أبتسم لي

30

سالم :- لازم اعقد عليج
اني: هاااا
سالم : لف عبايته عليه : ودعناكم وراح
واني ضليت واكفه يم باب البيت متخذة وضيعة الصدمةةةة وفاتحه حلكي عشر امتار .
دخلت للبيت
امي:- يمه تروووفه تعاي يروح بيبي وحظنته
اني ناوشته الطفله وكعدت يمه وبعدني مصدووومه
امي:- منو جابه واشون
امي:- مها منو جابه
لا اجابه
امي:- مها منو جابه الطفله واشبيج ولج احجي
امي:- مهااااا
اني:- ها يمه تحجين وياي
امي:- ولج منو جاب الطفله
اني:- ابو داود
امي:-يااا صدك
اني:- اي
اجت منى
منى:- يمة تروفه حبيبة كلبي اشونج منو جابه؟
امي:- عمه ابو داود
منى:- عااا اجه بنفسه وجابه واشلون قبلت امه .
مها:- اخذي الخبر القنبلة لعد
منى:- شكووو
مها ابو داود خطبني!!!!!!!!!!!!!!!!!!!!!!
امي ومنى بصوت واحد :- عليج الله
اني:- مالجن عليه حلفان هو اني ما مصدكه اجوز اذني سمعت غلط لا لا مستحيل لا وانوب كاله ومشه شو يقهر
منى:-صدك وين كاله
اني:- يم الباب
امي:- يا بله هاي شغله تنحجي يم الباب وهيج هم
اني:- يوه ماعرف دخت .
.....
ثاني اجت اخته الي خطبتني اول مرة لأحمد ووياهه ياسمين ..
اخته: - شوفي ام علي اني راح احجيه مثل ماهيه
امي:- اتفضلي بعد عمري احجيه
اخته:- احنه جايين ناخذ بتنا مها للمرة الثانيه . 
الان احنه عاداتنا وتقاليدنا اصلا توجب بعد ما يتوفه واحد منا اخوه ياخذ مرت ويراعي جهاله لو ناخذ الجهال ما نعوف بزرنا ابد ..
امي:- واذا البنية رفضت
اخته:- والله ياخيه احنه مانريد نفول بالشر بس اذا رفضت تصير بينا مشاكل منا من ناخذ الطفله .
امي باوعتلي وسكتت اني كمت للمطبخ والله ما اخذ سالم لو هسه الارض تنطبق على السما هم مزوج وهم عكرررررة هذا يحكمني يدمرني . وهو اخو احمد اشون مجرد اتخيل اني مرته اشوفه زحمة حيل ..
ياسمين استأذنت واجت وراية
وعافت اخته تقنع بأمي ..
ياسمين:- اعرف الموضوع صعب عليج وهو اخو المرحوم بس ابو داود كلي رساله لازم اوصله الج ..
اني:- تفضلي
ياسمين:- قبل ما يتوفى احمد باليوم الي انت اجيتي شفتيه وباليلة توفه هو بده يوصي سوده عليج عرفت منيته .
اني:- اااه الله يرحمه
ياسمين:- وصه ابو داود عليج وما يعوفج واهله والعادات والتقاليد مراح تعوفج بحالج وخاصه حلال احمد ونصيبج ونصيب ترف مستحيل يفرطون بيه .
وراح تعانين وانت مالج احد ابو داود يكول زواجنا مراح يغير شي وهو راح يعتبرج اخته ويحميج انت وبناتج وما يخلي احد ياخذ حقكم لو على موته . وانطى كلمته ماله علاقه بيج كزوجه اذا وافقتي ترجعين تعيشين مثل ما احمد جان عايش وبمكانج . 
اني:- هههه يم امه حتى تكتلني
ياسمين :- الله يخليج وافقي الله يخليج علمودي هم والله اذا وافقتي ماتعرفين اشون تفيدينا كلنا
اني:- اشون؟
ياسمين:- وج امي تموت على سالم عده يسوه ولده كلهم بصفحه وهو بصفحه  اذا اخذتيه والله تنجلط تره هسه احنه جايين بدون علمه
اني:- هلا واني اوكع بيه وهو حتى يخاف يكول اله هههههه تهي بي
يتبع