أبتسم لي

13

اول ما دخل رفعت راسي وانسندت على المخدات وهو طفى الضوة واجه يمي وتغطى اني اتقربت منه وحظنتة من خلفه لان منطيني ضهره!؟
هو:- مها
اني:- هاا
هو ::-- انتي........ ودار وجه عليه
اني :- اني شنو
هووتقرب مني و و و
فجاء حسيته اختنك  طفرت علكت الضوه وجبت اله ماي كوة شرب واشر ع المجر فتحته احتاريت شنو يريد مافهمت هو كام واخذ شريط حب وبلع حبايه ويفرك بصدرة من جه قلبه اني حيل اخترعت عليه اتقربت منه وكتله خير احمد بيك شي ؟؟؟
احمد شو وخر ايدي عنه بغضب ورجع نام
وانطاني ضهره ....
اني كله الي فهمته هو عنده عجز ......
انطيته وجهي ونمت بدون ما احجي شي ........
ثاني يوم الصبح كعدت ما لكيته ..
طلعت اشتغل ....
بالليل ما طلعت من غرفتي للعشا كنت حيل ضايجه واريد ارجع لبناتي ماريد لا زواج ولا شي .
......
ياسمين اخت سالم الي كاعده يمنا هي ورجله :- دكت عليه الباب ودخلت
ياسمين :- ها مها تعاي يلا ناكل
اني:- ما اشتهي
ياسمين:-اشبيج مها انت باجية؟؟
اني لا ما بيه شي
ياسمين:- بعدج عروس ما صارلج يومين وتبجين
اني:- اشتاقيت لبناتي ..
ياسمين:- كله يومين ويجن يمج . يلا غسلي وجهج وتعاي ناكل ....
اني :- لا ياسمين روحي انت اني ماريد ..
حاولت وياي ياسمين وبعدين راحت ..
الراوية : :------- كولهم كعدو كالعاده يتعشون
مرت ابو سالم الثانية :- لعد وين مرت احمد
اهنا سالم جان كاعد ونسوانه يمة انتبه صدك مها ماكو
ام سالم:- ها ياسمين مو كتلج صيحي اله .
ياسمين : كتله وهي كالت ما اشتهي
ام:- سالم شنو هاي جنه راح اتعبنه احنه ماعدنا نسوان اضل بغرفه الكل يطلع من ينصب الاكل ..
سالم:- عوفوهه على راحته يوم ....
وسكتوا وكملو اكلهم .....
اني جنت نايمة واحس شخص يلعب بخصلات شعري القصير كعدت شفته احمد كمت انسندت على المخده .
احمد:-- ها مها
اني:- شنو
احمد:- ليش ذبلانه؟
اني:- مابيه شي
احمد:-- مهاا
اني:- هاا
احمد:- لعد ليش وافقتي اذا مكدرتي تتحملين
يومين؟؟
اني:- اتحمل شنو ؟
احمد:- انت مو كلتي اهلك فهموني حالتك
اني:- اي وشنو يعني
احمد:- ليش ضايجه هسه انت تعرفين وضعي من البداية ؟؟؟
اني:- عن اي وضع تحجي انت اشبيك ممكن افهم؟؟
هو:- خاف وباوعلي بأستفهام شنو شنو انت محد فهمج عن حالتي الصحية؟؟
اني:- ها اي كالو الي انك عقيم !
احمد: شنوووو
اني:- اشبيك
احمد:- اني مو عقيم
اني:- ها لعد؟!
احمد:- اني عندي ضعف بالقلب حاد واقل اجهاد اتعب ...
.اني:- شنو اسم الله
احمد:- لا تكولين اختي من اجتكم ما فهمتج ؟
اني:- لا عبالي مابيك شي غير العقم .
احمد:- اهنا ابسرعه عافني وطلع معرف وين راح
......
احمد من عرف باخته ما كايله للمرة شي راح لبيت اخته وحيل معصب جان بينهم بس بيتين
دك الباب وفتحو اله دخل لكه سالم كاعد يسامر ويه رجل اخته بالحديقه
احمد:- السلام عليكم
سالم ورجل اخته :-- وعليكم السلام هلا بابو شهاب تعال اتفضل ويانه ..
احمد:- لا اريد احجي ويه ام حسن (يقصد اخته الجبيره)
ابو حسن زوجه:- ام حسن يا ام حسن
اجت ام حسن ها
شافت احمد كاعد ويه سالم واعصابه فايره
ام حسن :- هلا بأحمد
احمد:-- اني شنو كلت ام حسن اني مو طلبت منج تصارحين الناس بكلشي ..
ام حسن فهمت قصده وباوعت لزوجه وسالم الي استغربوا عن شنو يحجي احمد
ام حسن:- ها شنو هي كالت الك
احمد:- اني الي اريد افهم ليش البنية اليوم استغربت من عرفت هااااا
ام حسن:- والله ابويه وامي همه الي طلبو مني هيج اسوي وبعدين انت تعرف ابووك  ما يقبل احد يعرف بسالفة مرضك
احمد:- وتخدعون الناس؟؟؟؟
سالم:- شنو البنية متعرف بحالتك؟؟
احمد:- لا شايف بالله سوالف ابوك فوك ما جبرني ازوج واني منتهي لا و خادع بنات الناس  همين ؟
ام حسن :- الله يخليك نصي صوتك
احمد:- اني باجر اطلكه للمرة
ابو حسن :- اهدء احمد مو هيج تحل الامور
احمد:- صاح بصوت عالي لعد اشون فهمني اعوف بت الناس تنظلم وياي
ابو حسن؛:- اهدأ
احمد:- ما...
قبل لا يكمل
سالم كال:- أحمد... اكعد كافي اركز ولا تعلي صوتك على الي اكبر منك كاله بصيغة امر واحمد صدك هدأ وكعد
سالم:- شنو اطلك وانت ما صارلك يومين مزوج ؟ ها شنو يكولون الناس على بت الناس ...
احمد:- لعد شنو اسوي
سالم :- حك لحيتيه وكال الحل الامثل انك تصبر فتره وتخليه وياك وتفهمه بعد هاي الفترة اذا رادت هي تنفصل تنفصل بس مو هسه سمعته تتأذى......