أبتسم لي

26

ابو داود ابسرعه بدفعه وحده وخر احمد وكوم المرة الي هلكانه من الضرب خشمه ينزف اجت ياسمين وام وجيهه اخذنه رادن لدخلنه للغرفة وهاي عمته نظراته اله كله شماته وانتصار ..
نامت على فراشه واجن بناته يبجن وحاوطنه ...
مها:- ع عع عوفني اني وبنا تي كالته بتقطع
طلعت ياسمين و ام وجيهه .
اما احمد جابوله الدوة شربوه اله قبل العشا لان شافو يرعش واجت تجي النوبة .. .. كلهم يتهامسون على مها بذيج الليله بس ابو داود كاعد برزانته كالعادة  ...
ابو سالم اجه كعد يم ابنه الجبير وكال
ابو سالم:- شور عليه يبعد ابوك شسوي بهاي الفضيحه
ابو داود:- ما اعتقد البنية مسوية شي اكو سوء فهم ..
ابو سالم:- ادعي اللله يطلع هيج الان ننفضح يا بوية الناس تريد اعلينا اقل شينه يلزموهه ومو انوب شرفنا . 
.....
مها:- فرح انطيني الجهاز
فرح:- هاج يمة
مها دكت على أياد اشوية ورد  عليه
اياد:- ها مها اشويه واني ادك عليج عندي زبائن
مها:- تعالي ابسرعه خوية
اياد:- اشبيج؟ شكووو
مها:- كتلوني اياد تعال الحكني ..
اياد عاف الاول والتالي وراح ..
..ابن ابو جاسم :- جدي هذا اخو مرت عمي احمد بالباب .
سالم كام هو بنفسه ودخله بالديوانية
اياد بعد السلام طبعا ..
اياد:- شيخنا بس اريد اشوف اختي .
سالم: فهم اخته مخابرته كال تأمر .. . صدك كامت مها بعد ما كالو اله اخوهه اجه لبست عبايته وكالت تعالن لبناته وراحت تركض للديوانية شافت اخوهه كاعد اجت كوة تمشي
رفع راسه اياد شاف اخته وجه مزورك وخشمه احمر وكوة تمشي
اياد وكف على حيله حظنه وكال
اياد:- ما عرفنا من شيمكم هيج اتعاملون نسوانكم .
اهنا دخل الشيخ ابو سالم بنفسه
اهلا اوليدي وبعد السلام
ابو سالم:- يا ابني انت ولد اصول وتعرف مايصير تدخل بين الرجال ومرته اهنا مها كاعده يم اخوهه ولازمه ايده حيل تحس نفسه اذا هدته اضيع . 
اياد:- وانه ما مدخل بس من اختي تستنجد بيه ما اعوفه لاخر نفس بعمري والي مسوين بيه هذا اجرام ولد الشيوخ ما يستقون على مرة . 
ابو سالم:- ها بوية يعني تشك باخلاقنا ما مقبولة منك  وانت ما تطلع منك العيبة . 
اياد:- لا عمي الشيخ ما اقصد اهين اصلكم واخلاقكم . بس من تنظرب اختي هيج هاي هم اهانه النا صحيح احنه لا عدنا عشيره جبيره وغربة اهنا بس اعتبرناكم اهلنا نحتمي بيكم وانطينةالكم مرة امانه يصير هذا حاله ..
ضلو يتناقشون واياد اصر ياخذ اخته ويروح .
بس ابد ابو داود وابو سالم ما جابو طاري السبب وهو التشكك بعرضه .
من وصل لباب الحديقه
اجه احمد وراهم .
ام سالم عود تركض وراه خايفه عليه
اياد وكف من سمع احمد يصيحه بذيج اللحظه دمه فار ويريد يحط أحمد ويشبعه كتل بس لزم اعصابه ما يصير هو بيتهم .. 
احمد: وين طالعه وجه كلامه لمها واتجاهل اياد الي واكف
مها باوعت لاحمد وكالت :---رايحه ويه اخويه اياد انت تعرفه مو لو هم نسيته وعبالك رفيجي اهنا ابو سالم وابو داود واكفين جانو يردون يوصولهم للباب  .
اياد:- امشي مها
مها:- لا اوكف بس خل اكله علي اخوية الشهيد مدفون بكربلاء واني مشتاقه اله وياريت ياخذني الله يمة
اهنا سالم ارتااح حيل من بررت مها رغم هو واثق تماما انه احمد موهوم وعنده قلة ثقه بنفسه بسبب مرضه . .
طلعت مها وراحت لأهله .. 
بقت اهناك اسبوع وقررت تطلق لو هسه مو ابن الشيخ ماتعيش وياه لحظه وكل ما تذكر اعيون الشمات تموت من القهر ما همه الظرب الي اكلته كد نظراتهم....
احمد حيل تخربط وكل يوم ماخذيه للمستشفى  مريض .
ومها دخلت بشهر الثامن وما رجعت لأحمد واحمد هم محاول يرجعه بس كان يتألم من كل انحاء جسمه ويتقيئ ماويعرفون شنو السبب ..
واحته مرتين ازمة قلبيه . وطلع منهن سالم .
ام سالم :- خافت خاف اثر السحر الي رشته و وكلت منه احمد حتى يكره مها هيج اثر .. ضلت لازمه گلبة . هو صدك ما حاول يراضي مها بس الليل كله ماينام من الوجع ويهلوس بأسم مها گلبة يريده بس عقله يحس احد يتحكم بيه ..
سالم أخذ احمد لبغداد ودخل وياه مسشفى خاص .. بس الطبيب أيسه من كاله هاي أيامه الاخيره قلبه نبضة ضعيف وماله غير رحمة الله ..
اخذ اخوه ورجع خائب الامال ...
احمد من رجع لبيته .
سالم نيمة وراح يريد يطلع يرتاح
احمد لزم كفه
سالم:- ها خوية رايد شي
احمد:- مها اريدن اشوفه قبل لا اروح
سالم:- وين تروح انت باقي لا تمشي على حجي الدكاترة ترة امر الله فوق كل شي ..
احمد:- اريد مها بس اشوفه يحجي ويلهث ..

....
يتبع