أبتسم لي

40

مها :-الله يخليك شكو مو خوفتني .
سالم :-رجع سد الباب وقفله عليهم وبده يتقرب من السرير وهي كاعدة (القرفصاء) وملفلفة ثوبه جوة رجليه وحاطه اديه على ازنوده البيض مثل جمار النخل  .جانت لابسة ثوب وردي  كودري مخيطته  للنوم ربع ردن ودلع من كدام .. وشعره نص ملفوف ونصه طالع من القراصه بطريقة فوضوية مثيرة .
نرجع للحدث ... مها: الله يخليك شنو تريد اتسوي
سالم :-- تقرب منه وخلع دشداشته
مها انصعقت وغطت اعيونه بديه بس حست سالم يمه قريب وانفاسه يمه فتحت اعيونه
لكته يمه ويلعب بكذلته
مها:- نفسه بدة يصعد وينزل
سالم بدون اي كلام او مقدمات رفع راسه بيده وطبع  قبلةة مطووووولة على شفته مها فتحت اعيونه على وسعه من سالم ونفسه حسته راح ينكطع .. ترك تاخذ انفاسه ..
مها:- رادت اتكوم
هو كام وراهه وحظنه من خلفه ..
مها:-دارت وجه عليه :- شنو تريد مني عوفني الله يخليك انت مو وعدت...
قبل لا تكمل هجم عليه  ومكدرت تقاوم رجولته اكثر.................

حظنه وهي كانت جسد ساكن ضمه ز حيل وشبك رجليه برجليه ونام وهي هم ضلت اشوية تتنفس ريحة جسمه الى أن غفت ونامت ... ....
جانت الدنيا ظلمة والمكان هادي بشكل مرعب وسالم جان واكف حاير هو وين ؟ بس سمع صوت واحد يضحك من خلفه دار وجه مشاف أحد رجع باوع لكدام شاف أحمد واكف كباله ويباوع اله بنظرات  عتاب بس جان شكله يخوف وتعبان سالم تقرب منه راد يحظنه فجاء احمد رجع يضحك بشكل هستيري ... فز سالم مخترع فتح اعيونه لگه مها نايمة بين اديه زاح ايده عنه بخفة وگام سبح و صلة جان الصبح قرب يطلع .. .. مها كعدت فتحت اعيونه شافت سالم كاعد ع طرف السرير وحاظن وجه بكفيه ومطيه ضهره ..
هي عباله حلمانه اصلا .. بعده ممستوعبة هي صارت مرتة فعليآ ..
اخذت ثوبة لبسته ورجعت كعدت تريد تسمع منه شي ...
سالم:- اذا كاعدة روحي لغرفتج .. كاله بجفا
مها:- شنو  !؟
ما كامت تريد منه تفسير وشنو معنى الي سواه
هو ضل ساكت  وعلى كعدته....... من شافته ساكن بمكانه .......
ضلت تباوع للغرفة الي هي بيه هي شايفه بيته كله بس هذا مكان لا .....جانت غرفة راقية مختلفه عن بقية البيت اثاثه وترتيبه متناسق جدا لونه غرفة النوم (الاخشاب). ابيض واسود والبرده ايضا لونه أسود!!!!!!!! وبيه  لون كرستالي لماع على شكل نجمة بنص البرده لونه جان غريب واكو مكتب ويمه مثل الميز ابو الرفوف بالحايط مليان كتب  .. .  وجانت اكو صورة على الحايط بيه سالم واخوته كلهم مبتسمين للصورة الا سالم . 
رجعت باوعت لسالم الي جان مطيه ضهره ..
مها:- تشجعت وكالت:- ابو داود هسه شنو وضعنا ؟ افهم ...
قبل لا تكمل
سالم:- دار وجه عليه : وباوع اله بنظرات مليانه ندم ! وكال:- لا تفهمين شي رحمه لوالديج يابت الحلال اطلعي وروحي منا ،،،،
مها:- صفنت بوجهه وظلت تباوع بنظرات أستفسار  اتريد توضيح . ليش جابه وليش هسه يطرده
هي:- ما اروح شنو السالفه يعني فوك ما خلفت بوعدك الي . اريد افهم انت رايدني اذا رايدني ليش ما حجيت وياي قبل لا أجيبني ؟
سالم معايز ملامة هو جان عايش بندم كام من مكانه لزمه من معصمة ويريد يطلعه مطايق أي كلمة منه الانه اتجاوبت وياه وما منعته .
هي:- اخ ايدي هاي شنو وخرت ايده عنه وكالت: انت اشبيك  عندك انفصام بالشخصية فوك ما جبتني غصب بدون أستأذان ما اروح منا قبل لا افهم شنو وضعي هسه مرتك لو هيج ليلة وتريد أذبني؟ باوعتله واعيونه دمعت
هو اخذ نفس طويل  رفع راسه لفوك  وحط اديه على وجه  ومسحه ورجع باوع اله وتنهد
سالم:- هسه روحي خليني افكر واراجع نفسي
باوعت اله بسخط
هو فتح الباب وطلعه ورجع سده بوجهه
هي ضلت صافنه على الباب . ممصدك هذا طرده وهي بهذا الوضع ..
طلعت مها من بيت سالم على السريع جانت الساعه ب 5 ونص الصبح جانت ياسمين بالصاله تعجن والباقين بعدهم بغرفهم
دخلت مها للبيت مكسورة الخاطر ..
اتمنت محد كاعد حتى لا يشوفه بهذا الوضع ..
دخلت
شافته ياسمين
ياسمين:-مها؟؟؟؟؟؟
اتعجبت ياسمين اشو مها بطرك ثوب كودري مقصف وشعره منثور وجاية من برة بهيج وقت؟؟؟
مها مادارت بال لياسمين وأسألته ودخلت لجوه ركض .
ياسمين:- يا هاي اشبيه وين جانت طالعه هيج ؟؟ وليش تبجي . عسا ماكو شر ...
دخلت مها ومكدرت تبجي بصوت الان بناته يصحن ضلت كاتمة صوته وتبجي بحركه على سريره وغطت نفسه وضلت تون .. اصعب شي من شخص يخنك نفسة حتى لا أحد يحس عليه . ب 6 الصبح . كامت سبحت . وصلت . ورجعت لسريره .. هذا ليش هيج سوة شنو يريد يكسر خشمه الان شاف هذا الي اسمه جهاد يتقرب منه لو هيج بس يريد يقضي وقت ويعوفه زين مفكر بيه اذا هو يريده ليش طرده بهاي الطريقة هي ما اعترضت ولا نفرته ليلة البارحه بالعكس حست بيه وبادلته بحفاوة وحرارة زايده بسبب الحرمان الي جانت تعانيه . والصبح من كعدت توقعت راح يصارحه برغبتة بيه وعادي يعيشون مثل أي ثنين ... ..
ما طلعت الصبح وياسمين حست بيه شي اخذت هي البنات وريكتهن .
.. دخلت ياسمين على مها الي جانت متكعورة بالفراش وجوة الغطه نايمه
كعدت على طرف السرير ووخرت الغطه عن مها
مها:- عوفيني حبابه
ياسمين:- اشبيج مها اني مثل أخيتج احجيلي؟ شكو شصاير
مها:- ماكو شي بس اخوج خلف بوعده الي
ياسمين:- طبعا حسيت صاير شي .زين ليش ضايجه ؟ والله احسن الكم الكلام كثر عليكم وعلى وضعكم والرايح والجاي عرف بالسالفه .
انت بحاجه للرجال بعدج اصغيره وحلوة ليش تحرمين نفسج؟
مها:- ماريد لا رجال ولا شبه ؟
ياسمين:- يا
مها:- ارريد انام
ياسمين:- باوعت لرقبة مها الي بيه اثر احمر
وكالت ليلتكم جانت عنيفه وضحكت ..
مها:- تغطت ونامت ... او مثلت النوم
ابد مطلعت مها بذاك اليوم ..
ثاني يوم جان دوام ولازم تكعد تروح ويه سالم للدوام . 
لبست واتريكت وراحت كعدت بالحديقة كالت اليوم بلكت يوضح الي شي وافهم منه شنو يريد .. 
اجه ابن حماهه :-ها عمه اصباح الخير
مها:- صباح النور
هو:- يلا عمه خل أوصلج
مها:- ها !!!!!انت توصلني؟
ابن حماهه:- اي عمة مو عمي هو وصاني
راحت ويه ابن حماهه وحيل ضاجت على روحه تأكدت منه مايريده مجرد نزوة او شهوه وراحت حاولت على كد ماتكدر تمسح دموعه قبل لا تطلع  حتى ابن حماهه ما يشوفه .
حيل حست بالانكسار اشون راح تتحمل اشوف خلقته بعد الي صار وبأي وجه اتشوفه بعد ما كسره ......
دخلت للصف قبل لا يدك الجرس حتى لا اتشوفه او اصادفه بالادارة ...
وخلص اليوم الدراسي على هذا الحال تحاول ما اتشوف وبأي طريقه .. طلعت من المدرسه حايره اشون توصل للبيت اهنا شافت حماهه ابو جاسم طبك سيارته يمه صعدت وياهه وراحت .... وصلت للبيت تلكته عمته بالكراب وبشغل ماله داعي يتأجل بغير وقت بس حتى تهلكه قبل الغده ..... تغدت ورادت تنام حيل انهلكت
عمته دخلت عليه بالغرفة:- وين نايمه ولج تعاي سوي البانية الي نريد نيبسه ..
مها:- االله يخليج على العصر ميته من التعب
عمته:- كومي كومي كال تعب هو انت مدلله كاعده لا شغله ولا عمله ..
تنهدت مها مهما تشتغل بنظر عمته كلشي ما مسوية رغم هي اكثر وحده بيهن كاربته وهي موظفة ..
طلعت مها للصاله شافت صواني البانية كيلوااات فضيعه مسطرة لو تضل منا الباجر ماتخلصهم
مها:- عااا هاي شنو كلهم اسويهم اني؟
عمته:- اي اشبيج بعدج.بشبابج وعافته راحت لغرفته .
مها كعدت تقمع البانية وتغفي من النعاس الان صارله ايام ما تنام كل ما تريد تنام تذكر سالم وليلته وياه جانت اول مرة تحس نفسه مع رجل بس مع الاسف الفرحه ماتمت وطار ....
جهاد شاف مها كاعده بالصاله بوحده كال فرصه اكعد وياهه اشويه
هي جانت شاردة البال بدون ماتحس قصت اصبعه
مها:- اويلي ااااخ
جهاد :- هااا على كيفيج مها غير تاخذين حذرج
مها:- لا بسيطه وراحت للمطبخ . غسلت اديه وجابت لاصق جروح اتفجأت بجهاد وراهه واكف . اهنا دخلت عمته...
مها :- لا بسيطه اني ضمدته  وراحت وضاجت حيل من هذا جهاد اشون لزك نفسه عليه بحجه يلف اصبعه .. لا وانوب عمته شافته بعد شيخلصه لمها ...........
.....
....
.....
تعمدت ام سالم تحجي الي شافته گدام ابو داود وابو سالم حتى بلكت يطردون مها ماتدري الي سوته راح ينقلب ضده من گال
ابو سالم :-لو تأخذه للمرة يمك ولو ترجعه معززة مكرمه لأهله ابن عمتك راح يگعد يمنا فترة وهذا عينه زايغه وبت الناس هاي امانة يمنا ..
سالم:- راح اخذه اليوم تندار بيتي تعيش وياي ما اعوفه اهنا لحظه..
ام سالم اجت تجيه جلطة للمرة لزمت  گلبة وكالت:- يا ليش خليه اهنا بيتنا اوسع
ابو داود :-بيتي مقاصر واكدر احفظ عرضي بيه ..
......
جانت مها كاعد تقري بته فرح و دخلن عليه نسوان سالم ووياهن ياسمين ..
مها:- يا هلا والله بالهل لمة الحلوة اليوم الگمر امين طلع ..
ام وجيهه:- يلا يا ام فرح خل نساعدج بلم غراضج !
ام داود:- سالم امرنا نجي نساعدج اليوم راح تندارين بيتنا
مها باوعت بستفسار لياسمين ؟؟
ياسمين:- احم احم هو كال النا الان ابوي كله لا تعوفه تشوف نصيبه لو تاخذه يمك وهو ماله غنى عنج . اهنا ام وجيه عوجت حلكه معجبه كلام ياسمين ..
مها:- لا ما اجي اني متعوده على غرفتي هذا بيتي ذاك مو مكاني ...
ضلن يتوسلن بيه وماوقبلت
ام داود:- الله يخليج تعاي ويانا والله راح احنه نروح بيه اذا ما جبناج
مها:- انتم شنو علاقتكم كولوا هي مموافقه .
راحن بعد ما أيسن منه ...
وهي رجعت تقري بته .. ورة ربع ساعه .. اجه الشيخ سالم بنفسه لغرفته دكه
هي عباله ياسمين رجعت تقنعه كالت يسومه طبي
سالم:- يالله
مها  اتعجبت ابو داود جايه شريد هاي المرة لا وانوب يستأذن بعديش !!! يعامله كأنما ما سواله شي وسبب اله جرح حطت حجابه على راسه .. وكالت تفضل خوية!!
دخل ابو داود وهو مدنك
وهي ضلت تباوع اله اشو شكله جنه خجلان ومرتبك اول مرة اشوف هيج هذا الرجال الي دوم نظراته عميقه مثل الصقر وهيبتة فارضه نفسه بكل مكان وزمان هسه كدامه واكف خجلان والكلام طاير من لسانه ..
هي استغلت الفرصه وكالت:- روحي فرح العبي ويه خواتج . طلعت بته وهي كامت وكفت كدامه ..
مها:-تفضل ابو داود
سالم:- شوفي يا بت الحلال اني محقوق الج وحتى مالي عين انظر الج  واعرف هسه شنو الفكرة الي براسج عني بس صدكيني غصبا عني ..
مها:- هو شنو الي غصب عنك؟
سالم :- تنهد كانما الكلام الي بداخله يهد جبال .. وسكت .. بعده كال
سالم:- الج حق الاختيار يا تجين هسه وياي يا ترجعين لأهلج اهنا كعدتج بيه أسائة الج والي والناس ما تسكت
مها:-هذا مجان اتفاقك وياي؟؟
سالم:-الامور اختلفت يابت الناس وانه ماحسبت صح من اقترحت الفكره عليج
مها:- مستحيل اعيش وياك بمكان واحد انت أذيتني كالته ودموعه طلعن
سالم:- باوع اله بشموخ وكال لو تجين وياي هسه لو اخذج باجر الصبح لأهلج
مها:- ضاجت اجاهل دموعه وسد الموضوع الي هي رادت تفتحه حتى قبل لا تفتحته لان يعرفه جانت تريد تعاتبه على الي سواه .. .
مها:- مسحت ادموعه وكالت :اروح وياك بس بشرط .
سالم:- ؟؟
مها راحت جابت المصحف واجته حط ايدك اهنا واحلف انك ما تتقرب مني الي برضاي واذن مني
سالم:- انطيج كلمة الي تريديه يصير . 
مها:- ما اصدك بعد بكلامك اريد حلفان وباوعت اله بستنكار ..
نظرته حيل اذته هو الشيخ سالم الي كلمته ماتنزل الارض والكل يثق بوعوده اذا قطع تجي مرة تشكك بيه بس مكدر يحجي شي الان جان عده حق هو كسر بكلمته