أبتسم لي

9

بعد الحصة الاخيرة . لزمتني كفاح تريد تفهم فضوله اشتغل اتريد تعرف التفاصيل سولفت اله ماتت من الضحك عليه ..
كفاح:- اي عيني اكيد ذني نسوانه!
اني:- شنوو هو مزوج اكثر من وحده ؟
كفاح :- اي يخيه خل اسولف الج
استاذ سالم ابن شيخ عشيرة وابوه واحد صارم حاكم العشيره  وخاصه عائلته حاكمه حكم  بحيث يزوج.ولده وهمه صغار  فمن بلغ سالم زوجه من بت اخوهه  وبعد زوجه وحده ثانيه يكولون موريهن المر . وزناكييييييل بشكل اغلبيه الكيعان بهاي المنطقه الهم من غير العمارات الي بمناطق ثانيه وكل واحد لازم اكثر من شغلة ..
اني:-زين هو اشعجب يدوام اهنا اذا عنده خير من الله
كفاح:-- طمع بعيد عنج...
اني :-يبووو  عبالي خوش أنسان طلع أضرب من غيث هههههههه..
رجعت للبيت بسيارة زوجه احد الزميلات وصلوني بدربهم للبيت  .. لكيت فرح بملابس المدرسة وتبجي ..
اني:- اشبيج ماما
فرح:-- تفرك بعيونه وتبجي
اني:- فروح اشبيج
فرح:- ماما خالو ما يحبنا
اني:- ليش يمة .
فرح:- ما يحبنه
اني:- لا حبي يموت عليكم .. بس ليش هيج تكولين عيب
فرح:- لعد ليش ضربني؟؟
اني:-انت شنو سويتي
فرح:- ما سويت شي بس اخذت لعابة تبارك من كوكه (كوثر بنت اياد من عمر تبارك بنتي) وكامت تبجي هو اجه ضربني وكال اكرهج جنج ابوج!! ^ ^  
اني:- لا حبي موقصده وحضنته مو كل واحد يضربج يكرهج لا تبجين يلا غيري ملابسج وتعاي راح اصب غده ....
مهما يكون اياد طيب يبقى خال مو أب ماعرف شنو اسوي بناتي يتحسسن منه ..
ثاني يوم دوام جان اصادف يم الباب المدير واكف رغم طول وضخامه حارس المدرسة الا أن أستاذ سالم اله حضور اكثر منه من جانو واكفين سوة ماعرف هو جان رجال اربعيني يمكن مو طويل حيل عادي وجسمه مربوع مو رياضي بس ماعنده زوائد واكتافه عريضه واسمر ولحيته غير محدده بس خفيفه وعلى جوانبه شيب وشعر راسه هم غزاه الشيب من جوانبه منطي اله جاذبية خاصه كانت عنده هالة من الشموخ والهيبة تدل على انه ابن شيوخ وابن خير فعلا مثل ما كالت كفاح بس هو وجه عبوس يعني دوم احسه غاضب معرف ليش احس شكله معصب بس هو عادي رغم هذا اني كنت احترم حضوره كان حكيم عدة مواقف اثبت هذا الشي وذكي بشكل بحيث احسه يعرف شخصية كل معلم عنده واحس عنده غاية من تارك المعاون غيث بهذا المنصب ماعرف شنو هي التمس عنده هذا الشي . لهذا اخذت حذري حتى ما افضح شخصيتي كدامه واما عن العمل فأني ملتزمه بيه كولش من اساسي من غير ما احد يحفزني ... جان دوري اسوي الغده وجان اول يوم  راح يشوفون بيه طبخي فمنى ساعدتني حتى يطلع على اتم وجه اخذت جدر برياني و مرك طرشانه وتمن ابيض هم وكنافه خليت اخو منى يوصلني بالستوتة مالته واتكسرت اتكسر  .... نزلت ونزلت حافظات الاكل ودخلت جان الدوام ضهري ...
دخلنا الدرس الاول ...
بالفرصه رتبنا الاكل اني والزميلات واجو كولهم وبدينا ناكل
كفاااح:-واو اكلج يخبل صدك اكل بنات كربلاء ماكو منه
نظير :- الله الله الطعم طييب عاشت الايادي ..
طبعا المدير المتكبر ما كلف نفسه يجي اجه الفراش اخذله اكله لغرفته
كفاح:- بعد ماراح الفراش وبيده الاكل كالت:-- عيني دوم ندز اله اكل يرجع كما هو
اني بثقه:- واذا اكولج راح ياكل اصابيعه 
نجاة:- هلا بالواثق بنفسه
كفاح:- واشبيه اكلنا بس هو مياكل معرف شنو يوكلنا زوجاته
اني:- شربت لبن وكلت هههههههه نشوف
نظير:- هسه كولو النا ماكو بعد طرشانه مو راح اموت عليه اشون طابخته ..
اني:- سر المهنة
.. بديت الم الحافظات طبعا اني جبت وياي مواعين باغه لميتهن وصفينا الفضلات
اجه الفراش وبيده المواعين الي جانن يم المدير
كفاح:عاااااااااا الحكوو استاذ سالم قاصف الاكل لأول مرة!!!!!!!!!!!
اني:-أبتسمت بسمةانتصااااااار  الها
نجاة:- اويلي على بنات كربلاء مصيبة
اني:- بل ندارة
نظير:-ماعندج اخت ام فرح اخذه ع مرتي
اني:- حتى لو عندي ما انطيك انت وكرشك وضحكت هههههههه خلصنا اليوم ضحك بضحك واليوم جان كولش حلو الان المدعى غيث ما موجود مجاز
خلصت دوام ورجعت للبيت لكيت امي تتعارك وية اياد  واياد هم يصيح ..
اني:- خير خير شكو
امي:-ماكو شي يمة روحي بدلي
اني عفتهم ورحت لغرفتي جانن بناتي كاعدات لان دوامهن صباحي جان ورجعات الضهر ..
لكيتهم يبجن
اني:- يا اشبيجن انتن انوب ليش تبجن يا اسكتن يمة شكو
فرح:- ماما خالو ضرب تبارك
اني:- يوه رجاء بعد لا تشكن عادي
فرح :-وكال بنات المخبل
اني:- ضجت طلعت لأياد
اني:- اياد ليش تعير البنات شنو ذنبهم
هو جان صاير نار لان امي هم عاركته من هضم تبارك واني اجيته فكب بوجهي
اياد :-- تردين الصراحه ما اطيق شوفتهن يذكرني بطليقج الغبي  ما اطيق حتى نفسهن
اني:- ليش اني اموت على جهالك ليش هيج تتعامل وياهن ..احجي بحركه
اياد:- لا تعلين صووووووتج صاح بوجهي وعيونه حمر
اجت منى وخرته عني اجه الا اشويه يظربني
اني دخلت لغرفتي طالعه روحي ياربي حله وخلصني ....
ضليت على هذا الحال اياد ابد ما يطيق البنات يكول دا احاول اتعود عليهم بس مو بيدي ..
مرت اشهر ..
اني جنت انضف الزوالي بالحديقه ومن خلصت دخلت لجوة سمعت امي تحجي ويه منى
امي:- شسوي اهواي يجون بس من يعرفون عده بنات يشردون ...
منى:- الله كريم خاله .. شله بالزواج خل تكعد ع بناته ..
كلت بكلبي اوف يا منى يعني اني مو بشر مثلكم ومن حقي اعيش عمري مع شخص يحميني ويخاف عليه لو هاي هي هاشم هو بس قسمتي !!!
.....
جنت كاعده بالغرفة وهم بناتي يشغل راسي
كلبت بالتلفزيون جان طالع مسلسل تركي . خليتا عليا رغم اني ما متابعته
جان المشهد  البطل حاضن البطله ونايمين على السرير وهو يلعب بشعره . سرحت اني بالمشهد وكلت اني  هم فد يوم اعيش هاي اللحظه ويحظني رجال بمعنى الكلمة عمري ما مغازلني رجل ولا سامعه مدح وعمري ما محسسني احد بأهميتي ولا عايشه لحظات رومانسية ولا متدلله على رجل هشام جان طفل حتى من يتقرب الي ماحس وياه بشي......
....
....
....
بيوم امي دخلت عليه جنت توني مشترية جهاز لمس واطكطك بيه ..
امي:--- يمة فارغه
اني:- ها يمة رايدة شي
امي: - اي اريد احجي وياج
اني:- اي يمه معندي شي
راحت امي سدت الباب علينا ورجعت
امي:- شوفي مها انت بعدج صغيره واياد مطايق البنات وخطية يعيشن بذل الخال
اني:- وشبيدي يمة
امي:- اليوم اجو ناس عليج
اني:- بس لا خطابة!!!!
امي:---- اي وليش متعجبه
اني:- ههههه مو نسيت اني بنية ويجي عليه ناس الصراحه ....
امي اشبيج تخبلين والمرة شايفتج وحاجيه للناس عليج ..
اني:- منو هاي الي شايفتني ويا ناس؟؟
امي:- يمه اكو ناس يردون لأبنهم مرة عده اطفال لو ما تخلف
اني:- شنووو
امي:- اي يمة ابنهم ما يجيب اطفال  ومزوج سابقا ومطلق لهذا السبب جارتنا ام محمود شافتج وزكتج عند الناس ويردون يجون يشوفوج بس بالاول يردون الاوكي...
اني يعني موافقين على بناتي ؟؟؟