أبتسم لي

12

صار الليل واجه ابوووه
احمد قبل لا ندخل للصاله كال شوفي اول ماندخل حبي على ايد ابوي
اني:- شنووووو مااا
احمد:- باوعلي بستغراب
اني:- اي اي بس والله استحي
احمد:- لا تخجلين مثل ابوج هذاا
صدك دخلت شفته رجال مهيوب وجان سالم كاعد بصفه سبحان الله يشبه ابنه سالم وحتى مثل تعابير وجه العبوسة اني ماعرف ليش خجلت وممتعوده ابوس ايد احد تقربت منه اشونك عمووو
هو:- باوعلي بستغراب
احمد ماعرف ليش ضحك
عمي:-- اهلا اهلا بنيتي
اني دنكت بسته من راسه اجيت اوكع اعكاله ، بس مابست ايده
ورجعت وكفت يم احمد ..
عمي:- تعاي بنيتي تقربي اني تقربت منه
هو طلع صفطه افلوس وحطه بيدي اني استغربت
اني:-- شنو عمي لا
احمد:- باوعلي بنظرة عيب لا تحجين
اني هم صدك اخذتهم وسكتت اثاري عدهم هيج عادات انطاني نكوط كومه ..
اذكرت عمي ابو طليقي ثاني اليوم الصباحيه اجه اخذ نكوطي الي انطونياه أقاربي  من هاشم حتى يسد مصاريف العرس..

صار وقت العشا فرشووو سفره اشطوله وحتى ولده العازلين جابو اكلهم ويمنا اثاري عاداتهم على الوجبات لازم كلمن يجيب اكله ويجون ياكلون سوة ... ..
اكلت اكلهم طيب حيل بس بكل اكله لاطشين بيه دارسين طلعت روحي ..
بعد العشا صبو شاي اني فرحت اموت ع الشاي قدمولي شاي ..
اخذته مكيفه وجان اشرب وبززززززه عااااا
كله انتبهت عليه
اني:- صار وجهي اصفر وضليت اكح
جابتلي بنت سالم الكبيره ماي شربت
ام سالم:-ها خاله اشبيج
اني:- لا خاله مابيه بس عبالي جاي طلع دارسين!!!! اتحسس منه.... خنب حظي ...
صارت الساعه ب 10 واحمد شو ضال كاعد يم اهله يسولف اني كمت لغرفتي ..
غيرت ملابسي لبست ثوب نوم حلووو وتعدلت ونمت على جربياتي انتظر زوجي .....
ب 12 الا اجه احمد جنت غاااااطة بسابع نوووومة . الصبح كعدت لكيته يبدل
احمد:- صباح خير
مها:- صباح النور .
احمد:- اني رايح اتريك واروح للكاع انت بعد تعرفتي على الاهل انشالله تتعودين عليهم
اني:- تعوفني بيوم صباحيتنا؟؟
احمد:- تقرب مني وباسني من خدي .. اي مها لازم عندي شغل ضروري ..
وطلع . اني كلت غريب هذا الرجال يعني حتى لو مو اول زواج اله اني بس اني جديده عليه معقوله لهدرجه ماعندي انوثة تغريه؟؟ عبالك ماخذني قبل عقد ولا يكلك البارحه اجيت يمه ..
كمت غيرت ملابسي عود يابة ثوب نوم تهي بي . نزلت لجوة تلكتني مرت حماي كالت تعاي اتريكي صدك اتريكت ..
صاحتلي عمتي ام احمد رحت كعدت ولكيت نسوان حمويني كاعدات وبته الي كاعده ويانه هم كعيدي هي وزوجه ومرت ابو احمد الثانيه هم كاعده .
ام سالم:-- شوفن عيني هاي مرت احمد تاخذنه تعلمنه على شغلنا واشون عايشين خوش ..
صدك اخذتني مرت حماي ودخلت للمطبخ ما شاء الله كولشي بيه يخبل . بعده طلعنا للحديقه الخلفيه طلع بيه تنور طين ويوكفن علي
ام داود مرت سالم الجبيرة يصيحوهه ام داود الان اصلا طلعت ماتخلف وذيج السمينه على اسم بته وجيهه ام وجيهه ..
ام داود:- شوفي يخية هذا التنور كل يوم على ثلاثه وحده تعجن واثنين يخبزن
واحنه نقسم الشغل علينا
اني صفنت يلهووووي اني ماعرف للتنور الطين ..
اني :-ماعرف اخبز بهذا التنور ترة
ام وجيهه:- تتعلمين تتعلمين
اني:-اوكي
ام وجيهه:- شنهووو
اني:-ضحكت خنب ذوله ذبة عرب كوولش ..
وقضيت اليوم وياهن وابصراحه يونسن يعني ولا يكلك ضراير
نسوان حمويني كلهن عدهن ضراير بس اني وحيده لزوجي.. خلص النهار وخلصنا عشا ورحت غسلت المواعين وياهم ومتت لان مال عشيره  رجعت لغرفتي هم احمد يم اخوته يسولف اني هم غيرت ولبست ثوب احمر
وتعدلت وكعدت انتظر زوجي ......
يتبع