أبتسم لي

48

مها نايمة بسابع نومة الا اجة سالم من برة ..
سالم:- همس مهاا
مها:- ....
سالم:-مهاوي
مها:- بصوت ناعس سالم؟
سالم:- نام بصفه وحظنه تعاي حبي بحظني انت اشون تنامين بدوني؟
مها:- سالم!
مها:- صارلك أسبوع بس يمي واني اعتبرته أسبوع عسل ... بس من اليوم لازم تسوي جدول كل يوم وحدة ....
سالم:- جدول؟؟
مها:- اي حبي اني احبك وعلى عيني بس شسوي
سالم:- هو كلامج صحيح ومن باجر نبدي نطبقة
مها:- لا من اليوم ..
سالم:- مهااا كلت باجر
مها:- واني كلت اليوم
سالم:- مهاا
مها:- زمن المزاجيات انتهى عيني دومك عايفهن خطية ذني هم نسوان ويحسن وترة ام داود مرة كالت الي اني مااحس بنفسي مرة!!
سالم:' صدك
مها:- اي حبي والمرة ماتكول هيج الا اذا ماتعرضت للأهمال وانت تعرف بحالته كافي عليه محرومه من الأمومه هذا وحده كافي عليه .......
سالم باسه من راسه وراح .. هو طول عمره يعاني من الناحية العاطفية وابد ما مقتنع بزواجته ولا اكو توافق فكري يجمعه بيهم لهذا عاش طول عمره يحاول الهروب من الواقع ... ونسى هنه هم نسوان ويحسن بالفقد والاحتياج .... .....
ومن ذاك اليوم وابو داود عدل بينهم كل ليلة عند وحده ........ وحبلت ام وجيهه للمرة السابعه ......

....... بعد مرور أشهر .

تنهدت مها وهي منحنية تمسح الارض الي مسحته قبل ساعه لكن عمته ماعجبة وطلبت منه تعيد للمرة الثانية رغم علمه بوضع مها الصحي بعد الحمل .......
رجعت لبيته بعد ما خلصت جانت حاطه ايد على خصرة وأيد على بطنه الي بدت تتكور وتنفخ بعد دخوله للشهر الرابع ... سمعت صوت اصياح وجدان ومن الخبصة عرفت مها وجدان دا تطلك ...
مها:- ام داود ها بشري راح اجيب
ام داود:- اي جنه هيج
مها:- اها لعد حخابر ابو داود يجي ياخذه للمستشفى .
ام داود:- هههههههه لا دزيت نورة للحبوبة ام احلام
مها:- ها راح تولد اهنا لعد ؟
ام :- اي ماعدنا نسوان اجيب بالمشستفيات
مها:- هههههه مستشفى مو مشتفسى يمعودة ههههه
اهنا دخلت ام سالم
ام سالم :- ها راح اجيب
ام داود :- اي عمتي نشدت على ام احلام على جية .
واجت القابلة ودخلنا اني وام داود وعمتي حشرت نفسه كعدت على كرسي على صفحه واني وام داود لازمات وجدان
وجدان:-الحكوووني راح اموت يمه الحكيني
مها:- سهلت ما بقى شي
القابلة:- يلا يلا يلا مابقى شي جري نفس واعصري
وجدان:-ياااااابويييية
عمتى:- وجع حتى وجع فضحتينا الله ياخذج راح يختنك الطفل اطلكي مثل النسواين
اني:- عمة مو هيج
عمتي:- انجبي واسكتي انت الثانية
وضلت عمتي كاعده فوك راسنه كلشي ما اسوي غير تغلط على المخلوقة ..
القابلة:- طلع طلع وبدت تظرب باخلفية الطفل بعد ما قطعت الحبل السري لكن الطفل ما يصرخ الجدة انطت الطفل الي . وضلت تحاول توقف النزف وجدان جانت تنزف بغزارة بعد ما ولدت ...
اني:- عمة هذا الطفل كوة يتنفس
ام داود:- ياالله ولد بس ليش ما يبجي ضلت تحاول تضرب بيه
اني :- كافي كافي حطيته على السرير وضليت انضف بيه بس جان ازرك وماعرف اشبيه
اني: - ياربي الطفل اخاف شارب ماي ماعرف اشو جنه مختنك
عمتي:- كامت لا ما بيه شي واخذته مني
القابلة:- اتصلو بالأسعاف لو احد يجي ياخذه للمستشفى هاي تنزف
عمتي:- ياا شدعوة انت انطيه شي يوكفه كلشي مابيه
اني طلعت من الغرفه وجبت موبايلي من الغرفه واتصلت بسالم
اجه سالم يركض اخذناها للمستشفى جانت شبه الغايبة عن الوعي جنت كاعده يمة وام داود كاعده بالصدر بصف سالم وشايله الطفل اخذناه ويانا
ام داود:- الحكوني احس الطفل صار مثل جذع النخل يابس ما يتحرك
سالم :- باوع اله ومد ايده عليه حطه على صدرهه ...
سالم:- لاحول ولاقوة الا باله انا لله وانا اليه راجعون
اني:- شنو مات!
سالم ما حجة شي بس حسيته كوة يسوق واعيونه صارن حمر الطفل الي انتظرة أسنين راح منه والسبب اه من السبب عمتي الي خلت المرة بس تكرب من عرفت بيه ولد والكل فرح بيه ماعرف احسه تغار منا على سالم حيل ولده البقية ما تعامل نسوانهم مثل ما تعاملنا .. من الكراب الطفل نزل والدكتورة كالت اذا تردين تولدين بموعدج عليج بالراحه . بس عمتي مارحمت بحاله من يطلع سالم تبلش تكرب عليه واذا عاندت ام وجيهه وخالفته تضل اتلف قصص وتزعل على سالم . فقبل ايام الدكتورة كالت راح اتولدين هليام عندج اعراض ولادة وهي خطيه صارله يومين تلوج سالم كال بس تريد تولد كلولي اجي اخذه للمستشفى . بس هاي عمتي حلفت ام داود اذا ما تجيب اله القابله تطرده . والنتيجه الطفل مات وهي هم مانعرف شنو مصيره من تطلع سالمه وتعرف ابنه الي تنتظر شوفته راح ............
....
وصلنا للمستشفى ...
اخذو منا الطفل .. كان فعلا ميت ...
ضلينا ننتظر اي ممرضه او طبيبة تطلع من الغرفة الي بيه وجدان ..
طلعت الطبيبة
الطبيبة:------ زوجه او اي حد ولي امره موجودة
سالم:- طمنينا دكتورة اني زوجه
الطبيبة:- المريضه عده تمزق بالرحم نتيجة ضغط على بيت الرحم اواجهاد والنزيف مراح نكدر نوقفه الا نعمل عملية قلع للرحم ...
الطبيبة كملت كلامه دفعه وحده لسالم الي واكف والي بيه مكفية ...
سالم:- سوة الازم حتى تكوم وجدان بالسلامة .
الطبيبة: اذن انت موافق نجري العملية ؟ لعلمك حالته خطرة حتى بعد العملية!
سالم:- بتثاقل كال:-اي المهم سلامته..
الطبيبة:- تعال وياي حتى توقع على التعهد ...
.........
احنه اجه ابو جاسم رجعنا للبيت وبقى سالم وحده يمه كال ماكو داعي لوجودكم .. وكريم اخذ الطفل دفنه ..
....
اني رجعت للبيت ميته من التعب والحزن على حال وجدان هاي بت الريف اذا تعرضت لوعكة صحية محد يصدك الا تموت ..... .....
الساعه ب 10 بالليل اجانا اتصال من سالم خله صرخاتنا تدوي على وجدان الي التقطت انفاسه الاخيره وهي بالعناية المركزة ...
... ام وجيهه المرة البدينة الي من سمات وجه تنعرف طيبته وعفويته . تتعارك وياي ورة ساعه تجي تحجي وتنسى العركة تغار مني على رجله وتسوي سوالف النسوان التضحك و ورة اشويه تجيني تشكيلي من زوجه وتطلب نصيحه . ينضحك عليه بكلمتين ... بكل كتر بالبيت اله حس وبكل مكان اله ضحكه بيه ..وكعدته بالحديقة وهي حاطه الاكل وتاكل ووكفته على الطباخ وهي تكلي كلشي بالبيت يحمل ذكرى لوجدان ..... ..
ثاني يوم الصبح الدفنه وانصب اول يوم لعزة ام وجيه ... طبعا همة بهاي الامور ما شاء الله من جانت عايشه محد بحاله مثل هذا اليوم . جان يوم مرهق ومتعب حيل .. وما شفت بيه سالم .. ابد . ضلينا اني وام داود نظم حزنه وادموعنا حتى نكدر نواسي بنات وجدان الاكبار انتهن من الحزن ووجع الفراق ...
بالليل طلعت ادور على سالم ابد ما شفته ..
شفته واكف يم الشجرات الي جانت زارعتهن وجدان . اني اجيت من خلفه وحطيت ايدي على متنه .. هو من حس عليه حسيته مثل الي مسح ادموعه لان جنت وراه مااشوفه زين
اني:- ابو داود ليش اهنا تعال لجوة نام انت تعبان وباجر وراك هم تعب ..
سالم مارد
اني وكفت كباله وشفت اعيون ذابلات وحمر مثل الي باجي .
اني:تعال حبيبي لجوة ولزمت ايده
سالم:- روحي مها
اني:- لا تعال وياي
سالم:- روحي مها اريد اضل لوحدي
اني:- بس
سالم:- عافني وراح طلع للشارع
...
حسيته حيل موجوع على فراق شريكة حياته الي بينهم اكثر من الحب . بينهم عشرة سنوات وذكريات وأبناء تخلي رجل طيب وحنون مثل سالم ينهار وينهز هذا الشيخ الي اتشوفه مثل الصقر الجامح بس هو بالحقيقة احن مخلوق شفته .....
.. مرت اشهر وضلينا اني وام داود نحاول نعوض بنات وجيه عن امهن .. ومانخليهن يحسن باليتم . اني دخلت بالشهر الثامن لكن طول هاي الفترة ما طلعت من البيت ولا رحت لطبيبة ابد ... دوامي قدمت أستقالة منه لأن مكدر دوام وشغل عمتي الي ما يخلص ياخذني من بناتي وهم حملي جدا صعب ... للتفرغ لبناتي عفته بس مع الاسف عمتي من عرفت بيه كعدت من الدوام .هم ما تنطيني مجال اتفرغ لبناتي وبنات ام وجدان هم اني من يهتم بيهم وبأمورهم الدراسية .......
كعدت من النوم لكيت سالم يغير ملابسه ويريد يطلع .
اني:- صباح الخير حبيبي
سالم:- صباح الخير اليوم أخذج ناخذ سونار العصر ذكريني خاف أنسه
اني:- حاضر ..
اخذ جاكيته وطلع ...
وجيهه:- من ورة الباب ماما وجيهه كاعده ؟
اني:- اي حبي ادخلي
وجيهه:- صباح الخير
اني:- صباح الخيرات
وجيهه:- حبوبتي تريدج ترحين تخبزين
اني:- يوه مو اني خبزت البارحه ليش هم اليوم
وجيهه:- ماعرف جان ساعدتج بس عندي دوام صباحي اليوم لان مرت عمو كريم تكول مابيه حيل اساعدج اليوم ...
اني:- اي حبي روحي اتريكي اني هسه اكوم ..
..........
رحت خبزت بس هلكت الان كله عليه التشنيك والصفك والحط تعرفون التنور الطين ماكدر اشنك مرة وحده لازم وجبة وجبه لأن بطيئ والعجين يسيح . اني وبطني متت وخبزهم لا مال عائلة او ثنين بعد تعرفون عوائل المفروض كل ثلاثه نسوان سوة بس شسوي عمتي مريحتهن براسي وهنه هم يتعمدن يتهربن وجانت ياسمين اساعدني بس رايحه لبيت عمته ام جهاد بالمشخاب .. واحنه ماعدنا مرة تشكي لرجله قبل لا اريد اشكي يسكتني ابد ما يدخلون بأمور النسوان ولا يشوفون معاناتهم مع أمهم .. خلصت خبز ورحت كعدت على بالحديقة الهث من الحر والتعب وثقل الحمل ..
صار العصر .. اخذني سالم ودخلت اني على الطبيبة وهو برة ينتظرني ..
اني طلعت من الطبيبة لكيته واكف بره العيادة ..
سالم:- ها ام فرح ؟
اني:- الحمدلله صحته زينه ونبضة قوي
سالم:- شنو جنسة؟؟
اني :- ابنية :-)
سالم:- تعابير وجه تغيرت وشفته كلش ضاج لدرجة طلع برة وعافني .. اني رحت وراه
اني:- ها ابو داود
سالم:- داود ؟ اني ما مكتوب الي يصير عندي داود .
اني:- سالم الله كريم
سالم:- الله كريم حبي تعاي خل نتعشة برة اليوم عازمج
اني:- صددددك راح ناكل برة لأول مرة بحياتنا؟
سالم:- تعالي ..
صدك رحنا وتونست اني حيل سالم على قدر الامكان جان يحاول ما يبين الي حزنه وخيبة أمله .
بس اني جنت حيل فرحانه من شفته رجع مثل قبل يراعي مشاعري ويحس بيه لان هو من توفت المرحومه اشويه تغير وما يحجي ويانا .
اني طول الطلعه اسولف واضحك .. اخذني مناك للشط والجو جان يخبل وصعدنا يخت ....
رجعنا للبيت متاخر ردت الف راسي وانام وسالم راح لبيت اهله ..
نورة:- ماما مها تكول حبوبة تعاي اغسلي اماعين العشه ..
اني:- شنووو تعبانه مااا كوليله ماتجي تعبانه حيل .
وراحت نورة كالت لام سالم الي كالته اله مرت ابوهه ..
ام سالم جانت كاعده بنص الصاله . يم رجله وولده يشربون جاي .
ام سالم:-- سمعت مرتك اشون تردني من اصيح اله
سالم:- عوفيه يوم على راحته
ام سالم :- يااااا هيج ترد اعليه يايمة انه اعلمودك اريد اعلمه اعلى الندارة وانت تصف وياهه
سالم:- هاي امور بينكم يمه حلوهه ..
ام سالم:- نورة روحي صيحي اله كليله رجلج يريدج؟! خل نشوفه صدك تعبانه لو تمثل ..
...
نورة:- ماما ابوي يصيحج
مها:-- هاا جانت توه تريد تغفه بس من سمعت رجله يصيحه تحاملت على نفسه وكامت . كوة مشت ووصلت للصاله سلمت عليهم ..
ام سالم:- هاي شكل وحده تعبانه بلا اشو اجيتي تركضين من نشد اعليج رجلج .
مها:- ها ابو داود صحتلي
سالم:- باوع لامه بعدم رضا على تصرفه وكال :- لا
عمته:- اني صحتلج يلا روحي ساعديهم ومرة ثانية لا اجذبين علينا ..
مها:- اني ما مجذبه عمة فعلا منهكة واحتاج للراحه وهذا كلام الدكتورة ..
عمته:- ليش اليوم رحتي للدكتورة شو مادري اني .
مها:- اخذني سالم اليوم العصر
عمته خزرته اشون تتجرئ وتكول اسمه هيج ...
عمته:- اي وشطلع بيج ؟
مها:- بس ارهاق وكالت لازم راحه الان الطفل نازل
عمته:- مااقصد صحتج انت مثل احصان اشبيج . اقصد شنو ولد لو هم ابنية
اني:- ابنية
عمتي وجه انبهجت أساريره من الفرح من عرفت بيه ابنيه . وكالت ديلا روحي للمطبخ ام البنات مايصير بيه شي لا وخابصتنا وهي بيه ابنيه ..
رجاءا عدم حذف أسمي بالنشر ((زوزاية))تراتيل حواء
اني:- واشبيهم البنات؟ الحمدلله انت منهم وابتسمت
عمتى:- انجبي وروحي للمطبخ
اني:- تعبانه ما مضطرة الساعه ب 10 اوكف بالمطبخ اكرب واني حتى ماتعشيت وياكم
عمتي:- انجبي ولج انت وبناتج مو ذابتهن علينا
اني:- لا بناتي كلن بيض واكلن بالبيت ما اجن هنه كالن واذا تردين خليهم على الصبح ..
عمتي:- اي حتى الحشرات تلتم عليهم
اني:- هاي نسوان خير من الله كاعده ادك سوالف الا اني . جنت احجي من ورة خشمي ابد ما طايقته ولا طايقه النقاش وياهه اكرهه حيل واعتقد اني مو ملاك حتى أحب الي يأذيني ..
عمتي : تعال سالم شوف مرتك ترد كلمة بكلمه وساعه تناقشني حتى ما اساعد نسوان حمويه وشنو اصخره اذبة على غيره
سالم جان صحيح كاعد يمنا بس يسولف ويه اهله ومن صاحتله امه باوعلي بمعنى روحي للمطبخ ولا اتغضبين امي .
بس اني طفح الكيل ورحت باتجاه باب الصاله ردت اروح لبيتي
عمتي:-شفت كسرت كلمتك
سالم:- مها روحي سوي الي طلبته منج
اني:- مكدر تعبانه حيل
سالم:- باوعلي بغظب
اني:- اشبيك هيج تباوعلي لو لا اموت لا اصدك اهاااا
عمتي: شوف شوف ولج انت شنو من وحده جذابه
اني:- باوعت اله وخزرته :- وانت اكبر وحده باطل باطل باطل
سالم:- مهااااا
اني: وانت هم باطل وابوك هم باطل واخوتك كلهم باطل
سالم:- فتح اعيونه على وسعه الا اشويه ويضربني بس اني جنت تعبانه وحيل مغلوله من عمتي وانفجرت بذاك اليوم
اني:- تعبت حيل منكم ومن هاي المرة مشيلتني كل البيت
عمتي:-جذاابه شنو امسويه انت
اني بنفس على صوته عليت صوتي
اني:- جيبي القران واحلفي وخل يحلفن هنه حتى ابيوتهم اروح انضفه انت شنو من ظالمه
عمتي: - انت وحده وكحة وبت شوراع
سالم ضل واكف صافن او متعجب منا ..
اني :- احلفي هاا احلفي وانت باجر وراج حساب
سالم:- كااافي صاح بيه
اني:- انتم كافي يا ما حاولت افهمكم احنه بشر مو حيوانات يمكم وانت لا اذن تسمع ولا عين ترى من تعذب بينا ما تدخل حضرتك لان امور نسوان بس من نحجي احنه نصير وكحات ولازم نتربى مو
عمتى:- ولج غلابة النسوان ام السان اكو واحد كدر يسكتج
اني:- هههه اذا اني غلابة النسوان انت شنو
سالم:- مهاااااااا
اني:- شوفي ذيج المسكينه واشرت على مرت ابو سالم .اشون كاعده خطيه لا تحل ولا تربط ولا عده حقوق مثل الي انت ماخذته لمجرد هي ام البنات وانت ام الولد
عمتي:- ها دكولي لان مثلج ذكرتيهه
اهنا كله التمت النسوان اشوف العركه وعمي وولده هم يباوعون وساكتين كأنما عرض عدهم ....
بس سالم واكف بنصنا ومشتعل غضب مني لان مطلعة صوتي وارادد ..
اني:- اي هي هم من مظاليم عاداتكم وتقاليدكم الي تهد الحيل ..
عمتي:- روحي لهلج اذا ما عاجبج
اني:- هم صدك اشعندي مكابلتج اروح لهلي اشعندي يمج..
عمتي:- هههه خل نشوف امين يوكلج اخوج انت وبناتج
اني:- عندي خير من الله ورثي من المرحوم احمد يكفي ووفي ممحتاجه اضل بذله وباوعت لسالم
ورحت
عمتى:- اهنا طلعت روحه وباوعت لسالم :-- اي شفت هاي الي تريد تستره شووفه اشون باعتك
اني:- سكتت وردت اروح
عمتي:- روحي بت الشوراع فوك ما لفيناج انت وبناتج ..
اني:- رجعت اله ووكفت اكباله :- اذا اني بت شوراع انت شنو ام السحورة
اهنا ام سالم ضربت مها راشدي .
مها:- ايا قليلة الوجدان
واجاهه الكف الثاني من سالم بس كفه خلاهه توكع بالكاع ودفرته عمته .
مها كوة كامت وايده على خده وكالت لسالم: - قسما بالله يوم ما باقية يمك هو هذا عهدك تحميني . وانتن ليش اضحكن وباوعت لنسوان حموينه . حالجن احسن من حالي وانتن مثل الحمير بالسياط يظربوجن حتى ترضى نبع الحنان .. باوعت لسالم بحقد
مها:-حتى الي بطني كرهته الله ياخذكم ..
سالم:-انت طال.. قبل لا يكمل ابوه سكته .
ابو جاسم : روحي يابت الحلال عن وجه هسه لا يدخل الشيطان بينكم اكثر
مها:- هههههه اصلا هو الشيطان امكم ...
مها:- اني اكلك سالم طلكني ماريد اعيش وياكم لحظه وهذا ابنك بس اجيبه اشمر عليك . وصدك ترة اني بيه ولد وباوعت لعمته وكالت بس من ورة امك الحية خفت تكتلني مثل وجدان من عرفت بيه ولد ..
وراحت مها خابرت اياد واجاهه يركض جان سالم بعده بيت اهله
ام داود وبنات وجدان يتوسلن بمها ما تطلع لان طلعته معناها طلاق ..
. طلعت مها من بيت سالم وبدون حتى ماتباوع لوره .
وراحت لبيت اهله الصغير .
ثاني يوم