أبتسم لي

42

شردت مها من كدام سالم أخر شخص تمنت يسمعه  . . . .

عند سالم بنت أسمه نوره عمره 15 مراهقه مزعجه يعني عده هي جبيرة وشخصية ومحد لازم يندك بيه ومع الاسف بنات  وجدان ام وجيهه.  المراهقات   محد تحترمه وخاصه نورة .
اقرب مثل جنا كاعدين وامه كالت اله جيبي الي التمر من المطبخ .
نورة ردت عليه بنهر لا تكوميني كل ساع مو عبد.عندج اني وصدك مارحت ومارحت .
اضوج مني بشكل .. بس دوم الكفه تلعب بموبايلي واخذه منه .. فد يوم جنت اكرب بيت عمتي وخلصت  رجعت للبيت دخلت لغرفتي شفته بغرفتي وبيده موبايلي تخابر
كبل سدته وحذفت الرقم وانطته الي . 
اني:-منو تخابرين هاا
نورة: ها ج جنت اخابر صديقتي
اني وليش ما أستأذنتي مني؟
نورة:- جنتي برة
اني:- بعد لا تاخذين جهازي فاهمه
نورة هييي اني شماخذه هسه نحسه
اني:- اطلعي  برة قليلة ادب
نورة راحت اني كعدت وحطيت رمز للمبايل
دفرت الباب برجله ام جيهه ودخلت
ام وجيهه:- انت منو قليلة تربيه وادب هااا
اني عرفت بته شاكيه اله
اني:- ماقصد بس هي عصبتني تحجي وياي مثل ماكون اخته الصغيره ولا يكلك بكد امه اني
ام وجيهه اكلتني حاصل فاصل وتعيط بعلو صوته
اني من شفته هيج باطل وتعيط سكتت ولا رديت
ام وجيهه :-- فوك ما متحملين بناتج ونربيهن الج هو انتم عدكم احد يربيكم حتى تحجين على بت الشيخ الي ملفيج انت وزعاطيطج
اني اهنا صدك حسيت بذل واهانه رغم اني اعرفه فطيره وكلامه ع الفاضي هي طيبة بس حيل جرحتني ماحجيت شي
دخل ابو سالم وسمع صوت صياح
شكو
اني:- ماكو شي ابو داود سسوء فهم
ام وجيهه:- تعال احضرنا ابو وجيهه هاي مرت اخوك اتكول على بتي قليل ترباية يعني انت ما مربيه
اني:لا والله ....
ام وجيهه:- هاا لعد اني جذابة هاااا
ابو سالم :- كافي وجدان
ام وجيهه:-راحت بس سممتني اكثر من كالت نزل ويدبج ..
اني دخلت للغرفه وسديت الباب فعلا اني نزل هيج كاعده بس لان ماعندي مكان اروح اله ضاله بيت العالم ومو بعيد ابو سالم هم ظغط عليه حتى ياخذني وهو ما طايقني ... كعدت ابجي بس حسيت شخص اجه كعد يمي وحظني ♡♡♡♡♡♡♡♡♡♡
باوعت لكيت فرح بنتي ونمت على حظنه الصغير  وسكتت. يمة بنتي كبرت وتواسي بيه طبعا هي سمعت كلام وجدان  الجارح .....
بعد ايام هم شفت نور تحاول تفتح رمز موبايلي . . . اني اجيت سحبته منه ورحت ..
دا اريد اروح  لغرفتي سمعت صوت وجدان تتوسل برجله يخليه تروح لأهله امه صحته متدهورة
سالم:-- ماكو روحه وحدج اني اخذج ساعه زمن وترجعين وياي لان مافارغ ...
.....
راحوا وبقينا اني وام داود نكرز حب بالحديقة العصرية
اني:- خطية ام وجيهه ليش ابو داود شاد وياهه شو انت تروحين ايام يم اهلج عادي بس هي؟؟؟
ام داود  ؛:- شكلج خليه سكته
اني:- شكو كولي اريد اعرف خطية يعني هي هم اهله ذوله
ام داود: - راح اسولف الج القصة بس لا تكولين لأحد كتلج
اني:- اكيد ماكول ..
ام داود ::-- ام وجدان اخت مرت ابوه سالم ازوجت واحد طايح حظه يشرب مو خوش ازلمه وولده طلعو عليه وحرامية وبس شابعه كتل ام وجدان من زهرت وجدان وصار عمره 12  اخوهه حاول يعتدي عليه وكوة امه وخرته عنه خافت من ابنه يسويله فضيحه
اني:- الله اكبر اخ يعتدي على اخته!
ام داود:- اي دومهم شاربين اعوذ بالله فخافت على بته شردته بيت خالته مرت الشيخ . ام سالم استغلت الفرصه من صار عمره 13 ضلت تلح على سالم ياخذه اعليه حتى تخلف اله . وسالم ماقبل بس من راد ابوهه ياخذه خاف عليه وستره واخذه اعليه .
اني:- هاا ابو سالم دومه بالخير سباق صدك من ما يعرفك يجهلك اني جنت ماخذه صورة غلط عنه ..
ام داود:-  اي  هو ماكو مثله . خطيه عشك وحده وياه بالجامعه بس اهله ما انطوهه الان مزوجني جان وطلبت منه البنيه يطلكني وهو رفض وضل ماقبل يكسر جناحي الي تطلك اهنا عدنا يعني مسوية عمله خو انه ما اجيب وما عافاني .
اني:- هاا ...
((سالم عنده شهادتين دبلوم و بكالوريوس  اخذه بعدين  )))
ام داود :- نرجع السالفتنا اي ابو داود مايريده تروح الهم الان مرة سيرت يمهم وكتلوهه وباكو ذهبة مو خوش اخووانه ...ابو داود يخاف اعليه واعلى بناته منهم ومايريد يوصلهم ..
اني:- الله يساعده وجدان على ذوله الاهل ..
.. رحت لغرفتي ورة اشويه اجتني ام داود
ام داود:- خية الحكي هاي بت وجيهه طلعت من الباب الخلفي وابو داود منبه اعلينه محد يعتبه
اني:- منيه منهن
ام داود:-نورة ام لسان
اني:- اروح اجيبه قبل لا يجي ابوهه يشوفه ..
لبست عباتي وطلعت الصراحه شكيت بيه لان اني من فترة شاكه بيه تصرفاته مو طبيعية ..
طلعت مشيت جان المكان كله نخل ضليت اتمشى كلت ليش ابو داود محرص محد يدخل اهنا . صدك من تقدمت عرفت السبب بيه ناس غرب تشتغل ونسوان هم شادات عبيهم ويشتغلن ... اني ضليت اباوع وامشي الى ان ابتعدت عنهم . هاي وين راحت ؟؟
......
دخلت ام سالم عليهم
ام سالم:- وين هاي مها
ام داود:-ها بالحمام )جذبت خافت منه )
ام داود :كولي الي شنووتردين اني اسويلج ؟
ام سالم:- انتظره
اجت وجيه :- ها حبوبة اشونج ؟
ام سالم:- اشوني زينه روحي كلي لمها تستعجل وتطلع من الحمام اريده بشغله..
وجيهه:-عمتي مو بالحمام شفته لبست عبايته وطلعت ..
ام سالم :- باوعت لام دواد والغضب بعيونه
ام داود صار وجه اصفر
ام سالم:- اجذبين اعليه ولج
ام داود:- مادري عبالي بالحمام ماشفته ..
اجه سالم وام وجيهه من بيت اهله
ام سالم تلكت سالم:- شوف مرتك وين طالعه وبدون ماتخبرني
سالم:-شنو
امه:-هاي مها وين هابده ها .
سالم:- باوع لام داود وكال وين مها؟
ام داود :- هاااا هسه تجي اشويه وتجي مادري ..
.....
تمشي بين الاشجار وصايره هوسه مال ورق
سمعت صوت نورة تكول حباب عوفني وتبجي
تخبلت ضلت تمشي على الصوت واخذت سعفه وياهه من الكاع .
لمحت ولد منحني على  نورة
كبل اجت تركض وضربت الولد على ضهره جان يدير وجه يطلع نفسه الي حاول يعتدي عليه
مها:- ايا ابن الحرام تعتدي على بت رب عملك انت واحد نذل
هو من شافه خاف منه وشرد ...
جرت نورة من ايده وراحت وطول الطريق نورة تبجي وتتوسل بمها لا تكول ..
دخلت مها للبيت من الباب الخلفي وجان تدخل صارت بوجه على الصاله شافه سالم وجان كاعد على اعصابه لان طالعه بدون ماتكول لاحد .
مها:- ها ههه جنت اتمشى اني ونورة بره
سالم:- اني كم حذرتكم لا اطلعون مناك؟؟؟؟
مها:- باوعت لنورة ودنكت وكالت اخر مرة
ام سالم تدخلت ام الرجولة شنو وين مدحمه بس لا اسوين سحر لأبني
اني:- سكتت
وضليت اسمع الرزايل .. واكول مرة جبيره . بس الي ضوجني سالم دخل لغرفته وعافه تهزء بيه
ام سالم:-- شوفي ولج مو عبالج اجيتي اهنا وتمشين على راحتج رجليج اكسره اذا طلعتي منا
اني:- مالج حق انت مو رجلي !!
ام سالم ماصدكت ارد عليه حتى تتعارك علت صوته وضلت اتكول أمثال  ماعرف معناهه
ام سالم:- اضاهر  الان ابوج ميت وامج ماعرفت اتربيج تدرين كلمه بكلمه
اني:- اهلي ربوني والحمدلله بس انتم تربيتكم غلط بغلط اني تعبت منج ومن تحكماتج عوفيني بحالي ونزعت عباتي من الغضب .سالم:- كافي روحي مها لغرفتج اني ردت اروح بس اذكرت شغله
اني:- صدك بعد منا وجاي مالج كلمة عليه عندي رجال اخذ اذنه انت شنو
سالم:- خزرني وكال كافي .
اني :- لا مو كافي انتم كافي حاطين بنات العالم وتذلون بيهن
سالم تقرب مني وكال روحي لغرفتج  بعدين نتفاهم
عمتي:- يا ذله متحمليج انت وبناتج على كلبنا اهلج ذابيج
اني :- اشكد انت ناكرة الله ياخذج يا ظالمة اهنا ماحست مها غير وكف معدل من سالم اجه على وجهه ..
ضلت لازمه خده ومصدومه
هو جره ودخله لغرفته....
اهنا ماي بارد ونزل على كلب ام وجيهه وام سالم بس ام داود انكسر خاطره عليه حيل سالم كلش ضاج وطلع من البيت .. اشون هيج فقد اعصابه وضربه ممتعود ابد يمد ايده على مرة ومنو #مها . اكيد مراح اتعديه وراح تروح لأهله مها عده عزة نفس وكرامة عمره ما شافه بمرة من اهله كعد على شجره نبك مكصوصه والهم واصل حده اكيد من يرجع مراح يلكاهه ولا يشوف طلته عليه ...
دخلت مها لغرفته واجته ام داود
ام داود:- اعليج الله لا ترحين لأهلج ونبي والقرااان ترة سالم عاشكج
اني:- جنت كاعده وساكته حتى دموعي خلصن .
اني:- اي يحبني ويموت بيه كل يوم مو.
ام داود :- ونبي ولج ياخية حتى بأحلامه يخروت بيج ولج هو كالي انه بيت أسراره
اني اتعجبت هاي مرته لو اخته لا وكاعده تكوله ولا كأنما سالم ما يخصه ؟ .
اني:- انت شنو من كلب عندج
ام داود :- ونبي بس ضميرة يخاف ياخذ مجان احمد وياخذه مرته اله
اني:سكتت ماحجيت شي وطلعت ام داود
اجت ياسمين بعد ما دزت عليه ام داود حتى تقنعني ما ازعل . بس اني ما قبلت اسمع احد جنت بوضع حيره من امري من عرفت سالم يبادلني المشاعر ...
ما طلعت من غرفتي والكل يعرف بس يطلع الصبح اروح لأهلي واعوف سالم ....