أبتسم لي

38

مها شكله فوك الي بالصورة.....
........
طلعت منى اتشوف واني بقيت أتاكد من شكلي بالمرايه .
اجت منى
منى:- عاااااا هاي شنووو
اني:- شنوووو بس لا احنه طلعنا كسر يمهن ؟
منى :- ولج تعاي شوفي بعينج .. رحن للديوانية
دخلت ضليت صافنه ملطخات وجهن أبيض مو طبيعي المكياج طالعات سحارات  لا وخطية لبسهن نفانيف ماعرف اوصفه الكم والوان غير متناسقه و واكو بيهن لابسات صدريات شيفون  وجواهه بديات . والعروس لابسه بدي ابيض جوة البدله وملبساته كووووومه ذهب كلش نشاااز من حجمه الجبير .
اني:- ياربي هاي شنو المأساة
منى:- ولج هاي كل قوتهن عود هههههههه
اني:- لا عيب نضحك عليهن خطية ذني
منى: مو بيدي ولج شوفي ذيج كرشه شكده وتركص وتهز اشرت على ام وجيه الي لابسه ثوب خياط الان ماكو جاهز يصير عليه . وتركص هي والبنات هوسه صايره معركه طاحنه .. 
اني صاحتلي عمتي وباوعت الي من جوة لوفك جانت كاعده يمه صديقته مدري كرايبه
اوقريبته انبهرت من شافتني
قريبته: يا هاي التخبل جنتج
عمتي:- امنيله اي جانت مرت المرحوم . 
قريبته:- هااا انت الي اخذج الشيخ سالم لعد والله حلوة الله يحفظج يمه
اني:- شكرا خاله ويخليج ..
طبعا غرفتي صار صالون مزحم كله بيه لان عندي مكياج  ..
رجعت للديوانيه وشفت اثنين شيطانات طيبات كاعدات ويبتسمن أبتسامة ما يعلم بيه بس الله اني ووكفت يمهن
اني:- خيرجن ست منى وست ياسمين تتمضحكت
منى:- ههههههه لا هيج .
اني:- هاااااا
ورة نص ساعه طبعا اني مليت من الهوسه والركص .
.....
ياسمين :- فدوة تعال انت بنفسك اخذه ماتت من البجي تريدك وامه حايره تركص
سالم من ضلت ياسمين تلح عليه ياخذ بته الصغيرة تبجي وهي كلش متعلقه بيه فراح ووكف يم الباب ينتظر تجي ياسمين تنطي بته
ياسمين :- وج مها الحكي بتج تبارك وكعت ترف بالكاع وفحطانه بالحديقه روحيله
مها طرف للحديقة
وياسمين  ضحكت ضحكه خبيثة وكالت:- اي بلكت تحسون على نفسكم والله متوالمين على بعض ......
منى:- شنو ياسمين نجحت الخطه
ياسمين :- اي بس كود ابو داود ما يدنك ويشوف الجمال ..
طلعت مها ما شافت بناته تقدمت لكدام تتمشى اخاف يم الباب . صدك طلعت وهي كعبة اطكطك شافت حماهه السابق وزوجه الحالي ومديره بالعمل واكف يم الباب واول ما شافه اندهش وراسا دنك وانطاهه ضهر هي راسا ركضت للبيت وهو دار وجه عليه وشافه اشون تركض مثل الغزل
لو اختياره للبسه ونزاكته تاخذ الروح اجت ياسمين
ياسمين:- يا بتك نامت ابو داود تعبتك
سالم:- اخذ نفس وكال يلا رايح وبعد لا تخابرين ..