توسعت أعين كلاً من إيمان ورحاب وهم يستمعون لهذه الكلمات التى تتفوه بها فاطمة بهسترية.. وكل مايدور فى ذهنهم ماذا قد تعنى بهذه الكلمات ؟!!.. هل مايفكرون فيه صحيح؟! ...
عند هذه النقطة ابعدت إيمان فاطمة عن حضنها وهى تمسك بذراعيها بقوة وتنظر لها وهى تبلع غصة فى حلقة لتتحدث بصوت حاولت جعله يخرج قوياً
_ قصدك أيه ؟... ومين دول ؟!!.........
هنا تحجرت الدموع فى عينى فاطمة ورفعت وجهها وكأنها لتوها فاقت من هستريتها وذلك الكلام الذى تفوهت به
_ وو..ولا حاجة .. ده مجرد كابوس ........ خرج صوتها خافت مهزوز وهى تمسح دموعها
_ مجرد كابوس بيتكرر عالطول ... فاطمة انتى طول الاسبوع اللى فات وانتى بتقومى من النوم مفزوعه بنفس المنظر ده ............ قالت رحاب وهى تضع يدها على ظهر فاطمة
_ الكابوس ده مجاش من فراغ ... والكلام اللى قلتيه دلوقتى بيأكد ده ... أيه اللى حصل معاكى يافاطمة ومين دول ؟! ... ومتحاوليش تعيشى دور الغامضة لأنى كنت عيشاه أكتر منك .. بس من ساعة معتبرتكم أخواتى فعلاً اتخليت عنه ........... تحدثت إيمان وهى تنظر لفاطمة
نظرت فاطمة بعينى إيمان وهى تستمد منها القوة التى تحتاجها فى هذا الموقف .. لتغمض عينيها بألم وهى تتنهد ثم قامت بقص تلك الحادثة التى حدثت معها فى صغرها والتى حولتها الى ماهى عليه اليوم
ربتت إيمان على يد فاطمة بعد ان انتهت من كلامها لتتحدث رحاب بعيون دامعه وهى تمسح على ظهرها
_ انتى فعلاً يافاطمة اقوة واحدة فينا ... ازاى قدرتى تخبى ده كله طول السنين دى وعمرك ماظهرتى لحد أد ايه انتى بتتألمى ؟! ............
_ رحاب معاها حق يافاطمة ... انتى مش ضعيفة انتى فعلاً قوية وده اللى مش عوزاكى تتخلى عنه أبداً ... اوعى تضعفى يافاطمة ... وآلامك وحزنك حتى غضبك انتى ممكن تطلعيه علينا احنا اخواتك وهنستحمل ... والله لو رجعت بالزمن للكلاب دول كنت فرمتهم ............. واصلت ايمان
_ معاها حق ... احنا عمرنا ماهنتخلى عنك .. حتى بعد مانثبت برأتنا هنفضل دايماً مع بعض ... محدش اتألم أد مااحنا اتألمنا .. كل واحدة فينا جواها عقدة قد كده والالام توصل لعنان السماء .. بس طول ماحنا مع بعض هنقدر نغلبها ... ويمكن ده اللى ربنا جمعنا علشانه ... احنا بنكمل بعض ... انا اتعلمت منكم ازاى اكون قوية بعد ماكان ضعفى عجزى فى الحياة ......... قالت رحاب بإبتسامة دافئة
_ وانا اتعلمت منكم ازاى اقدر اتخلى شوية عن شكوكى وأبدأ اثق ولو مش فى كل الناس بس أهو بحاول ........ تحدثت إيمان بجدية
نظرت فاطمة لكلتاهما وهى ترسم إبتسامة ضعيفه على وجهها و تتحدث
_ وانا كمان اول مرة أحس بشعور انك تملك اخ ... وانا ربنا رزقنى بأختين ........... قالت فاطمة وهى تربت على يد كلا من رحاب وإيمان
أنت تقرأ
الصُّمود
Actionتختلف الظروف لتصنع مختلف الشخصيات فانتقيت ثلاثة شخصيات مختلفه يجمعهم القدر ليتحدوا معاً فيصبح بينهم رابط قوى يسمى الصداقه... هذا الرابط الذى سيجعلهم يتغلبون على ظروفهم الصعبه ومشاكلهم ويقابلون من يكملهم .... مرحة ضعيفة...وقوية شرسه....و مقاتلة عدائي...
