إنتهت الصلاة وجلسا قليلا مع بعضهما البعض ثم عاد كل إلى بيته ، إتصل إسلام على هند وأخبرها بأنه سيأتي لها فور عودته من العمل في اليوم التالي ليقص عليها ما حدث بينما عاد خالد إلى منزله وفتح حسابه على موقع الفيسبوك وأرسل رسالة لهند وكان محتواها :
- بقــى كده ياهند مـــاشي ، عامل نفسك تقيل يا باشا أتاريك مضبط كل حـــاجة ، عموما يا ستي أنا قولت لأخوكي إن البنت اللي انتي قولتيله عليها دي تبقى بنت بنت عم بابا ، وقولتله كمان إنها مسافرة السعودية علشان ميحصلش مشاكل في أي وقت ويسأل عنها ولا حاجة ، إحفظي كويس بقى علشان لو سألك هاه
وبعد كده متعمليش نفسك تقيلة علشان اتفقستي خلاص ، يـــلا يا هند هنتقابل خلال الإسبوع ده بقى إن شاء الله ، مستني مكالمة أخوكي اللي فيها الميعاد بفارغ الصبر
ثم أغلق حسابه ونظر للمرآة بإنتصار وقال :
- وهتجوزك برضو يا هند ، مش أنا اللي بنت تغلبني أبداً
_______________________
وفي اليوم التالي عاد إسلام من عمله إلى والدته كما وعد هند بالأمس ، دخل عليهما بكل حماس وجلس في منتصف الأريكة بجوار هند ووالدته وأخذ يقص عليهما ما حدث فقال بحماس :
- بصي يا ست هنوود ، الولد كمظهر حلو جداااا الحمدلله ، يعني وسيم وشيك وذوق كمان ، كمواصفات برضو كويس جدااا يعني شغلانته كويسة وعنده شقة وكده ، كـ دين بقى مش عارف ، يعني هو باين عليه كويس بس برضو معرفتش أطلع منه باللي أنا عايزه
ثم أردف قائلاً :
- إحساسي بيقولي إنه مش ملتزم أوي يعني ، بس برضو محسيتش إنه مش محترم ، بصراحة غلبت معاه بس اللي إتأكدت منه إنه ذكي ومش بيقع بسرعة وأنا بقلق من الناس دول
ثم إنتبه فجأة وقال على الفور :
- اه صحيح في حاجة مهمة نسيت أقولها ، أنا ساعة صلاة العشاء فضلت مستني كتيــــر لحد ما الإقامة تقريباً كانت هتبدأ وهو برضو مقاليش يلا نصلي وبصراحة الموضوع ده مش مطمني ، أنا لازم أجوزك ياهند لواحد بيعرف ربنا وعلى الأقل محافظ على فروضه
إبتسمت قائلة :
- طيب ما هو يمكن كان مكسوف يقولك ولا حاجة ، علشان يعني إنت ملتحي وكده
تنهد بتفكير وقال :
- مش عارف ، بس برضو ده مش مبرر ، لكن الحق يتقال هو أول ما قولتله يلا نصلي قام علطول وقالي كنت لسه هقولك ، فأنا مش عارف بقى أنا كده ظالمة ولا إيه
ثم نظر لها بحنان وقال :
- تجي نعمل إيه ؟ نخليه ييجي وتشوفوا بعض وتصلي إستخارة وكده علشان منظلموش ولا بلاش ؟
أنت تقرأ
في الحلال
Non-Fictionالروايه بتتكلم عن حياتنا كلنا ، متهيألي مفيش شخص هيقرأها إلا لما يلاقي نفسه جواها ، كل واحد فيكم هيلاقي حد شبهه في الروايه ، هيلاقي مواقف هو فعلا بيعيشها ، هيلاقي الزقه اللي كان محتاجها من زمان علشان يبدأ حملة التغيير علي نفسه بإذن الله بإذن الله كل...
