أبتسم لي

31

ياسمين:- منو يخاف  ولج هو اصلا ما يعتبره  يسوي شغلاته كله من غير علمه من ازوج وجيهه لهسه همه فقدوا السيطرة على سالم صار كلش يخالفهم ومايسمع احد غير عقله
اني:- ليش
ياسمين: - يوه مو وكته هسه نرجع لموضوعنا اي اذا اخذتي سالم اولا راح اضمنين حقج ثانيا بتج بحضنج ثالثا راح تتغير اهواي امور
اني:- اشون يعني اني حتى لو اضل بتي يمي وزواجي صوري بس مرت ابوج تخوف
ياسمين:- اولا سالم مو احمد محد يكدر يدنا الج مدام وعدج هو يحميج خلص وترة سالم مو مثل احمد واذا رفضتي انت الخسرانه من الكل النواحي ولا اصدكين القانون يوكف بوجه ابو سالم محد يكدر  يوكف بوجه غير سالم نفسه
اني:- خل يوكفلي من غير ما يزوجني واجي يمكم
ياسمين:- لا اصلا هو هم رافض فكره ترف تتربى بعيد عنا وبعد انت بكيفج عندج مهله تفكرين بيه اسبوع ..لا اضيعين الفرصه وراحت ياسمين ...
اني ضليت ايام افكر واني اعرف كلش زين سالم اذا انطه كلمه مايرجع بيه  يعني صدك غرضه بس يريد يحمي بت اخوهه ومراح يدخل بيه اذا عقد عليه ويتحملني اني وجهالي منو يقبل يشيل حملنا  . بس المشكله مو اهنا المشكله اني مدا اتقبل الفكره مجرد من سالم يعقد عليه هاي مدا اتخيله اوف هذا العكره اصير مسؤله منه . هو صدك قيادي والكل يهابه بس اني ما اطيق اكعد يمه . بعدين اقنعت نفسي هو انطاني كلمة ما عليه بيه .. خل اوافق واخلص اياد من همي عاد تبقى بس عائلته موعائلتين على راسه وهم بتي تتربى بيت اهله وسالم يكدر يوفر اله كولشي وهو كولش يهتم بالتربية والدراسه هم بته وجيهه مدخله دوارات وهي توهه بالخامس علمي كلش يتعب على بناته وانشالله يكون اب لبت اخوه على الاقل وحده من بناتي تحصل ابو عود مال اني الكه رجل ياخذني ويربيهن هاي مستحيل افكر بيه وهم مستحيل احد يفكر بيه ..
 
ضليت افكر و بقة بس يوم واحد من المهلة
امي كالت لأياد واشو هذا اياد فرح حيل شيخ وخطب اخته اشون ما يفرح ..
اني كلت لامي ترد خبر موافقه بس بالشروط الي اتفقنا عليها....
صدك اتصلت منى بأخت سالم الجبيرة وبلغته ..
جان سالم كاعد بمكتبه الي بغرفته طبعا  سالم عنده غرفه خاصه بيه محد يدخله ولا يقبل هم احد نسوانه تدخل تنضفه حتى شكله ما يعرفنه اشون وهنه كل وحده عده غرفته الخاصه بيه وهو اصلا فترات طويل ما يدخل غرفهن .المهم جان كاعد بغرفته وعلى مكتبه يفكر بالقرار الي راح تأخذه مها
ودك تلفونه قطع افكاره
سالم:- الو هلا اشونج
اخته:- هلا بيك الحمدلله
اخته:- اجاني خوية الجواب من المرة
سالم:- وهو كاعد اي اعرف موافقه
اخته:- ياا اشمدريك شنو كلولك قبلي
سالم:- لا بس جنت واثق توافق اعرفه لمها كلش زين اشون تحسب الامور وتوزنه وهذا القرار الصائب ..
اهنا كام سالم من غرفته وراح لبيت ابوه .. بس كعد ما حجه شي من التمت العائلة  كلهم مسطرين على العشا اتخيلو انتم ... وسالم كاعد بصف ابوه كالعاده  .
سالم:- قبل تمدون اديكم وماطول كلكم حاضرين اريد ابلغكم بشي
ابو سالم: - باوع اله وكاله ها خير بويه
سالم :- خير بويه
سالم:- اني قررت اخذت بعد مرة ... كله بالبداية صفنت بس ام وجيهه لطمت على خدوده
وتعالت الاصوات بعفيه بالبطل وخوش فكرة والي كول ليش تأخرت الا فكرت والي اي احسن عمود يجيك داود .
ام سالم:- اشش اسكتو
سكتوا
ام سالم:- اي يمه خوش خبر من باجر ادورلك بت ال ١٤ وازوجه الك بت احسن شيخ تتمناك
سالم:- يمة العروسه موجوده وزواجي حفضا على المصالح لا اكثر
امه :- يا منهي هاي بت منو
ابو سالم:- بت منو بوية .
سالم:- مها !!!!!!!!!!
بعض الوجوه تعكرت وبعضها فرحت ... يتبع ع