أبتسم لي

43

طلع الصبح ومها ما طلعت من غرفته ولا حس ولا خبر بته فرح اخذت اله الريوك للغرفة
سالم طلع للدوام واخذ اله اجازه من شافه ما طلعت .. واخذ هو حصصه !!!
جان كاعد بمكتب الإدارة  وحسبة تجيبه وحسبة ترده خايف لا يرجع وما يلكاهه همه عدهم المرة اذا تطلع زعلانه  ومن غير علم رجله ماترجع بعد وهو ابن الشيخ والشيخ من بعد ابو مايريد مرته تطلع من بيته زعلانه .....

العصر رجع سالم من مصالحه للبيت تعبان لان من الصبح للعصر هو مايرجع للبيت ..
ام داود  :- الله يساعدك ابو داود وراحت جابت ماي وكعدت نزعته حذائة وغسلت رجليه وضلت تفرك بيهن ... 
ابو داود يريد يسأل  عن مها لازم گلبة اخاف طلعت ماله لا حس ولا خبر بس ما كدر يسأل عنه احد.لان هي غطلانه عدهم ولازم هي تجي تعتذر من رجله ومن عمته اذا تريد اتضل اهنا . بس هو مايريده تعتذر كل الي يريده اتضل ويضل حسه بيته ... ضال عينه على باب غرفته ومرته تفرك رجليه ..
اندكت الباب راحت تبارك تفتحه ..
عمو :- اجت مرت خالو
اهنا خفق گلب ابو داود من سمع بمرت اخو مها اجت عرف مها رايحه لا محال...
ام داود كامت ودخلت منى
منى:- السلام عليكم
وعليكم السلام
منى:- االله يساعدكم اشونكم
... بعد السلام . كعدت منى بالصاله
ام داود: - وجيه روحي سوي جاي
ابو داود:- شنو جاي سوله شي بارد
منى:- لا اني مستعجله والله اجيت اخذ مها
سالم:- غمض اعيونه وفتحه كالعاده حركته من يتمنى الشي مايصير ويصير .
منى:- وينه هي ؛؟
اهنا اجت مها وشايله بيده بته
مها:- السلام عليكم ...
الكل :- وعليكم السلام  .
مها :- يلا منى انروح هم يلا نلحك وباوعت بوجه ابو داود
سالم:- باوع اله ونظراته كله تكول لا ترحين
مها:- تأكدت هسه كلام ام داود صحيح
منى:- يلا من رخصتكم
ام داود:- يخيه وين لا اتكبرين الامور انت مو اول بختج الناس شتكول عليك كل يوم رج..
قبل لا تكمل 
مها:- ام داود بناتي يمج دربالج عليهم فدوة
ام داود استغربت!!!!
منى:-احنه ما نتأخر 
مها:- بعد اذنك ابو داود رايحه بمشوار ويه منى ساعه زمن وراجعه ..
سالم مثل ما يكولون تنفس الصعداء من عرفه ما طالعه زعلانه .. 
طلعن من البيت بالطريق
منى:- اي اني حجزت الج من خابرتيني البارحه
عندج.افلوس كافيه للعمليه!!؟
مها:- هههههه اكيد
منى:- انت شنو راح اسوين بالظبط ؟
مها:- اخذ حگي من عمتي واربي سالم  واندمه على الراشدي الي اكلته منه البارحه وعلى الليلة الي رجعني بيه مرة  وعافني . والله لخلية يندم بكد شعر راسه على كل دمعه نزلت مني
منى:- الله اليستر على الي بالج . بس دربالج من عمتج هاي تخوف .
مها:- هالمرة اني بحرب وراح اطلع كل أسلحتي
منى :-يمه
مها:- ما اشاقه صدك تره هاي اخر فرصه الي  ومراح افرط لا بسالم ولا بنفسي ما اضل عايشه بظلم عمتي ولا بجفا سالم . .
وصلن للصالون دخلن ..
طلبت مها تصبغ شعره وسوت اله تسريح وحشت حاجبه وصبغته وسوت تنظيف بشره اتأخرت اهنا ساعتين من ال 3 لل 5 الا طلعن
راحن للسوك ماخلت مها شي بنفسه كولشي اشترت ملابس بيت ونوم ومكياج ...
ورجعت للبيت محمله الساعه ب 7 اهنا الدنيا ليلت وهمه معدهم مرة اضل لبرة هيج وقت منى وصلته وراحت لبيته ومها دخلت .. لكتهم ما همه اضاهر رايحين للعشا بالبيت الجبير . 
هي دخلت سبحت وبدلت لبس ثوب يخبل بس محتشم ولفت الشال بطريقه التركية وحطت ميك أب وراحت للبيت الجبير . دخلت ..
جانو كاعدين الزلم وام سالم وضرته والنسوان بالمطبخ يصبن العشاا
ام سالم جانت فرحانه عباله مها زعلانه .. من طبت مها انگلب وجه گلاب .
مها:- السلام عليكم .
الكل وعليكم السلام
سالم بنظرة خاطفه شاف تغير بيه
هي راحت للمطبخ ووكفت ما ساعدت بس ادك سوالف ولا كانه البارحه اكلت كتله ..
كعدوو على العشا
هي اهنا عافت الكل وراحت كعدت يم عمته ام سالم
.. من كتابات تراتيل حواء: زوزاية:

ام سالم :- باوعت اله بطرف عينه
مها :- خاله تفضلي وحطت ماعون الكبة كدام عمته
وكعدت تاكل .. ا
مها:- بلهجة مستفزة :-ياا عمتو ليش ما تاكلين هاج اكلي هاي من اديناتي
عمته:- ماريد منج شي
مها:- مممم وترديني عمتو اني ام حفيدج 
عمته:- خزرته انت حبلة وباوعت لسالم بقهر
مها:- لا عمه بس اني ام ترف حفيدتج  تريد تلعب بأعصابه ..
طول العشية ومها كولش مستفزة لعمته .
اترخص ابو داود من ابوه وراح لبيته
ونسوانه هم وراه بشويه راحن جانت الساعه ب 10 بالليل ..
سالم :- دخل لغرفته السرية الي نسوانه يتمنن يدخلنه . اصلا هو دوم منفرد وحده حتى زوجاته تقريبا هاجرهن كل اشهر الا يتقرب من وحده منهم بغرفهن غرفته ما معتباته ..  ومحد من حقه تدخل عليه بيه تعتبر غلطه لا تغتفر .  
مها دخلت لغرفته بدلت لبست تراك نيلي وبيه ورده حمرة من كدام وبجامته برموده طلع تقسمات جسمه الممتلئ وحطت فول ميك آب طلعت قمر وكعدت لمت ملابسه وغراضه وشالتهم بيده جانن نسوان سالم كاعدات يحشن بمرت حماهن بالصاله . ام وجيهه لمحت مها طالعه من غرفته ولابسه لبس غريب مثل الي يطلعن بالتلفزيون وبيده ملابسه وبناته هم محملات ملابس امهن واحذيته .. ومتوجه لغرفه سالم
كامت ام وجيه من مكانه .
وراحت اتشوف ..
مها باوعت لوجيه وابتسمت ..
من حسن حظه جان سالم ناسي يقفل الباب على روحه دخلت بدون اذن عليه مها ..
هو جان مطروح على فراشه واديه حاطهن جوة راسه من شاف مها دخلت عليه كعد على طرف السرير ونظرات التعجب والاستفسار بعيونه .. 
مها:- هلا سلومتي كالته بدع وبغنج ..
ودخلت حطت ملابسه على الجربايه يم سالم
سالم باوع للملابس
وباوع اله
مها: بطريقه مستفزه جدا ودلع زايد :- اها همزين الكنتور واسع وابتسمت اله
وراحت تجاهلت نظراته وفتحت الكنتور جان مليان بملابس سالم وغراضه
مها:-مممم يرادله تعديل اوف مكدر هسه تعبانه
اجت فرح وبيده احذيت امه
فرح:- هاي ماما
مها:- اوكفي ماما خل اشوف اكو جزامه اهنا
باوعت شافت الجزامه .
فتحته ودنت احذية الشيخ وحطت احذيته وياه ..
وشالت ملابسه وحطتهن على صفحه . 
اجت تبارك وبيده العطور
حطتهن على الميز بشكل عشوائي وكالت باجر ارتبهم روحن اطلعن ..
ام وجيه جانت واكفه يم الباب واتباوع للغرفه وجماله بس تصرف مها خلاهه تنجلط . مها طلعت بناته وسدت الباب بوجه ام وجيه
ورجعت تتغندر بمشيته وسالم يباوع  اله وصافن عليه
مها:- اشبيك صافن اخبل مو ودارت حول نفسه :- سيتي يخبل مو اليوم اشتريته برأيك لايق لجسمي
سالم :- حط ايده على لحيته وكال:- شنو جاي اسوين انتي
مها:-كلشي ماعندي والله حلف راسي وانام يم رجلي
سالم:-مها
مها:- روحه
تنهد سالم وكال روحي لغرفتج مها لا اسوين هاي الحركات ما تليق بيج 
مها:- ضاجت وباوعت اله بطرف عينه :- ليش عيني شنو ناقصني ها
وكعدت على كرسي المكتب
مممم كرسي مريح خوش بعد اكعد اهنا اقره ..
سالم:- مها اخذي غراضج وروحي لا تقتحمين خصوصيتي
مها ضحكت
سالم قطب حاجبه ليش تضحك هاي تريد اجننه اليوم
مها:- مممم سلوووومتي ياعمري مابين المرة ورجله خصوصية 
سالم:- مهاااا
مها:- اعيونه
سالم:- رجاءا روحي ولا تعيدهه
مها:- راحت الضحكه من حلكه وتقربت عليه وكعدت بصفه على الجرباية
مها:- شوف سالم هاي غرفتي ومكاني من اليوم وصاعد ومراح اطلع منه الي ماعاجبه البيت مليان غرف
سالم:-مهااا  و ابتسم
مهاا ضلتتت فاتحه اعيونه على وسعه هذاااا سالم ابتسم
مها:- جذووووووووووووب
يتبع