أبتسم لي

45

مها:- عمه؟
عمته:- معرفت شنو تكول .....سكتت بعده كالت
من دون النسوان كاعدة ليش حتى النسوان راح تعاينج ...
سالم:- روحي مها للمطبخ ..
مها:من خوفه من سالم رادت تطلع للمطبخ كبل
سالم:- مهااااا
مها:- انتبهت على روحه بعده بثوبة االاحمر!!!
لبست شي فوكاه وطلعت ..
سالم كام من مكانه وحط ايده على متن امه وكعده بصفه ..
سالم:- يمة شنو هذا الأسلوب ؟ هي هم بت ناس .
امه:- والله شسوي يا يمة هي ما تسوي شي!!
سالم:- يمة الكلمة الطيبة صدقه لو تعامليه بطيب يايمة هي من ذاته تسوي الي ترديه ..
يا يمة بنات الناس مو خدم حتى نأمر وننهي ..
امه:- اوف هاي صدك ساحرتك هو اني شنو كتله بعدين اعرفه هاي ماتمشي الا بالعياط والخوف..
سالم:- تنهد عرف لو كعد يحجي منا لسنه امه ما تغير رايه ...
...............
على العشاا تعمدت مها تكعد هي بصف سالم ...

مها شافت ام وجيهه كلبت وجه
مها همست:- من رخصتج ام وجيهه اريد ارفع ضغط عمتي اليوم ..
ام وجيهه:- يا ههههههههههه واللله طلعي الضيم الي عيشتنا بيه
ام سالم:- شنهو توشوشن اكلن واسكتن وتباوع بحقد لمها ..
ومها ابتسمت بتوتر 
طبعا مها من فترة منتبه على سالم دائما يجنب الأكلات الثقيلة والدسمة على العشا ويحب ياكل شي خفيف لان يعاني من الجالي ...
جان يشرب شوربه .
مها:- ابو داود ليش تاكل شوربة تعرف العدس عدو للمثل حالتك بدون أستذأن وخرته من كدامه وانطته ماعون زلاطته عبارة عن خضروات
مها:- اكل هاي اليوم وشوف اذا عانت معدتك الليله
سالم :- اكل من الصحن الي انطته اله مها ..
ام سالم:- انتي ماتعوفين الرجال بحاله هااا شدخلج .
مها:- ها اسفه ودنكت فشلته عمته .
سالم:- عاش ايدج طيبة حيل وأبتسم بوجه مها
مها باوعت بحب
سالم:- ♡ باوع اله بنظرة حب وكمل اكل ..
ياسمين همست لزوجه :- شوف وتعلم ماعون زلاطه وتشكرهه وانت مسويه انه جدر دولمه ولا عبرتني بكلمة
زوجه:- من ادللين عود اكعد اتغزل بيج اخوج اشبيه هيج يباوع اله ، ما شايف نسوان
ياسمين :- ليش هو هم جان عنده نسوان
ام سالم:- وبعدين اكلو وانتم ساكتين لا تشارون.
.....................................
كالعاده سالم راد يطلع ويه جماعته ..
اخذ موبايله على ميز راد يطلع . دخلت مها توه جانت جايه من بيت الجبير جانت تغسل مواعين وتعزل . اجت فحطانه نزعت حجابه و الصاية وطلع ثوبه الاحمر البيتي ..
دا تعلك صايته .ماحست غير على ادين تسحبه وتجرهه ....
جرهه سالم لحظنه .. حظنه هي اقصر منه وضمه بين اديه وعلى صدره وشم بشعرهه
سالم:- وخرهه عن حظنه بهدوء وباوع بعيونه. انحنى عليه
مها:- بعدته عنه بهدوء وما سمحت لضعفه يغلب عليه ..
سالم:- ؟
مها:- راح تروح؟ تصبح على خير
سالم:- وانت من أهله . وراح مع أصدقائة واخوته بس ضل فكره مع مها ليش رفضته ؟
سالم:- يلا يا جماعة اترخص اني
صديقه:- وين الكعده بعده بأوله
سالم :-والله مرهق اعذروني
ابو جاسم:- سهره الي يسمعك سهرتنا بيه شرب ونسوان وبعده ما باديه هههههه دعوف الرجال يرتاح .
سالم:- يلا في امان الله ... ... .
.....
فتح الضوة لكاهه نايمة نام بصفه وضل يباوع على تقاسيم وجهه وهي نايمة مبين عليه التعب والهم ... الى ان غفى ...
باليوم الثاني كان اخر يوم دوام لمها وبعده تبدي العطلة الكبيره .. راحت للدوام ورجعت للشغل والكراب اذا قبل تشتغل جانت بالبيت الجبير هسه صار عده بيتين هي تكرب بيهم ... مها شكوته مو من العمل بكد ما تضوج من الظلم يعني عمته وصل بيه الظلم تكعد جناته الثانيات عن شغلهن واسلمه لمها المسكينه الي هم عده اربع بنات دوم مشغوله عنهن. .
صحيح عمه منع عنه الخبز لكن طلعته من عينه عمته
......
بالليل سالم كاعد يباوع  بالموبايل مشادات سياسية .
مها دخلت وكعدت بصفه ..
مها:- سلومتي ..
سالم:- مارد
مها:- سحبت الموبايل منه
سالم:- رفع حاجب ونزل الثاني وكال جيبي مها
مها:- بالله انت صدك تحجي تباوع لأثنين يتعاركون اريدك بموضوع
سالم:- خير كاله بعدم رضا
مها:- اريد قنفات للبيت اريد نغير الاثاث كولش محلو وغير متناسق وقديم
سالم:- اتفاهمي بهاي الامور مع الاخريات .
مها:- ضحكت عليهن ااا اقصد اتفاهمت وياهن وقنعتهن نغيره وهنه وافقن ... (تقصد ضراته)
سالم:- اخذ الموبايل اي غيرن .
مها:- اي بس التغير هذا بحاجه الى تمويل ..
سالم:- باوع اله  وكال تم  ورجع يباوع للموبايل
مها:- اي بس بقت شغله ..
سالم:- وهي
مها:- واحد شيخ حباب يبدي اسمه بحرف السالم ياخذني للمعرض واختار الاثاث على ذوقي
سالم:- باوع اله بطرف عينه وكال:- لا ماكو طلعه للمعارض
مها:- بدلع:- أهي أهي ما ما حباب
سالم:- وبعدين اليوم
مها:- ما عليه تاخذني حباب ما 
سالم غلس عنه
وهي ضلت تلح ساعه وهو طنشه  ..
مها: لو اروح وياك لو ما نغير كولشي  والغي الفكرة
سالم ببرود : يكون احسن تغليه . وعينه على الموبايل
مها:- اهى سالم يعني نضل نكعد ع الجلسات والله محلوات وبعدين شوف رجليناتي اتصبغن شوووف ورفعت ثوبه وطلعت سيقانه
مها:- شوف ركبي راح اتصير سودة من كعدت الارض شوف وضلت ترفع بثوبه
سالم:- حك لحيته وكال اذا يرفع بعد اكثر اخذج
مها:- هههههه ورفعت ثوبه لزره
سالم عاف الموبايل .. و.
مها وخرت عنه ابسرعه طفرت اخذت شاله وشردت ....
ب 11 بالليل الا رجعت للغرفة عباله  نايم
انطرحت بصفه ونامت وماتحس غير بسالم حاظنه من خلف ..
مها: - بعدك كاعد
سالم:- ماكدر انام من غيرج كاله بهيام وشوگ..
مها:- شبسرعه تعودت عليا
سالم:- ليش تبتعدين عني ؟
مها:- ما اريدك تطردني مرة ثانيه كافي قربك مني هذا كافي ... وندارت عليه .
وحظنته ... سالم ماكدر بعد و ...
طلع سالم من الغرفة والغضب يملي وجهه والسبب امتناع مها عنه وراح صب غضبه ! وشوگه !!بغرفة ام وجيهه ....؟
ضلت على هذا الوضع مها وسالم بدة صبره ينفذ .. ...
اخذه وراحوا اختارت الاثاث على ذؤقه ووصت على ستائر وفرشت البيت على ذؤقه .. صار حلو حيل ويدل على رقي صاحبة او ملكته  ... حتى المطبخ غيرت منه . ... .. ...
....
سالم  قرر يسافر مع أصدقائه الى أيران وهم شافه فرصه يتحرر من سحر مها عليه ...
...... وفعلا سافر سالم وزرع القلق بگلب مها تعرف عمته راح تراويه النبي العربي ... 
......
... مضى اسبوع على سفر سالم .. وضراته ايسنه من رجعته كالن اله هو دوم من يسافر ينسى نفسة ويضل اهناك ويمدد السفرة تعجبة الاجواء ما يعرفن هو جان يشرد عن واقعه وياهن  ....
........... سالم مكدر يتحمل اكثر اول مرة حس بالغربة وهو مسافر . ......... 
جانت مها بالحمام الساعه ب 10 بالليل لان حارة وجانت ملطوعه تكرب عمته مكلفته تنظف البيت بالليل . فمن خلصت راحت تسبح ...

.دخل سالم للبيت جان هدوء عرفه منه الكل نايم . دخل لغرفته لكاهه فارغة ؟! باوع للمكتب مالته متغير مكانه والبرده هم متغيره حاطه وحده لونه بيجي على حليبي حلوة حيل وراح باوع على تعلاكه الملابس شاف معلكه ثياب نومه بصف دشاديشه وگلبياته البيتية باوع شاف ميز ابو المجرات بصف ميز التواليت عرفه مخصص للمكياج مالته    وعطورهه بصف عطورة اخذله شمه من عطره بعده عافه وراح شاف ثوب محطوط على السرير ...
...
اما مها كملت رادت تلبس اذكرت هي ناسية ثوبه على السرير ..يبووو كالت اشون ارجع للوسخات كلهن ريحه عرك يبوو احسن شي الف نفسي بالمنشفة واركض للغرفه مااجه على باله بلحظه سالم راجع من السفر هسه! بعد ماكال لأخوته اضل شهر ...
راحت تركض فتحت الباب . بهاي الاثناء جان سالم لازم ثوبة ويشم بيه ومغمض اعيونه يستنشق بعطره من خلال ثوبه وووو هي فتحت الباب بطرك المنشفة ......
يتبع