الصُّمود

part 11

نظرت ايمان للشخص الجالس ببرود ثم اشاحت بوجهها مرة اخرى حتى اردف المحقق ....

_ اطلع انت دلوقتى ياحسين ..... قال المحقق وهو يوجه حديثه للعسكرى الواقف بجانب ايمان

_ تحت امرك ياباش ..... اردف العسكرى وهو يؤدى التحية العسكريه ثم دلف الى خارج المكتب

_ ادم باشا انت عارف كويس خطورة اللى انا بعمله دلوقتى لأنهم ممنوعين من الزيارة .. لولا انك صديقى انا كنت رفضت الامر ده اتمنى تتفهمنى ..........اردف المحقق وهو ينظر لأدم الجالس امامه

_ متقلقش ياسيف باشا .. هم خمس دقايق إن شاء الله مش اكتر........قال ادم وهو ينظر له بإبتسامه ممتنة

_ تمام انا هسبكوا دلوقتى .. بعد اذنك...... قال المحقق ليومئ له ادم ثم توجه الى الخارج

_ ايه ياايمان هتفضلى وقفه كتير اقعدى لو سمحت....... تحدث ادم بعد فترة وهو ينظر لإيمان الواقفه امامه

_ اسفه اصلى كنت مستنية الاذن.......اردفت ايمان بحنق وهى تجلس على المقعد امامه .
اخذ ادم نفس عميق محاولاً تهدئة اعصابه فهو يعلم كم هى متألمه مما حدث معها فليس الامر  بالهين ..

_ ايمان عايز اعرف ايه اللى حصل بالظبط ....... اردف ادم وهو يميل بجسده الى الامام قليلاً ناحيتها

_ هتفرق فى حاجه ياادم باشا.. على مااعتقد مش حضرتك اللى ماسك القضية........قالت بنظرات جامدة وهى تنظر له

_ ايمان انا عارف اللى انتى بتمرى بيه دلوقتى ومقدر جداً حالتك .. بس انا واثق انك لايمكن تعملى حاجة زى دى .. فأرجوكى خلينى اساعدك............اردف ادم مترجياً وهو ينظر لها

_ بلاش ياادم باشا تدخل نفسك فى الموضوع ده علشان متتأذيش بسببى .. كفايه وجودك هنا دلوقتى وانت عارف انه ممنوع ......... قالت وهى مازالت محافظه على نظراتها الجامدة امامه

_ وانا مش همشى من هنا ياايمان غير لما اعرف ايه اللى حصل .. اعتبرينى ياستى هساعد سيف فى التحقيق ......تنهد ادم بنفاذ صبر فهو يعلم مدى عِند إيمان..

تنهدت ايمان ثم اخذت تقص عليه ماحدث فى المؤتمر بعد ان رأت نظراته المترجيه لها..

_ افهم من كلامك انك انتى و رحاب والبنت التالته تم استخدامكم لأتمام عملية الاختيال دى ؟........اردف ادم وهو ينظر لها

_ بالظبط .. بس انت تعرف رحاب منين ؟!.........اردفت بتعجب وهى تنظر له

_ رحاب تبقى اخت شيرين مرات خالد اخويا .. المهم انا مش عاوزكم تقلقوا انا مش هسيب القضية دى غير لما اعرف مين اللى وراها .......اردف ادم فى ثبات

_ بلاش ياادم تورط نفسك فى حاجه زى دى ياريت تطلع انت بره الموضوع ......قالت وهى تنهض من مكانها