أبتسم لي

17

اني انتبهت على روحي ثوبي لازك عليه من الماي لفيت روحي بعباية ابو دواد وام وجيهه جابتلي عباتي لبسته ...
اهنا احمد  كال يلا خل نرجع صدك رحنا اني و احمد..
نزلت وكبل رحت لغرفتي نزعت عباتي وعباة سالم ، ضحكت كلت بعد شريد اني  الشيخ سالم بجلالة قدره انطاني عباته  سبحت وغسلت العباية مال الرجال
.............. ومرت الأيام.......
أحمد:-- مها عندي الج خبر
طبعا اني جنت كاعده واقرة برواية ومن اجه سديت الكتاب وانتبهت اله
اني:- شنو خبر مفرح لو محبط؟
احمد: - راح نروح لكربلاء
اني:-صددددك
احمد:-اني وامي وابوي وياسمين
اني:واني
احمد:- انت عندج امتحانات واحنه اهناك نتأخر فد اسبوع نضل عد كرابتنا
اني:- عااا حباب حباب اجلوهه بعد الامتحانات
احمد:- لا ماكدر وابوي ترة مرايح بس يزور عند كيعان اهناك وهسه موسم حصد البرتقال نريد نصدر منه للمحافظات وانشوف شغلنا  اهناك ..انت ضلي اهنا اني كلت لام داود راح اضلين يمهم الآن  زوج ياسمين راح يضل اهنا ما يجوز تبقين يمه ..
اني:- ليش هيج اروح يم اهلي  افضل...
احمد:- امي ماتقبل
اني:- وامك شنو دخله الله يخليك خليني اروح يم اهلي اخذ راحتي اسبوع اهواي عليه
احمد:- مها ماريد مشاكل ويه امي
اني:- بس اريد افهم انتم ليش تخلون امكم تدخل بينا ؟؟
احمد:-لانها امنا وجبيرة البيت وهذا الموضوع منتهي ماعدنا مرة اضل يم اهله كل هاي المده
اني:- بس انتم بكل الاحوال مو اهنا بدال ما ابقى يم بيت اخوك اروح يم اخوية مو احسن
احمد:- اخوي اخوج هم
اني : بدلع ما ما حباب
احمد:-كافي مها الموضوع انتهى لا اكبيره
اني:- لا ما انتهى هي وحده من الثنين يا اقنعك يا..
احمد:- ياشنو
اني:- يا اروح حرك كيعانكم
احمد:- هههههه مها نامي كافي
اني :- احمد لا فدوة اكعد خل نسولف
احمد :- اريد انام تعبان
اني:- بگلبي :-هف ياربي يعني هذا سالم بالمدرسه وبالبيت اشوف وجه العبوس والله ينطيني طاقه سلبيه ..
بعد يوم احمد تحضر مع أهلة وراحوا لكربلاء طبعا عمي الي يسوق الان احمد عند قلب مو مال اماكن طويلة ....
اني :- الصبح رحت للدوام والضهر رجعت مهدود حيلي ..
دخلت لبيتنا غيرت ملابسي   . واخذت بناتي ورحت لبيت ابو داود .
اني:- السلام عليكم
ام داود:- وعليكم السلام هلا بيج بينا
صدك رحت وياهن بمطبخهم صبينا اكل همه ما يصبون مثلنا كلمن ماعونه يحطون التمن بصينية وفوكاه المرك وكلنا سوة بس دوم الاحظ سالم وحده بماعون واني هم جنت دوم اعناد عمتي واصب واكل بماعون وهي كلش اضوج مني
كعدنا على الاكل اني الصراحه مسوية جدول غذائي مع ست كفاح حتى نضعف ونرشق نفسنا .  ..
ام وجيهه:- وهي تاكل:- هاي شنو ام فرح شوو تاكلين زلاطه بس
ام داود :-يا اخاف ماعجبج اكلنا؟؟
اني:- لا والله بس مسوية دايت
ام وجيه:- شنهو تايت ؟؟؟؟؟
وجيهه:-ههههه يمة يعني حمية هاي الي دوم اكلج سويه وما اسويه
ام وجيه:- يااا وانت منيلج دكلي اكلي
اني:- اها عمود احافظ على جسمي وهم صحي اكثر النظام ..
اهنا سالم كاعد بس ساكت كالعاده واحسه اصلا ما يسمعنا ومو يمنا باله ..
لهذا اخذت راحتي
ام وجيهه:- والله انت بطرانه اصلا ما يبين عليج مخلفة اتلاث بنات
اني:- لا وين اصلا اعاني من التشققات وعدني احمد اول ما نعطل ياخذني ليران اعالجه . 
ام وجيهه فتحت حلكه :- ياا هاي هم اله علاج
اني:- اكيد ...
...................................
العصر اني كلشي ماعندي كاعده وملانه
خابرت كفاح
اني:- ام اديان اشونج
كفاح:- هلا ام فرح زينه الحمدلله انت اشونج
اني:- والله زينه بس ملل
كفاح:- والله اني هم جنت مثلج بس سويت حساب بالفيس واشويه اقضي وقتي بيه
اني:- اها سمعت بيه بس احنه ماعدنا شبكه؟
كفاح:- واني هم بس اكنك على الشريحه
اني:- صدوك يصير
كفاح:-خايبة انت وين عايشه بس فهميني
اني:-هههه بروح ابوج ارسلي الي الطريقه برساله
صدك فعلت على الشريحه بس الي عصا عليه حساب الفيس . 
اهنا كعدت يمي وجيهه
وجيه:- عند صديقات بس ابوي ما يقبل اسوي واحد
اني:- بكلبي اي هو ابوج العكرة وين يوافق هذا لو بيده يدفنكم بالحيا
اني:-هف معرف لازم انتظر احمد يسوي الي واحد
وجيهه روحي لبوي يسويلج يعرف
اني:-عااااااااا ابوووووج يعرررررف ههههههههههههه وتردين اني اروح لا عمي ماريد شوديني لبوج يخوف
وجيه:-ماتت ضحك :-ترة ابوي كلبه طيب والله
اني:-ها اي اني ما كلت شي
يومه كال ابوهه كال
..... بالليل شفت زوج حماتي الوسطانيه بالحوش كاعد ويه سالم ..  اني اخذت الجاي وموبايلي ورحت سلمت وقدمت الهم الجاي . 
اني:- ابو ايمن ممكن طلب
اهنا سالم باوعلي وصارت عينه بعيني اني متت خوف منه الان اشون اطلب شي واني كاعده بيته لازم هو الي اطلب منه ...
يتبع