وفي المساء جلست هند على حاسبها فوجدت رسالة من نفس الشخص ففتحتها وهي تقول بسخرية :
- هي الناس دي مش بتزهق ، سبحانك يـــاربي
أخذت تقرأ الرسالة وتضحك بشده ، فقد كان محتوى الرسالة :
- يا هند أنا عرفت إنك قريتي الرسالة ، بعد إذنك ردي عليا أنا مش قصدي حاجة وحشة ، أنا بقولك شوفتك وعاوز أتقدملك فعلاً بس بقول نتعرف الأول يعني قبل ما آجي البيت
أخذت تقرأ الرسالة عدة مرات وهي تضحك بسخرية وتقول :
- شوفتك وعجبتيني وبعدين عاوز أتقدملك وبعدين نتعرف الأول وبعدين بحبك وبعدين طلعنا مش مناسبين لبعض وبعدين أنا أتمنالك واحد أحسن مني وبعدين إلبسي يا هند في الحيط ، لأ كـــــيوت ياض تصدق !!
أغلقت الرسالة بلامبالاة كالمرة السابقة وعادت لما تفعل ولكنها وجدت رسالة منه وصلتها على الفور وكان محتواها :
- برضو شوفتي الرسالة ومش عاوزة تردي؟ طيب علشان تعرفي إن أنا بتكلم بجد ممكن تبعتيلي رقم والدك ؟ أنا بقى هتصل بيه علشان تصدقي إن أنا مش بكدب
تنهدت بعدم فهم وقالت :
- إيه حكايتك يا عم خالد الشريف إنت ؟!! ودي بقى لعبة جديدة من الاعيب الشباب ولا بتتكلم بجد ولا إيه النظام ؟!!
أخذت تفرك وجهها بتفكير وقالت :
- طيب وهو لو بيهزر هيبعتلي يقولي هاتي رقم والدك؟!!
إنتابها الفضول فدخلت على صفحته الشخصية لتعرف عنه أكثر ، رأت صورته الجذابة فإبتسمت رغما عنها وقالت :
وإنت بقى علشان شكلك حلو بتلعب على البنات يعني ؟!!
ثم زفرت بملل وقالت :
- أنا مالي هو حر مش ناقصة وجع دماغ ، ولا هو فاكر يعني إني انا ما هصدق الاقي عريس وأروح مدياله رقم إسلام علطول كده ؟!! ليـــه إن شاء الله مش لاقية عرسان؟!!
نظرت للمرآة بصرامة وقالت :
-لو بيتكلم جد فعلا يبقى هيعرف يوصل لرقم إسلام زي ما عرف يوصل للأكونت بتاعي ، برضو مش هرد عليه ..
ثم أغلقت حسابها وغادرت الغرفة ..
______________________
- إلحقــــي يا سلمى النتيجة بـــــانت
قالتها هند عندما إتصلت على سلمى بعد مرور مايقرب من الثلاث أسابيع على زواجها ، قفزت سلمى من مكانها وقالت :
- قووولي بســـرعة عملنـــا إيــــه ، إتخرجنا ولا شيلنا حاجة ولا إيـــــه ؟
ضحكت هند بإستفزاز وقالت :
- عملنا حلو
صرخت سلمى بها وقالت :
-يا بـــت إنطقي بقى عملنا إيه ؟
أنت تقرأ
في الحلال
Non-Fictionالروايه بتتكلم عن حياتنا كلنا ، متهيألي مفيش شخص هيقرأها إلا لما يلاقي نفسه جواها ، كل واحد فيكم هيلاقي حد شبهه في الروايه ، هيلاقي مواقف هو فعلا بيعيشها ، هيلاقي الزقه اللي كان محتاجها من زمان علشان يبدأ حملة التغيير علي نفسه بإذن الله بإذن الله كل...
