وصل مرته وكعد اشويه ورجع احمد للبيت
امه شافته اجه راحت تركض لغرفته
امه:- ها يمة اشعده مرتك كل يوم رايحه
احمد:-يمه اهله يمنا وهي صارله اشهر مارايحه!
امه:-ها انوب ماترضى عليه يمة المرة لازم اتسوكه حتى لا تركبك هي
احمد:-يمه شنو هالحجي المرة بيت خالته طلعوا جاين خطار من كربلاء وامه دزت عليه ..
امه:- ها انوب وعده ولد هاي خالته ؟
احمد:- اي يمه
امه:- واشكبرهم بلا
احمد:-اشمدريني شباب
امه: - وهمه جايين
احمد:- اي يمه اي شنو هاي الأسئلة هسه اريد غده حتى ابلع دواي وانام تعبان
امه:- اي انت نام بالعسل وعوف مرتك ترافج ولد خالته .. وخلت وطلعت امه .
.......
ثاني يوم العصر افتقده حيل أحمد لمها كال خل اروح بس اشوفه وباجر الا ارجعه الان متفقين تبقى ثلاث ايام اهناك ..
دك الباب احمد فتحه اله أبن اياد الصغير .
احمد:- ها حبيبي سويلي طريق وكل لبوك وعمتك عمو احمد اجه
صدك راح الولد ورجع
الولد:-طب عمو هي عمه بالاستقبال
صدك دخل احمد طبعا الولد ما كال الاهله شي وحده شاف ورجع دخل احمد
.. احمد دخل جان يشوف مها كاعده بالاستقبال ويه ولد خالته اثنين شباب وبس اولاد اخوهه كاعدين وياهم وتضحك ويه ابن خالته
شافته مها ..استغربت من جيته بس ابتسمت
مها:- هلا احمد تفضل اكعد
سلم احمد عليهم بس صاار نار اشون تكعد هيج وتسولف ..
احمد:- اني جاي اشويه واروح يلا حضري نفسج
مهاسكتت ما حبت اجادله كدام ولد خالته
راحت للهول وهو كام وراهه
مها:- شنو احمد احنه مو اتفقنا باجر العصر تاخذني؟ .
احمد:- غيرت رأي
مها: ليش
احمد:-راح اروح بسيارة خمس دقايق والكاج جايه ....
صدك راح ... ومها ودعت اهله حتى ملحكت تبدل بس اخذت جنطته وبناته وطلعت ...
بالطريق
مها:- احمد اشبيك
هو ما جاوب ..
وصلو للبيت احمد سحب مها من ايده بطريقه عصبيه ودخله للغرفه ..
مها :- شكو اشبيك ليش هيج معصب
احمد:- انت اشون تكعدين ويه شباب وحدج وبشنو جنتي تتمضحكين
مها:-هاي اشبيك هد ايدي وجعتني
احمد دفعه على السرير
مها:- شنو اشبيك ما جنت وحدي ناس طابه وطالعه وذوله اصغار بالنسبة الي والله اعتبرهم مثل اخوتي الصغار حتى مسبحتهم وهمه صغار
احمد سكت
مها: واحد مواليد 98 و واحد 2000 وانت على هاي رجعتني للسجن مالتك اهنا لا ضحكه لا طلعه لا طبة بس يلا كراب بكراب وعافته وطلعت راحت بغرفة بناته .........
باالليل رجعت لغرفته جان احمدنايم ومنطي ضهره هي هم نامت بصفه وانطت ضهره اله حسته تحرك ..
احمد:- مها
مها:- اني نايمة
احمد:- مها
مها:- مو كلنا نايمة
احمد:-لعد منو تحجي وياي
مها:- ماعليه زعلانه
احمد:- اسف مها
مها دارت وجه عليه وكالت:- احمد انت هم تذكر مرة كتلي بيه حبي او مهاوي ؟
انت تدري شنو مشكلتك ؟ انت بخيل حيل احمد صدكني
احمد:- اعرف شنو قصدج بس صدكيني والله اخاف اضعف كدامج اذا اتقرب منج !! اني كلبي ما يسعفني اعيش مثل الشباب ...
اعذريني مها اعرف مقصر وياج ؟ واعرف انت متحملة لخاطر بس ما تخرب حياتج ...
وصدكيني اني جنت رافض فكرة الزواج بس اهلي ظغطوا عليه ... وهسه حيل اتعلقت بيج خايف يجي يوم وتعوفيني !!!
مها:-- عمري مراح اعوفك احمد. تقربت منه وردت احط راسي على صدرة هو وخرني بهدوء ورجع نام وانطاني ضهر!!!!
أنت تقرأ
أبتسم لي
Romanceقصة عاطفية..تحكى عن فتاة عراقية. 🌹🌹🌹🌹 قال #الامام_علي ( سلام الله عليه ) كونوا على يقين أن هناك شيء ينتظركم بعد الصبر ليبهركم فينسيكم مرارة الألم❤️ ❤
