أبتسم لي

15

... بيوم اني جان عليه الخبز اني وياسمين و ام جاسم ..
ام جاسم عجنت النا الصبح والضحى
طلعنا اني و ياسمين.. كعدت اشنك العجين وكالت الي انت الي راح توكفين هالمرة وانت اشجرين التنور اني كتله يمعوده والله اخاف بعدين اشبيه خبز الحديد يخبل
ياسمين:- اسكتي لا اسمعج امي الجبيرة (تقصد ام سالم مرت ابوهه) والله اذا سمعتج تلعب بيج فلم هههههه ماتحب خبز الحديد ومتعوده على طين واحنه لازم نفذ
اني:-- امري لله
جان يوم جمعة وعطلة...
حطيت السعفات ..ياسمين انطتني دبة نفط وكالت حطي منه واشعلي التنور اني رايحه اجيب المخده وراحت ..
بهاي الاثناء شفت سالم واحمد يتمشون يردون يطلعون من الباب الخلفي .....

اهنا اني ما قصرت رشيت نفط الي بالدبة كوله وشعلت ورقه وذبيته بنص التنور وما حس غير النار شبت من التنور لبرة صااااار حريق مو وجت تنور اني طفرت وعطت عااااااا
سالم واحمد ركضو عليه عبالهم تأذيت
اجت ياسمين تركض و ام سالم هم لان جانت كاعده بالحديقه الامامية وسمعت عياطي اهنا
اني باوعت لأحمد وكتله:- والله ما اخبز بهذا التنور لو هسه اموت وعفتهم ودخلت
ام سالم:- باوعت لأحمد وكالت مرتك يرادله فركت اذن اشون هيج تحجي واني موجودة هااا
احمد:- يمة اعذريه متعرف
ام سالم :- كله متعرف وتعلمت
احمد:- بس مها بت مدينة مو بت عرب رجاءا امي لا تخليه بعد تخبز اخاف تحرك روحه وعاف امه وراح وره مها
ام سالم باوعت لسالم وكالت:--- شوف الزلم شوف . شفت اخوك اشون هاي مشته على السراط المستقيم صدك لا كالو بنات كربلاء وكحات بس اني اعلمه الا اربيه
سالم ما حجه شي .... واجت ام وجيهه تخبز ويه ياسمين .... .... وياسمين ماتت ضحك على مها ...
.
الصبح مها لبست وتعدلت للدوام .. وراحت ويه احمد يوصله . ام سالم تلكته
الام:- ها وين .
احمد:- اني لشغلي ومها للدوام
الام:- عيني احنه ماعدنا جنات ادوام
مها:- عمة هذا اتفاقي وياكم قبل الزواج
احمد خزر مها تسكت مايصير هي ترادد بس مها عبس ماتسمع حجايه اذا الحق وياهه
الام: صارلج كم شهر واحنه متحملين . انتي  المن جايبيج بس اكل وانوم فاتحيه اتكية.
اهنا اجه سالم مثل كل يوم يسلم على امه وابوه ويطلع .. سمعهم يحجون وامه صوته عالي تحجي بعصبيه
الام:- وانوب توكفين كدامي وتراددين هي هاي تربايتج
مها:- اولا اني مربايه وما كلت شي غلط واعتقد...
احمد:- اش مها اسكتي
اني:- شنو اسكت اني مربايه احسن تربية وشنو انتم المن جايبيني قابل للخدمة الكم هااا اني مو خدامه ولا يحق لأحد غير زوجي ......
احمد:- مهاااااااا
الام:- كامت تلوح بيده وتعوج بحلكه بطريقه الأستهزاء هي هاي الي ادافع اله دوم خو فرعنته عليك هسه
سالم ساكت ما ادخل راح سلم على ابوه ..
ابوه طلع من غرفته هم ويه سالم ..
ضلو واكفين يتفرجون على ام سالم ومها .
مها ضاجت حيل وحست نفسه اذا بقت اهنا اكثر راح تبدي تغلط بالتصرف شافت من الاحسن تروح بس الناس تحور التصرفات على ما يعجبه من عافتهم وطلعت قبل لا توصل للباب
ام سالم كالت:- احمد شفت اشون مرتك ما تحترم جبير اني وعمه واخوك الجبير وانت بعد عيني عافتكم وطلعت خو هيلكته علينا ..
احمد باوع على مها الي وكفت من سمعت كلام عمته.
رجعت مها وكفت كبال عمته
مها:- اني اسفه عمه وحقج علية وباسته من راسه وباوعت لأحمد وكالت:- اني اسفه #ابو شهاب .. ورجعت للام واخذت ايده وباسته
مها:- متنعاد انشالله بس اني رحت الان ردت اعصابج تهدأ عمه اني ما يخلصني اصلا زعلج وخفت عليج وانت بيج سكر كلت اروح من كدامه لا اضوجه اكثر .. تعاي عمه اسويلج ريوك اهنا لانت ملامح العمة بعد تفشلت متعرف شنو اسوي بلحظه حولت الموقف لصالحه مها واخذت عمته وطبت للمطبخ ..
ابو سالم :- والله هاي البنيه كياده و بحوره غميجه
سالم:- صفن على تصرف مها وعرفه مو سهلة
احمد:- والله اني هم تعجبت اشون قنعت امي
ابو سالم:- النسوان يا بوية وما ادراك ما النسوان ......
بعد الريوك كامت مها وراحت للدوام !
يتبع