الصُّمود

part 3

شركة" futuer" للبرمجة

من اكبر شركات البرمجة فى مصر ..تجلس تلك الجميلة المرحة على مكتبها ويجلس بمقابلها خطيبها..

_ خلاص بقى ياكريم مش تزعل منى.....قالت برجاء وهى تنظر له

_ رحاب احنا كم مرة اتفقنا نخرج وتنسى.......تحدث ببعض الحدة وهو ينظر لها

_ والله ياكريم انت عارف الشغل فوق دماغى اد ايه..ومابصدق يوم اجازتى يجى علشان اخد راحه فى البيت......قالت بحزن

_ يعنى انتى لوحدك مهو كلنا هنا ورانا اشغالنا .. انتى بس اللى بقيتى تتحججى علشان مانخرجش ......اكمل بغيظ مكتوم

_ بتحجج ماشى ياكريم انت شايف كده.....قالت بعيون دامعه

_ بشمهندسة رحاب ..بشمهندس طارق بيبلغ حضرتك ان فى اجتماع بعد نص ساعة......قال ذلك الساعى وهو يدلف الى المكتب

_ تمام ياعمى شوقى..قوله انى هبقى موجودة فى المعاد إن شاء.......قالت رحاب ليومئ لها الساعى ويدلف الى الخارج

_ اجتماع وده بخصوص ايه؟!......سأل كريم بتعجب

_ تأمين مؤتمر تكريم الشرطة.....اردفت رحاب بإختصار

_ وانتى تبع فريق العمل ؟!.......اردف كريم بتعجب

_ اه بشمهندس طارق اختارنى تبع التيم ايه منفعش......اردفت بحنق

_ لا طبعاً هو انا قلت كده .....قال سريعاً وهو ينظر لها بترقب
_ رحبتى......اكمل وهو ينظر لها وهى يبدوا على وجهها ملامح الانزعاج

_ اممممم....اردفت وهى تنظر للحاسوب امامها

_ لسه زعلانه.....

_ لاء ازعل ليه.. هو انت قلت حاجة تزعل ياسمح الله.......اردفت بعتاب

التفت كريم ليجلس امامها على المكتب وهو يمسك يدها ويطبع قبلة عليها قائلا ...
_ انا اسف.. مكنتش اقصد كنت متعصب..وبعدين والله انتى بقيتى توحشينى.......قال وهو ينظر لها بحب

_ ياسلام ماانا فى وشك عالطول واحنا فى الشغل.....قالت بحنق مصطنع

_ اديكى قلتى فى الشغل يعنى انتى وشك فى الكمبيوتر بتاعك وانا نفس النظام.. سماح بقى مايبقاش قلبك حجر كده......قال بترجى لتبتسم بدلال
_ ايوة كده خلى الشمس تطلع.....

_ طب اوعى بقى لحسن حد يدخل علينا المكتب واحنا بالشكل ده......اردفت بخجل من نظراته وقبضه على يدها

_ وفيها ايه يعنى واحد وخطبته.....قال سريعاً

_ واحد وخطبتهه ده بره الشغل .. اتفضل يابشمهندس على مكتبك.....قالت متصنعه الجدية

_ حاضر يابشمهندسه بس لينا كلام لسه مخلصنهوش......اردف غامزاً لها وهو يدلف الى الخارج لتبتسم ثم تعود لعملها