إنتهى فاروق من وضع لمساته الأخيرة على شقته وإتفق مع نهى على كل شيء بخصوص الزفاف وأيضاً قام بحجز تذاكر السفر للعمرة على أن تكون بعد شهر من زواجهما .
بينما جلست هند تفكر كثيرا في كلام إسلام وإقتنعت بأنه ضغط عليها أكثر من اللازم لذلك قررت أن تتحدث دائما مع خالد ولكن بكلام "عادي" كما يقال ...
__________________________________
وبعد ثلاثة أيام عاد إسلام من المسجد بعد أداء صلاة العشاء مباشرة ، دخل منزله بهدوء ولكنه سرعان ما سمع صوت شهقات سلمى فحضر إليها على الفور وقال بخوف :
- سلمــــى في إيه ؟؟!!
نظرت إليه وقد إحمرت عيناها من كثرة الدموع وأشارت إلى التلفاز قائلة بألم :
شوف يا إسلام
وعلى الفور إلتفت إلى التلفاز ولكنه سرعان ما أشاح بوجهه جانبا وصرخ بألم :
- اااااااخ إزاي حصلها كده ؟!!
أغمضت عينيها بوجع وقالت بمنتهى التأثر :
- عارف يعني إيه طفلة يحصلها كده وهي لسه عندها سنتين يا إسلام ؟ عارف يعني إيه جسمها كله وحتى وشها يتحرق بالطريقة دي ؟ عارف يعني إيه تتألم وجلدها يتسلخ بالطريقة البشعة دي وهي لسه بتنطق كلمة ماما بالعافية ؟
طب عارف الأصعب إيه ؟
الأصعب إن الأم تشوف بنتها بالشكل ده ومش قادره تعملها حاجة ! كل ده علشان إيه هاه ؟ علشان 15 ألف جنية ! تلف على كل المستشفيات وكل البرامج وتذل نفسها لكل الناس علشان حد يرأف بحالها ويعالج لها بنتها ؟ ليه كده يا إسلام ؟ ليه محدش بيحس بحد كده ؟
كام واحد في مصر معاه مليـــــون 15 ألف جنيه ؟ كام واحد بيضيع ألاف على كلام فاضي ؟
ثم نظرت له بضيق وقالت :
- حتى إحنا يا إسلام ، فين حق الناس دي علينا ؟ اه مش معانا فلوس كتير زي ناس تانية بس برضو ممكن نساعد بأي حاجة ، أكيد مش هنموت من الجوع لو خصصنا كل شهر مبلغ معين للمحتاجين ، بالعكس ده ربنا هيبارك لنا في فلوسنا وبرضو هتكفي بإذن الله
صمتت قليلا ثم تنفست بعمق وقالت :
- حتى وإحنا في الجامعة يا إسلام ، كان ممكن عادي جدااا نجيب شيكولاته وشيبسات وحاجات ساقعة كتير جدااااا وعصاير وبتاع ، لكن ليه مفكرناش حتى نخصص ولو 10 جنيه من مصروفنا للمحتاجين ؟!!
أغمضت عينيها مرة أخرى بألم وقالت بكل صدق :
- إسلام .... هو إحنا ليه وحشين اوووي كده ؟!!!
نظر لها إسلام بألم وإرتمى على الأريكة ولم يتحدث بينما نهضت هي من مكانها وقالت بكل إصرار :
أنت تقرأ
في الحلال
Non-Fictionالروايه بتتكلم عن حياتنا كلنا ، متهيألي مفيش شخص هيقرأها إلا لما يلاقي نفسه جواها ، كل واحد فيكم هيلاقي حد شبهه في الروايه ، هيلاقي مواقف هو فعلا بيعيشها ، هيلاقي الزقه اللي كان محتاجها من زمان علشان يبدأ حملة التغيير علي نفسه بإذن الله بإذن الله كل...
