أبتسم لي

28

  ...
مها:- تعبت يمة اني كل يوم و ماخذين ترف ويخلوهه يوم كامل يمهم واني اضل الوج عليه
امه:- يمة ذوله هم أهلة وخطية هي من ريحة المرحوم .
اني:- اي يمة بس مو يوم كامل هي كل عمره سنة يعني تجيني شصاير بحالهه
امي:- شنو انسوي  هاي بيبيته أتاخره ..
......
بالليل جابو الي بتي فحطانه وجه اصفر . كعدت رضعته جانت ميته جوع ومشتاقه الي .. هي تشبه ابوهه حيل بيضه وضعيفه ونفس اعيونه من اشوفه اشوف احمد بيه ..
أذكرت اليوم الي أجاني خبر وفاته من رحت اهناك شفت أهله كلهم منهارين عليه وابو جاسم نام على النعش وكعد يبجي بحركه حتى عمي علامات الحزن والانكسار . الا سالم هو الوحيد الي كان طبيعي و متماسك . فاتحته كانت جدا ضخمه وعدهم أقارب ومعارف من  المحافظات واذكرت اخر مرة شفت بيه عمتي بالاربعين مال أحمد طردتني كدام الناس وتهمتني بموت أحمد . بعد من يومه ما عتبت بيتهم وبنتي من ولدته لهذا اليوم يهددون ياخذوهه . والحد الان اني اعاني من تهديدات ام سالم ... ....
..................
..بأحد العصريات
اجت علينا ياسمين والي موصله ابن احد اخوته والي عرفته منه محد يدري بطلعته ..

....
اني:- ياسمين قلقتيني يمعوده شكووو وشنو الموضوع الي لهلدرجة مهم خلاج تجين بدون علم أهلج.
ياسمين :- والله اني جاية انصحج واروح
اني:- خير حبي ؟
ياسمين :- هاي مرت ابو ام سالم تريد تاخذ البنيه
اني:- وشنو الجديد من جبته لهسه هي تهدد بس متكدر اصلا الحضانة الي ومنا من تكبر الله كريم
ياسمين :- وج عيني جاي تحش براس ابوي يرفعون قضيه وتكله انجيب اشهود يشهدون انج مو زينة وياخذون البت
اني:- يااا شنو من مرة هاي . وبعدين هم اكو ناس هيج متخاف من الله تشهد زور وتطعن بشرف الناس
ياسمين :- اي والج يم الافلوس ينعمون
اني:- بس عمي اعرفه ما يسويه
ياسمين :- هي من مده تلح عليه وهو ما يقبل بس هي اجته من درب كالت حلال احمد كله تاخذه هاي الغريبه . وهو مجان حاط بحسبانه يجي يوم و واحد غريب يجي ياخذ منهم من حلالهم فهمتي وعمي كال اشوف صرفه للموضوع 
اني:- ياااا
ياسمين:- جائز ما يسمع كلام مرت ابوي بس مراح يخلون ترف يمج ...
يا يمة شنو اسويه انه والله ماريد منكم لا حلال ولا حرام بس خلولي بنتي .. .
ياسمين :- ماعرف والله بعد
....... كعدت ابجي وخفت حيل اخاف هالمرة صدك ياخذوهه مني . ..
وصدك ورة يوم اجوي علينا كعده زلم جانو عبارة عن عمي الشيخ واخوته والاوده .
وطبعا اني ماعندي غير أياد أستقلبهم غلبو بالحديث بعد اولاد عشائر واكبر وافهم منه .
وطالبو بالبنت .. ياخذوهه .
خلصت الكعده بس ما جابت نتجيه اني متمسكه بتي وما اتخله عنه ... 
بعد مرور شهرين ...
رحنا كلنا لكربلاء زرنا وندعينا ورحنا مناك لبيت خالتي نضل يومين يمهم ونرجع .
واني طبعا ما شبعت من الزيارة ثاني يوم رحت زرت والتقيت بصديقتي ميس الي ما انقطعت وياه ضلينا نتواصل بالتلفون ...
..
خلصت الايام بسرعه وجانت الليلة الاخيرة النا في كربلاء جنت نايمه رغد ومرتاحه لان زرت . الساعه ب 1 بالليل  اجه تلفون لأياد من البصرة قلب حياتي رأسا على عقب .... يتبع