أبتسم لي

21

..
رجعت لحياتي بس احمد تغير  بدة اقل تصرف مني يتحسس منه وحتى مع اخوته ما يقبل احجي وصلت بيه الدرجه حتى من ابوه يغار لان دوم يشاقيني واني هم احب اتقرب منه احسه مثل ابويه الله يرحمه...
جنت كاعده باوع مسلسل تركي كالعادة تعودت اعوض الحرمان العاطفي  من التلفزيون الان بصراحه حسيته جذب ماكو بالواقع مو بس اني لا كل النسوان اشوف ياسمين بينهم جفا هي وزوجه مااعتقد اكو لحظات رومانسية بينهم واخوته ونسوانهم هم اصلا يتعاملون وياهن مثل ما يتعاملون ويه خواتهم ويمكن خواتهم يحترموهن اكثر .... خو سالم اذا جان عندي امل واحد بالمية اكو رومانسية  بالواقع قطعة قطعا بات من شفته اشون يتعامل وين نسوانه على اقل احمد يحترمني ......
جنت عايشه اللحظه البطل صرح للبطله يريد يزوجه واصله لمشهد حامي اهنا دخل عليه احمد ماسمعت شنو كال جان بالي  يم المشهد..
احمد سكت وكعد بصفه بعدين شافه فاقده على المشهد راح طفة التلفزيون عليه
مها: لاااااا ليش احمد
احمد:- ليش جنتي هيج تباوعين  بتركيز هااا
اني:- شنو؟ اي غير مسلسل متابعته ما تصور كم حلقة انتظرت حتى يوصل لهذا الحدث.. كمت دا اريد اشغل التلفويون هو لزم ايدي ورجع كعدني
اني :احمد اشبيييييك
احمد:- اكيد جنتي تتخيلين نفسج ويه هذا البطل مو؟؟
اني صفنت ما حجيت
احمد:- مو احجي اعرف اني بتفكريج اهم شي عندج هاي الامور
اني:- انت شنو دا اتكول مجرد مسلسل اباوعه الله اكبر حتى من الممثل تغار اني تعبت  منك احمد
احمد:- اها لعد بعد ماكو مسلسلات تركية مفهوم
اني:- ما وعدك بهذا الشي احمد وين اولي ضوجه ..
و صدك كل ما يشوفني باوع شي يتعارك وياي حتى التلفزيون  كرهته  وصرت ما اتابع شي ....
....
...............
طلعت بره بالحديقه اتمشى اخذني رجليه لحديقه ابو داود من غير ماحس وكفت يم شجرات الان لمحت ابو داود يريد يدخل للبيت
وبته وجيهه اتلكته
وجيه:- هلا بوية الله يساعدك
سالم:- هلا بوية هاج وانطاه دفاتر وسجلات
وجهه : ها بوية هاي القرطاسية الله يخليك الي
سالم:- تعاي بويه وحط ايده على متنه :- اريد اترفعين راسي
وجيهه:- اي بوية انشالله
سالم :- اقري عدل وديري بالج على دراستج هي اهم شي الج . يلا تعاي طبي ..
و دخلو لجوة  من غير ما يشوفوني تعجبت اني طلع سالم يهتم كلش بدراسة البنات عبالي مثل اهله يهتمون بس بالولد من ناحية الدراسه ....
......
بوقت العشه اجوي اخوة احمد وكلمن وعائلته وعشاهم وياهم . واحنه هم صبينا وكعدنا ..
احمد  جانت اعيونه عليه اني ما مهتمه اله واكل ..
بس لفت انتباهي سالم اشون حاط بنته الصغيره الي وكعت سابقا بالجدول صار عمره سنة حاطه بحظنه ويوكل بيه والثانيه قبل الصغيره هم غايره وكاعده بصفه وهو هم يحط بحلكه ياريته هيج عطوف مع الكل ...
اهنا اني اباوع لسالم يعجبني الاب الحنون اني وبناتي انحرمنا من هذا الشي بس احمد عباله اباوع الاخوه سالم ...
خلصنا عشا واني رحت لغرفتي ..
هو دخل ورايه جنت حاطه رواية رومانسيه واقرة ..
احمد اخذ الكتاب سده وحطه على الميز وكعد بصفي اني ادنيت سويت اله مجال
احمد:-- صايره حلووة
اني:هاا توك شفت
احمد:- اي توني
اني:- احمد اريد الكتاب
احمد:- بس اني اريدج
اني:- ها شنو تريد ؟ شنو ما شربت جاي
احمد:- شربت بس اريدج الج
اني:- واني يمك ..
تقرب مني وهم حاول يوثق زواجنا .... لكن بلا جدوى كمت اني ركضت جبته اله الدوة وسويتله مساج تدليك لقلبة اتشنج ..
ونام بعده تعبان ...