتهم بغرفتي وصار كل ساع يجيني خطار يباركلي على المولود وينقطه .
اني:-منى جنتي تعرفين مو وما كلتي الي
منى:- والله عرفت من اهلي بس ما كلت الج انت الي بيج مكفيج وراج جان ولادة .
اني:-اوف يا منى لو كايله على الاقل اجي اشوفه قبل لا يروح مو الله فرفحت روحي عليه
منى:- انشالله يرجع الكم بالسلامة .
......................................
بعد مرور عشرة أيام .
جانت مها متعدله ومتحضره وميتة من اللهفة والشوق للقاء المحبوب . جان موعد وصولة الى العراق . ......
الساعه التاسعة  اندكت الباب واجه كريم وابو ايمن
مها جانت بالبيت الجبير تنتظر على احر من الجمر .
دخلوا للصاله
وسمعت مها صوت هلاهل وسلام
راحت تركض للصاله شافت سالم كاعده والكل يحظن ويبوس بيه وابو كاعد يمه وحاط ايده على متنه
ابو سالم:- دعفوه الرجال موتوه وخرهم عن ابنه واشو هو حظنه 
ابو جاسم:-اها كول هيج من باجر اروح اسوي عمليه بلكت نحصل حظن من الوالد من اجينا للدنيا لهسه ما بايسني ابوي ..
كله ضحكت على تعليق ابو جاسم ..بس مها جانت واكفه يم الباب وتباوع لسالم واشون المرض ماخذ من حيله لدرجه كعد ماكدر يوكف وضعفان حيل ..
اجن بناته وحظنن ابوهن . اهنا تبارك وريتاج هم طفرن من مكانهن ووراحن حظنن سالم . باوع الهن عرف مرته راجعه ضل يباوع بالوجوه يريد يشوفه .  .  .
وهي واكفه يم الباب وتبجي
سالم كوة كام من شافه واخو لزمه ومشاه اله .
سالم مد اديه عليه واني تقرب منه وهو حظني وظمني على صدره وسط العيون المتعجبه والمذهولة واني ضليت ابجي على صدره نسيت توه طالع من وعكة صحية ..
ياسمين :- مها على كفيج كافي يعمري ابو داود مريض روحي جيبي علي خل ابوه يشوفه .
اني وخرت عنه وهو حظن خدودي بكفوفه وباسني من جبيني .
سالم:- باوع الي برتجي حتى اسكت .
رحت واني امسح بدموعي وجبت اله علي .
لكيته رجع كعد بناته واهله حواليه .
اخذ علي مني . جنت ما مكمطته ..
حطه بحظنه . وضل يباوع لأبنه وابنه يباوع اله بنظرات عشوائية وبطريقه طفوليه يرضع بأصبعه وسالم صافن وانطاه اصبعه كبل علي خلاه بحلكه شم سالم علي من نحره شبع نفسه من ريحة أبنه المنتظر .....
وظمه على صدرة ...
بعده اخذو سالم لغرفه عمي نام بيه لان عمي يريده يمه ..
ضل يومين اهناك اني اداريه وشايلته بعيوني بس ما صارت فرصه ابد انفرد بيه والسبب خطار طالع وخطار جاي يتحمدون على سلامته .. 
بعده سالم طلب يرجع لبيته وعمي كوة عافه . 
اخذته اني لزمته من يمينه وام داود اجت اخذت ايده اليسار بطريقه مضحكه ومشينا لبيتنا .
دخل لغرفته . واحنه عفناه ينام وطلعنا نتفنن بالاكل . الان اني اقترحت نتعشا بيتنا وما نطلع ونحظة بسالم بوحدنا ...
كعدنا على السفرة ..
سالم:- ما اصورت عائلتي هيج صارت جبيره.... جنا نضحك كلنا نسوان وبنات ماكو زلم غير سالم كاعد. اني عندي اربعه بنات وهو ستة . بس لحظه اكو زلمة ثاني وهو على كاعد بحظني يرضع دائما وقت اكلي يذكر رضاعته . . .
.........................